وكت بتعرف انجليزي قدر ده

أخبار أخرى

الله اكبر ولله الحمد .. بقلم: بابكر سلك

22 سبتمبر, 2015

اليوم نترحم علي المليون شهيد .. بقلم: بابكر سلك

22 أغسطس, 2015

خالد خالد فينا .. بقلم: بابكر سلك

21 أغسطس, 2015

بسم الله الرحمن الرحيم

 

في السلك

 

 

 

·        انتصار الاخوه الاهله علي مازيمبي بالكنغو ذكرني نكته قديييمه

·        قالوا كان في واحد قاعد في قريه زمن الانجليز

·        عامل فيها احسن زول بعرف انجليزي

·        وخامي ليك الناس كلها

·        يجيبوا ليهو طفل عيان يعاين ليهو كده ويفتح خشمو ويقفلوا ويقول ليهو ده عندو ( ويندو سجنل تو ) لكن عادي وبروح براهو

·        اهل الشافع يفرحوا وينبسطوا ويعجبوا بالانجليزي

·        قال ليك يوم زار القريه خواجه

·        ناس القريه كلهم قالوا مافي طريقة تفاهم مع الخواجه ده الا يودوهوا لزولهم البتكلم انجليزي

·        والقريه كلها تابعت الخواجه

·        ماشين علي زولهم

·        وفي منهم ناس قالوا والله الخواجه الليله الله يوريهو السم القدر عشاهو

·        وصلوا بخواجتهم لزولنا

·        الخواجه قدر مانضم زولنا مافاهم حاجه طبعا

·        لكن ما بسكت

·        برد بانجليزيهو القاطعوا من راسو

·        الخواجه يألو عن اسمو

·        زولنا يرد تيبل سجنل تو

·        الخواجه يتحدث عن الزرع والمزارعين والقريه

·        زولنا يتكلم ويهضرب  سجنل تو ريفر توم اند جيري

·        الخواجه زهج وزبط ليك زولنا كف وقام مرق

·        الناس بتشاهد في الحاصل

·        والغريبه مبسوطين

·        واحد من ناس القريه قال لزولنا عارفنك نجمتو وطيرتها ليهو من راسو

·        لكن الكف في شنو ماعارفين

·        زولنا اتنحنح وقال الخواجه قال لي وكت انت بتعرف انجليزي قدر ده المقعدك مع الطير ديل شنو ؟

·        اها جماعتنا وكت بعرفوا انجليزي قدر الشفناهو في الكنغو ده طايرين في شنو ؟

·        قال لي طرنا بشرف ومرفوعي الرأس

·        قلت ليهو لاقتك طيره طايره مصنقعه ؟ الطيره لما تطير وهي فوق بتعاين تحت عشان تشوف حاترك وين , في ياتو  مربع في الحتانه

·        اجمل خطه

·        نخندق ونخلي اتنين جرايين قدام , تجينا نطفشها الجرايين يجروا , ترجع لينا نطفشها

·        الكاس بشيلوا زول واحد

·        ومن هارت لاند الي تمبو نايص وااااحد

·        قبل شهر قال لي الهلال هو ممثل العرب الوحيد في المربع الذهبي

·        قلت ليهو المربع الذهبي بتاع المينا ء البري ياربي ؟

·        قال لي الهلال هو امل العرب في النهائي

·        وعشان كده ده اول نهائي افريقي مافيهو فريق عربي

·        تسخاني الماسوره

·        كابوندي قالوا من البعثه وصلت الكنغو مشي الحله

·        ود الحله

·        بس ما يكون جاراجع مع الجماعه

·        اسي لو سمعتوا كلام مزمل ولغيتوا الاعاره كان امولادي اقل شئ مرق القون الرابع

·        قالوا الجماعه بكوا بعد لكوره

·        لما تصلوا جيبوا ندي القلعه تغني ليكم البكي ما بجيبوا ليا

·        اختلفت اللآراء حول اسباب الخروج

·        ناس قالوا العصير

·        وناس قالوا الراس اللافي

·        وناس قالوا التفريط كان هنا

·        وناس قالوا ابو كدايس حمامتوا ما طارت عشان كده طاروا

·        وناس قالوا كابوندي

·        وناس قالوا المدرب

·        وناس قالوا التميمه نسوها

·        وناس قالوا في شغل خفي

·        وخالد قال الفكي مابجيب قون

·        وناس قالوا الحفله القبل الكوره

·        وناس قالوا كانوا يختوا طوبه في الاستاد عشان النحس

·        وناس قالوا 000وناس قالوا

·        لكن في ناس قالوا الذمه بانت

·        ده حق اول اغسطس

·        سجنل تو ويندو

·        ده انجليزي يامرسي

 

سلك كهربا

                مبروك شهادة السكن في الحتانه

والي لقاء

سلك

 

 

والي لقاء سلك