يا ثائر أهتف عبِّر
أرفع صوتك قول الداير
أرفع صوتك فجر بركان
لابد تتبل قوات حمدان
قتلة كشه وسحلت عثمان
صوتك عالي اردم برهان
ترسك قاعد برجع بمبان
يا ثائر ما تتغشا
تبرالك زول وسخان
حاقد في قلب بالغل مليان
ماهاميهو تفتيت بنيان
كايس صالحو داعم برهان
يدعو يمهد بالخبث كمان
داير يرجع لحياتو زمان
لكن هيهات سيوفنا سنان
زمن الخدعه يازول ما فات
دفعنا دماء ثمن الفوتان
أيوب و معاذ . صديق وعمر
ياسر وأحمد .. طارق و زمران
شباب حلوين متل الرمان
من أجل حريه وسلام
وعداله بالقانون وإن طال الزمان
ناخد القصاص من كل آمر
ومن كل زول شال السلاح
وحرمنا من مجهود سعد
وعدي بشير و هزاع كمان
يا المستفيد المن زمان
تجمع تخم في المال حرام
ما تفتكر إنك نجيت
بالمنصب الفقد الدرب
وضعوك فِي وخَصَّوك بي
دورك قريب قرب يصل
لإدارة التفكيك
ونحن راجين البيان
يا القاعد هناك متخفِّي
داخل دواوين الحكم
تحفر تعطل في القرار
أعرِف تماماََ واقتنع
مهما عطلت المسير
وزرعت بيناتنا الفتن
شعار ثورتنا بتنفذ يتم
الحريـة تبقي هواء
والسلام ينمو ويعم
و العدالة تبقي شجره
وفي رحابا نتوافق
نحاكم كل من ظلم
و الحق لابداََ يجي
و ناخد القصاص
و لو طال الزمان
///////////////////////
