ﻣﺎ ﻓﻲ ﺍﻟﻠﺴﺎﻥ ﺍﻟﺤﻞ
ﻻ ﺑﺎﻟﻜﻼﻡ ﻣَﻨﺠﺎﻧﺎ ..
ﻻ ﺍﻷﻗﻮﺍﻝ،
ﻓﻌﻔﻮﺍً ﻳﺎ ﻣُﺤِﺐ ﻋَﺰَّﻩ :
ﺧُﺖ ﻗﻠﻢ ﺍﻟﻨَّﺪَﻡ ﺣﺒَّﻪ
ﻭ ﻭﻗِّﻒ ﺩﻗﺔ ﺍﻟﻜﻴﺒﻮﺭﺩ
ﻣﻌﺎﻙ ﺃﻗﻌُﺪ ..
ﺇﺗﻠﻔَّﺖ ﻳﻤﻴﻦ ﻭ ﺷﻤﺎﻝ،
ﻭ ﻓﻜِّﺮ .. ﺑﺲ ﻋﻤﻴﻖ ﻓﻜِّﺮ
ﺭﺍﺟﻊ ﻭ ﺷﻮﻑ ﺍﻟﻌﻤﻠﺘﻮ ﺷﻨﻮ
ﻋﺸﺎﻥ ﻣﺎ ﻳﻜﻮﻥ ﺟﺪﻳﺪ ﺍﻟﺤﺎﻝ؟ :!
ﺷﻨﻮ ﺍﻟﺴﻮﻳﺖ
ﻣﺤﻞ ﺳﺎﻛِﻦ ..
ﻣﺤﻞ ﺗﻘﺮﺍ ﻭ ﻣﺤﻞ ﺷﻐَّﺎﻝ
ﺑَﺪَﻝ ﺳﺎﻛِﻦ ﺳﻨﻴﻦ ﻭ ﻃﻮﺍﻝ؟ !
ﺑﺲ ﻳﺎ ﺭﻳﺖ
ﻭ ﻫِﻨﺎ ﺑﺎﻟﺬﺍﺕ
ﺑﺪﻭﻥ ﺗﺒﻜﻴﺖ ﻭ ﺟﻠﺪﺓ ﺫﺍﺕ
ﻓﻲ ﺿُﻞ ﺍﻟﻨﻮﺭ .. ﺑِﺮﻭﻗﺔ ﺑﺎﻝ،
ﺗﺮﺍﺟﻊ ﺃﻳﻪ .. ﻋﻤﻠﺖَ ﺷﻨﻮ ..
ﻭ ﻭﺻﻞ ﻟﻰ ﻭﻳﻦ ؟ !
ﻛﻴﻒ ﻧﺘﺠﺎﻭﺯ ﺍﻟﺘﺸﻜﻴﻚ
ﺑﺪﻭﻥ ﺇﺳﻘﺎﻁ ﻣﻦ ﺍﻟﻤﺎﺿﻲ
ﻧَﻌَﺪْﻝ ﺍﻟﻔﺮﻋﻮ ﺳﺎﺑﻖ ﻣﺎﻝ
ﺳﻨﺪ ﻟﻴﻨﺎ ﻭ ﺳﻨﺪ ﻟﻴﻬﻮ
ﻋﺸﺎﻥ ﻣﺎ ﻳﻨﺠﺢ ﺍﻟﺘﻔﻜﻴﻚ
ﻋِﺪِﻝ ﻋﻠﻲ ﻋِﺪَّﺓ ﺍﻹﺳﻘﺎﻁ
ﻧِﺰﺍﻝ ﻋُﻘﺒﺎﻥ ﻭﺭﺍﻫﻮ ﻧِﺰﺍﻝ .
ﻭ ﻛﻴﻒ ﻣﻤﻜﻦ ..
ﻧﻤﺎﺯﺝ ﺑﻴﻦ ﻋﻤﻞ ﻭ ﺍﻗﻮﺍﻝ ؛
ﺇﺫﺍ ﺣﺎﻥ ﺍﻷﻭﺍﻥ ﺣﺘﻤﺎً ..
ﻭ ﻣﻮﻗﻮﺕ ﺇﺗْﻨَﻔَﺦ ﻓﻲ ﺍﻟﺼﻮﺭ
ﻭ ﻫﺎﺝ ﺇﺗﺒﺮﻛﻦ ﺍﻟﺒﺮﻛﺎﻥ ..
ﻭ ﺇﺫﺍ ﻣﺎ ﺯﻟﺰﻝ ﺍﻟﺰﻟﺰﺍﻝ؟ !
ﻛﻴﻒ ﻣﻤﻜﻦ
ﻣﻊ ﺍﻷﺣﻼﻡ ﻣﻊ ﺍﻟﻤُﻨﻴَﻪ
ﻧﺸﻴﺪ ﺍﻟﻮﺍﻗﻊ ﺍﻟﻤﻤﻜﻦ
ﻧﻌﻴﺪ ﺗﺮﻛﻴﺒﺔ ﺍﻟﺪﻧﻴﺎ ..
ﻭ ﻧﺸﻴﺪ ﺍﻷﻓﻀﻞ ﺍﻷﻣﺜﻞ
ﻛﺄﺟﻤﻞ ﻣﻦ ﺧﻴﺎﻝ ﻭ ﺧﻴﺎﻝ؟ !
ﻧﺸِﻴﺪ ﻭ ﺟﺪﻳﺪ
ﻭ ﺳﻴﻢ ﺯﻱ ﻧﺴﻤﺔ ﺍﻵﻣﺎﻝ
ﻭﻃﻦ ﻭﺍﺣﺪ
ﻣَﻮَﻃَّﻦ ﻓﻲ ﻗﻠﻮﺑﻨﺎ ﺟﻼﻝ
ﻭ ﺣﺐ ﻣﺎﺑﺤﻴﺪ
ﻣَﺮَﺳَّﺦ ﻓﻲ ﻗﻠﻮﺑﻨﺎ ﺟﺒﺎﻝ.
tilalaziz@gmail.com
////////
