*سلم سلم ياربي*
*اولادنا الطلعو علي الشارع*
*يارب احميهم من ظلمو*
*القاعد قانص بي طلقه*
*والراكب تاتشر بي دوشكه*
*والقاعد يسبح ويضبح*
*ذى جزار عيد الاضحي*
*سلم سلم ياربي*
*اولادنا الطلعو علي الشارع*
*الطلعو بيحمو الاحساس*
*بالبلد البخنقو زوله*
*يهتف*
*العسكر يرجع سكناتو*
*والباقي يرجع وتحله*
*سلم سلم ياربي*
*اولادنا الطلعو علي الشارع*
*شايلين اشواق للمستقبل*
*والمستقبل سجنو العسكر*
*والعسكر واقف طابور*
*وعمي علي واقف محتار*
*شاف مرتو مرقت بالباب*
*وتنادي هوي يا اولاد*
*اتضارو من الرصاص*
*اماتكم راجيات في البيت*
*لوكبرن تبقوله سند*
*و عيونن الشوف لوفات*
*عمي علي سمع الرصاص*
*شاف مرتو ضاربنها نار*
*قام شاله وداها البيت*
*ودموعو نزلت ساقيات*
*الأرض النبتت اولاد*
*وبناتا شمسا ساطعات*
*بضون كل الساحات*
*كضاب القال بحكم*
*زنديه او بي رصاص*
*اوحاويه فوق الكبري*
*او دقنا مزروعه ضلال*
*سلم سلم يا ربي*
*اولادنا الطلعو علي الشارع*
alsadigasam1@gmail.com
///////////////////////
