سودانايل أول صحيفة سودانية رقمية تصدر من الخرطوم
بسم الله الرحمن الرحيم
في السلك
· قال لي سمعت كلام صلاح القالوا في التلفزيون ؟
· قلت ليهو صلاح منو ؟
· قال لي صلاح الرئيس
· قلت ليهو ماسمعتو
· قال لي قال اتفق مع نجمين من نجوم المريخ
· قلت ليهو وطيب مالو
· قال لي مالو كيف ؟ اقول ليك اتفق
· قلت ليهو اتفق علي شنو ؟
· قال لي علي تسجيل النجمين بالهلال
· قلت ليهو انت سمعتو قال اتفقت ولا قال اتفقت علي تسجيلهما في الهلال ؟
· قال لي النصيحه سمعتو قال اتفقت , لكن الفهم علي تسجيلهما في الهلال
· قلت ليهو صلاح ده مجموعة جهات , يعني لو اتفق صلاح الملحن بكون اللاعبين القالهم واحد شاعر والتاني مغني وبكون اتفق معاهم علي اغنيه , ولو اتفق معاهم صلاح الصحفي بكون داير يعمل معاهم لقاء صحفي يهز الارض , ولو اتفق معاهم صلاح رجل الاعمال فالموضوع لايخرج عن صفقه تجاريه بحته لان لاعبي المريخ كلهم رجال اعمال لايقلون عن صلاح في شئ , ولو اتفق معهما صلاح رئيس الهلال بالتاكيد بكون عشان يشارك النجمان في مهرجان اعتزال البرنس , اما اذا اتفق معهما صلاح الاتحادي فده اتفاق ماماشي لقدام لان المسؤل في الحته دي هو السيد طه علي البشير , عن اي اتفاق تحدث صلاح انت لاتعلم ياصديقي
· قام بعد فتح خشمو قال لي الموضوع مابطلع من موضوع التسجيل
· قلت ليهو ماشي لكن بتجزم ان صلاح قصد التسجيل في الهلال ولم يقصد التسجيل للانتخابات ؟
· قال لي ما تحيرني , المهم لو قصد التسجيل في الهلال موقفكم شنو ؟
· قلت ليهو منو القال قلق مسؤليتي الشخصيه ؟
· قال لي صلاح
· قلت ليهو منو القال موضوع عنتر مع الهلال انتهي
· قال لي صلاح
· قلت ليهو منو القال موديكم الصالحه ؟
· قال لي صلاح
· قلت ليهو منو القال حا ابني مدينة الهلال الرياضيه (استاد عالمي )
· قال لي صلاح
· قلت ليهو منو القال شداد باقي ليهو اسبوعين ؟
· قال لي صلاح
· قلت ليهو قلق سجل في المريخ وتبعه عنتر ولسه انتوا قاعدين في حي العرب مربع الزريبه واستادكم شين وشداد لي اسي قاعد وبرضو صلاح قال ؟
· خليهم يقولوا زي ما الناس يقولوا *** لو يبقي الزومه زولو *** حلو في الحتانه مقيلو
· قال لي يعني شنو ؟
· قلت ليهو يعني انتوا كلكم لي اسي دايشين وراسكم لافي من يوم مازيمبي
· اعملوا صوره مقطعيه للراس
· لفة الراس الكتيره دي ما من المصلحه
· قال لي نشوف
· قلت ليهو الحقيقه في صحيفة قون
· قال لي قون قالت شنو ؟
· قلت ليهو قون في عددها رقم 6535 (شوف الخمسات دي كيف ) الصادر يوم الثلاثاء 22 ذو القعده الموافق 10 نوفمبر 2009 في الصفحه الاولي قالت الآتي
· العنوان ( كامبوس يصل البلاد في الثاني عشر من الشهر الجاري )
· الموضوع (اكد مصدر من نادي الهلال ان المدير الفني للفريق باولو كامبوس سيصل الخرطوم في الثاني عشر من الشهر الجاري للاشراف علي استحقاقات الفريق القادمه بالممتاز والكأس )
· انتهي كلام قووون
· لاحظ للاشراف علي استحقاقات الفريق القادمه
· يعني في استحقاقات لسه ما سددت لاصحابها وعامله هاجس للزول الكتب الخبر ومن خلال اصراره علي اخفاء الحقيقه تسللت من بين الحبر والدوايه الحقيقه
· اراد ان يكتب استعدادات لكن استحقاقات كانت مكبوته ومرقت
· تقول لي زومه وبله !
· كان البتكلم مجنون البسمع حقو يعقل
· بمناسبة كامبوس ياربي سافر بالعمه بتاعت عطبره ؟
· عطبره التي عرفت قدر الرجال واحسنت استقبال الهلال
· غايتو بعمتو دي ادوهو جلابيه ويعمل عرس بتو عقد وكل قردا يطلع شجرتو
· كاربوني شوف عيني حايكربن الجماعه منذ اول لقاء
· اتذكرت
· قلت ليهو ده موش صلاح القال مابسحب الانسحاب ورجع سحبوا وقالوا ليهو الجواب مكتوب غلط اجري صلحو , ولا ده صلاح تااااني !
· قالوا شطبوا شكوي حي العرب لان الشكوي لم توضح السبب
· ياربي يكونوا ناس حي العرب سلموا الشكوي مكتوب فيها بعد البسمله شكوي وخلوا باقي الورقه فاضي ؟
· قال شكلا قال
· خليك حريف عشان يكون شكلك ظريف
· مبروك عيد الميلاد العشرين يارمضان
· لكن يخيل لي ناس قون ديل شدة مابحبوا عيد الميلاد بعملوهوا كل سته شهور
· عقبال تطفي الشمعه الميه يا قووون
· قريتوا رواية ارباب ولاعب وحتانه !
· ماتقروها 0000
· بايخه
· اقروا غيرها
سلك كهربا
صلاح ماقال ليكم اتفقت مع الشباب ديل في الحتانه !
والي لقاء
سلك
