سودانايل أول صحيفة سودانية رقمية تصدر من الخرطوم
بسم الله الرحمن الرحيم
في السلك
• مجلس المريخ ماشي تمام في ملف التسجيلات
• وكمان في ملف الاعداد للموسم الجديد
• تم تحديد مكان المعسكر ورئيس البعثه وكل شئ
• وحتي في الملعب المجلس اتفق مع شركه جديده لرعاية النجيل
• لكن دايرين نسأل
• الشركه القديمه عيبها شنو ؟
• ومنو الجهز الملعب لمباراة مصر والجزائر ؟
• ومنو الكان بجر الليل بالنهار عشان النجيل يتخطط ؟
• وهل فعلا قامت الشركه الجديده بقص النجيل بصوره اضرت به (ولحقت ) الموضوع الشركه القديمه ؟
• كلها اسئله تحتاج لاجابات صادقه ثم بعدها نصدر حكمنا
• هل قصرت الشركه القديمه في عملها ام لا ؟
• وان لم تقصر لماذا استبدلت بالشركه الجديده ؟
• ومن وراء ذلك ؟
• ابقوا معنا
• ما وراء الاخبار
• ناس مصيرها اتعرف وناس عايشه القرف
• ناس التاج يثقون في المجلس الذي لم يسجل التاج الي اليوم
• لكن اهل التاج قبضوا بالتقيل
• قبضوا وعود قنبله
• ناس لليوم ماعارفين كواريزما الجديد منو وجاي من وين
• ويقولوا ليك تسجيلات المريخ فاشله
• ناس افراحه زايده
• وناس يتقنبلوا
• قالوا القنبله جايه من السعوديه
• السعوديه دي يجي منها حاج تجي سبحه 000طاقيه 000مصلايه 000 عقد عمل 000 زياره 000 زكاه 0000 افراج مؤقت 0000 لكن قنبله ! ما اعتقد
• نحنا عندنا ناس فايضين دايرين نعمل ليهم اعاره
• تعالوا نعيرهم ليكم ملح
• منها يرفعوا مستواكم ومنها تطلعوا من ازمة النقد الاجنبي دي
• قالوا كاسوروكا بلبس كداره نمره 49
• يعني لو دخلت خط سته وكاسروكا قاعد في الكنبه بعفصك بعفصك
• قال سادومبا يجري في المساحات الفاضيه
• تاني فاضي مافي
• نمره 49
• كعب الكداره في خط سته وبوز الكداره في دائرة السنتر
• تلعبوا في نص ملعبكم بس
• وحتي نص ملعبكم فيهو نفطي وعجب وكلتشي ومرابط
• اقول ليكم تلعبوا في تمرينكم بس
• ماكندشتوا اعاره للتعاون ؟
• استعجلوا
• خليفه والتعاون في ملعب واحد مشكله
• ياربي ناس الانتر ماساقوا منير لسه ؟
• واحد قال شايف الوالي حايم في بحري
• امسكوا ناسكم الساكنين بحري
• السعر مغري
• الحيوانات المتوحشه قالوا اليومين دي حايمه ساااااي
• بتقرض من طرف
• من بحري مرقت في السلمه
• ومن بحري مرقت في امدرمان
• اعملوا حسابكم
• بتحوم بالليل
• وبتدخل البيوت الفيها غنم وضان
• وقالوا بتاكل الكبده بس
• يعني اي زول عندو زريبه يفرتقها سرييييييع
• عشان الحيوانات المتوحشه بتهاجم الزرائب
• الحيوانات دي ماحايمه ساي
• حايمه فوق راي
• سامعه ليها بزريبه كبييييييييييييييره
• الله يسترنا
• غايتو الكويس فيها ماسمعنا بيها اكلت ليها ماسوره
• لكن مامضمونه
• زمن العولمه ده اي شئ جائز
• المهم
• الناس الساكنين جوار الزرائب
• من بدري بدري نوم وقفيل شديد
• اي صوت غريب مسكلوا لتلاته تسعات
• لو الباب كركب نطوا بالجيران وياروح مابعدك روح
• اي زول عندو بهائم بالليل يشيل كبدتها ويرجعها الصباح
• عشان الحيوانات الجديده دي بتاكل كبده نيه ومابتحب الشيه
• ارقص يا0000
• بكره الخبر الاكيد
• ويوم الخميس الخبر السعيد
• لو مشت الحتانه ياربي مابتلقي مرادها ؟
• ياوالي قرط علي كده
سلك كهربا
بعد التسجيلات ضبط وربط
والي لقاء
سلك
