سودانايل أول صحيفة سودانية رقمية تصدر من الخرطوم
بسم الله الرحمن الرحيم
في السلك
• الجماعه راجين القنبله
• ناس يقولوا في قنبله
• وناس يقولوا قنبله مافي
• وناس يقولوا قنبله وين مع السلام الكتير ده !
• اها وبس طلع خبر الاتفاق مع الدافي
• ناس قالوا دي القنبله ؟
• اسي عليكم الله قنبله قنبله دي آخرتها ؟
• واحد قال قنبلة الارباب زي جية قودوين
• راجنها العمر كلو وماشفنا شئ
• انا غايتو قلت ليهم دي ما القنبله
• القنبله لسه ما ظهرت
• قنبلة الارباب هي آخر زول يقودوا حظوا العاثر للتوقيع بالدين
• حتي لو كنت انا
• الارباب حايقول دي القنبله
• سماحة الزول موش في الطول والعلا ؟
• طول مقدره
• وصلعه اي كورنر قون
• يعني طفيش ناس خليفه والتعاون كلو بلحقو ( هيدات ) سااااي
• تعبت معاي يا اكرم
• وفي شهر سته حايتعب معاي الحضري
• طبعا ده لو ما كندشوا لي اعاره لي مايرنو
• والله يا ارباب فكر فيها
• القنبله اصلها مفأجاه
• ومافي مفاجأه اكتر من تقنعني اوقع في الهلال
• لكن عندي شرط
• اذا وقعت في الهلال برضو اكتب في السوبر
• والتمارين ملحوقه يا ارباب
• علي بال ماتلقوا ميدان تتمرنوا فيهو اكون كتبت العمود وسلمتو
• الموز مافي !ما مشكله
• ما بحبو
• بتغدا في برج الفاتح مع ناس موسي الزومه
• المهم كلامك ما يقع واطه يا ارباب ولازم تفجر القنبله
• تخيل مانشيت صحيفة الهلال
• سلك يوقع للازرق بدون قيد او شرط والارباب يحلف عليهو يشيل شيك من عماد
• لكن قسم صاحبي مافي البكتب المانشيت منو ؟
• مامشكله الرشيد حاحا في وبرضو صاحبي
• اكتب ياروشا
• قروش مافي 000 موز مافي 0000 سجلنا سلك والدافي
• بعدين راسي ده ما تشوفوهو حفيان كده
• لو الكوره ضربت فيهو ما ( بتصرج )
• انتوا قايلني زي اسامه التهاون ولا شنو
• وفي كورة المريخ بلعب ليكم طرف يمين
• اريحكم من الخانه التاعباكم دي
• من قولة تيت احضن ليك اللاين واقعد اتفرج
• في مصعب والنفطي والعجب وناس الانتر لما يتحاوروا
• سجل يا ارباب
• ما بتعبكم في المفاوضات
• اقول ليكم !
• وروني غرفة تسجيلاتكم وين بجي برااااي
• بمناسبة غرفة التسجيلات دفعتوا ايجارها ولا لحقت مرتبات ناس قسم !
• غايتو السنه دي الا تدخلوا الغابه
• وتتلبدوا لينا
• وتجيبوا قنبلة الارباب الابت تنفجر دي
• وطااااااخ تلحقونا ناس توجو
• نبرا ونستبرا
• هو نحنا بنركب حافله زي ناس توجو ؟
• السنه دي لو لاعبين مع اهلي الخرطوم بنمشي بي طياره
• غايتو السنه دي الله يستر
• شهر تلاته تلقي واحد في الحتانه طار وشهر حداشر تلقي التاني في المطار
• وطبعا دي مادايره شرح
• نقيف بنظام في المطار للكأس الجوي في الاستقبال
• متعودين وما جديده علينا
• نقيف صف واحد في ( فرد ) لاين
• نبقي كلنا مريخاب ( اون لاين )
• بالمناسبه الناس ديل صفوة الصفوه وابدعوا في تكريماتهم للرموز الصفويه بدار النادي
• مريخاب اون لاين احبكم
• خالتي مشت لي ناس قرايبنا في العرضه شمال
• قعدت يومين
• جات وشها مختوف
• وقالت دايره تعيد الصلاه
• قلت لييه يا خاله ؟
• قالت لي هنا كنت بصلي الضهر بالليل زي العجب , من مشيت هناك الوضوء ده في تلتله , تيمم ساااي
• واحد شاف صورة الطرف الشمال الجديد
• قال لي الزول ده زي الشايفو
• قلت ليهو تكون مشبهو ساي , ده جابوهو من بره جديد لنج
• قال لي لو ما اخاف الكضب الزول ده زي الشفتو في العشش القديمه
• قلت ليهو كل شئ جائز
سلك كهربا
قالوا احتمال تنفجر
والي لقاء
سلك
