سودانايل أول صحيفة سودانية رقمية تصدر من الخرطوم
بسم الله الرحمن الرحيم
في السلك
• ازيكم
• كيفنكم
• انقطعت منكم لاسباب مرضيه ( بفتح الميم )
• عملت عمليه جراحيه صغيره
• كيس دهني
• اسلام قالت لي الدهن لقيتو وين يابابا
• ذكرتني نكته الصعيدي الشغال غفير في القاهره
• جابوا ليهو خبر من البلد
• قالوا ليهو ابوك جالو ورم في المخ
• قال المحيرني بويا جاب المخ منين
• عشان كده اسلام مستغربه في الدهن العند ابوها ده
• وعشان بعض الناس مايتعبوا في البحث عن منطقة الكيس الدهني اريحهم
• الكيس الدهني فييييييي كتفي ده
• فوووووووووق
• المهم
• تجي ماشي في الشارع الا تقفل اضنيك
• الشارع كلو يكورك
• واويييييييي واويييييييييييييي واوييييييييييي
• اسعافات جاريات
• واحدات موديل 2010
• وواحدات موديل سنة صفر
• ناس الخرطوم ما بحلي ليهم العلاج الا في امدرمان
• يجيك الاسعاف جاري من الخرطوم لامدرمان
• وناس امدرمان مايحلي ليهم العلاج الا في الخرطوم
• والغريبه ممكن في الكبري تلقي اسعافين
• واحد ماشي الخرطوم والتاني ماشي امدرمان
• وناس بحري ملوك
• يتعالجوا محل مادايرين
• كباريهم كتيره
• بختهم
• والغريبه في اسعاف عندو التهاب في الحنجره
• لما يصلك ماتسمع صوتو ولا صوت السارينا
• والزول البكون راكبو غايتو ربك لوكتب ليهو عمر جديد مابخلي ناس الاسعاف ديل
• وفي اسعافات تكورك وواقفه في محلها
• يعني لو شايل ليهو حالة ولاده مستعجله لما يصل الدايات الطفل يقول لبواب المستشفي عليك الله افتح لينا يا عمو
• وفي طبعا اسعافات في الاستادات
• جديدااااااات
• اسعافات وبس
• آخر موديل
• وبعدين !
• هل هي معدة لاسعاف طوارئ الملاعب !
• جااااااهزه !
• ولا مجرد نقالات سااااي
• واويييييييي ساااااااااااااي
• تزعجنا وما بتسعفنا
• الكلام ليم يا المنطط عينيك
• يجب ان نتعلم من الكوارث ونترك شماعة القدر
• اعقلها وتوكل
• المهم
• العالم يتحدث عن اللعب النظيف
• ونحنا سامعين
• لكن لن يتحقق ذلك الشعار الا اذا اراد له الحكام ان يتحقق
• والا اذا قرروا حماية المواهب
• اينما كانت تلك المواهب
• شجاعه في القرارات
• حمايه للمهارات
• وبعد كده نفكر في تطور تلك المهارات
• ياناس الاتحاد
• شينه منكم
• المات ده فانوس
• قولوا حاجه
• انشاء الله في رساله
• مافي كشف ماتخافوا
• ياربي كم اختصاصي لدينا مختص في اصابات الملاعب ؟
• وبجوا الاستادات يا الله ؟
• ايها الصفوه
• الشرسووووووووووون
• حتي لاننس ايداهو
• وحتي يحس لاعبونا بالطوق الذي يطوق رقابهم دينا لاهداء الفقيد بطولة افريقيا
• اقترح ان نخرج بهتاف تشجيعي موحد يعبر عن كل ذلك
• مثلا
• هوو0000 هوو0000 ايداااااااااااهووووووووووووووو 0000 هوو 00 هوو0000 ايداااااااااهو
• بصوت واحد ورجولي يشبه جلالات القوات المسلحه
• تعالوا نجربه في التمرين
• وفي مباراة النيل
• تعالوا للاستاد وكلنا نلبس رقم 22
• بالمناسبه
• سمعتوا ببوكس عمك قسم السيد !
• عمك قسم السيد قالوا بقعد جوار مستوصف معين
• يوقف البوكس تحت الشجره
• ويجي يقعد جمب الباب
• اول ما يجوا ناس شايلين زول متضايق وداخلين المستوصف يسألهم
• يقول ليهم زولكم ده مدخلنوا لي دكتور الطاهر !
• يقولوا ليهو نعم
• يقول ليهم انا عندي البوكس داااااااااك
• المهم
• مؤسف ان يكون الاسعاف بوكس لنقل الموتي
سلك كهربا
لن ننساااااااااااااااااااااااااااك
والي لقاء
سلك
