سودانايل أول صحيفة سودانية رقمية تصدر من الخرطوم
بسم الله الرحمن الرحيم
في السلك
• قلنا ميسي في فداسي الزعيم شطبت بدري
• طيب ايه رأيكم امس البشير في فداسي
• وتفاحه برضو كان في فداسي
• والله فداسي دي بعد ده الا تعملوها طابقين عشان تشيل الناس
• المهم
• شفتوا ناس ساحل العاج ؟
• يعني ديل لو قابلوا هلال كادوقلي كان اداهم سته
• حسابات كده
• اربعه زائد اتنين تساوي سته
• عرفتوا ليه جمهور ساحل العاج مادخل الكوره لما كانت في ساحل العاج ؟
• لانو ديل مافي زول بشجعهم في ساحل العاج
• طبعا التحكيم كان نزيها
• مافي اي ضربة جزاء لصالح الضيوف في الدقيقه تسعه
• الهدف الرابع لاتسلل ولا شئ
• تقول لي الغزاله !
• افريقيا قاره تعج بالحيوانات
• كل الانواع والاشكال
• وان كان التشاديون قد سموا فريقهم الغزاله كأفارقه
• المفروض ناس ساحل العاج ديل يسموا فريقهم الشفناهوا ده حمار الوادي
• وطبعا حمار الوادي ده حيوان افريقي صرف
• ما بتلقاهو في كل العالم الا في افريقيا
• فريق زول بتصرف فيهو مافي
• القرعه دي بتجيب الناس ديل من وين ؟
• حمار الوادي
• يرفس 90 دقيقه بدون اي فهم
• ماعارف هو زاتو برفس ليه
• فريق حمار الوادي ده لو لعب معانا الممتاز ياهو النازل لدوري القريه جنوب الترعه غرب الحتانه
• طبعا الحمار عندو فهم براهو
• في زول شاف الحمار في البنطون !
• كل يوم الصباح يجيبوهوا البنطون
• وكل يوم المسا يرجعوهوا بالبنطون
• وكل يوم لما يجي جمب البنطون ينفخ نخرينو ويرفع اضنينو ويعصب ضنبو ويحوص عيونو خوفا من البنطون
• ويركب ويقطع بالبر التاني وتاني يوم يعمل نفس الحركه
• ماحمار ساااااي
• حمار العاجي
• شفنا الكوره في التلفزيون
• كان معانا زول عندو حساسيه وطبعا ما قدرنا نوديهو (الكسبره) اقصد المقبره
• كوره مضلمه جنس ضلمه
• تقول لاعبين بي نور الطبلون
• المكسب الوحيد من المباراه طلع بيهو كامبوس
• الله ريحوا من هليفه 000 هليفه
• شيخ شخشخانه قال تلاته ماشين الحتانه
• قلنا ليهو يا شيخنا خيرتك دي نمت فيها واقف ولا شنو ؟
• قال انا قلت تلاته ماشين الحتانه لكن ماقلت متين ؟
• قلنا ليهو متين ؟
• قال قبل توزيع المجموعتين في البطولتين
• فريق يبرطع من الساعه سته داير شنو ماعارف !
• الزعيم احتفلت بسعيد السعودي
• كاربوني اختاره افضل لاعب
• جالكم كلامي ؟
• زمااااان قلنا ليكم ما بتشطب ياناس
• مره واحد قاعد جمبي بالاستاد
• قال طلعوا سعيد السعودي ده ياخ
• قلت ليهو سعيد مابطلع
• قال لي يقعد يسوي شنو ؟
• قلت ليهو سعيد احسن لاعب بقفل اللعب
• قال يقفل شنو ياخ ! ده خشمو ماقادر يقفلو 00
• وبعد دقيقه وجدته يشجع في السعودي
• سعودي ياولد
• بالغت يا النفطي
• محمد خير ابن عمي قال لي الترجي كييييف؟
• قلت ليهو بنغلبوا بالنفطي براهو
• قال لي صاح النفطي لعاب لكن النفطي تونسي وااااحد في المريخ والترجي فيهو حداشر تونسي
• قلت ليهو بالزومه الغلب الفريق القومي التونسي بنتخطي الترجي
• بسفاري الاجبر الشرميطي للخروج علي الخلق الرياضي وانطرد
• قال لي اسي الجاب سيرة الشرميطي شنو ؟
• فريق لابس زي البطيخه !
• آفريكا اسبورت ده حقوا تسموهوا آفريكا بايبس
• اسي ياربي في مكرر الجماعه بلاقوا حمار وادي تاني ؟
• امس كان عيد ميلاد عروس الصحف السوبر
• وهي بالنسبة لي عروس المدائن
• لاني عشت فيها ولم اكتب عليها فحسب
• كل سنه وانت طيبه يا حبيبتي
• اذا لقيتوني يوم ماكاتب اكون مشيت تفاحه مع طارق فداسي
• كركون
• ناس البركل محتفلين باليوبيل الذهبي
• يوم الجمعه
• عازمننا
• جاينكم
• الحمد لله ماشفنا مكروها في عزيز لدينا
• علي الاقل حاليا
سلك كهربا
لن ننسااااااااااااااااااااااك
والي لقاء
سلك
babikir maki [b_silik@hotmail.com]
