سودانايل أول صحيفة سودانية رقمية تصدر من الخرطوم
بسم الله الرحمن الرحيم
في السلك
• حاجه عجيبه
• حاجه غريبه
• ابو ماسوره بقي مقابلنا شديد
• نشوت تدق في الماسوره
• لاسانا في الترجي
• وارقو في الترجي
• تلاته لاسانات في المصريين
• كلها دقت في الماسوره
• والغريبه الماسوره ما علي كده وبس
• كمان واقعه فينا خبت
• يا في ( النخره ) تكسرها
• حافظ والسعودي
• يا في الرقبه تودرها
• ايداهو
• يا في الركبه تعطلها
• كلاتشي وطمبل
• يا في الاصابع تكسرها
• العجب ومحمد كمال
• يا في عين السمك تقرقرها
• قلق
• ابو ماسوره ده شايلها وحايم في الميدان
• ونحن ما شايفنو
• سهسهوبي
• حيرتنا
• من شر النفاثات في العقد
• ابو ماسوره الاسطوره
• بقي زي ابو جنزير البنسمع بيهو زمااااااااااااااااااان
• لكن انشاء الله نعمل فيك عملية المحليه في ميدان ابو جنزير
• ولا حافله
• ولا مليم
• ولا شحاد
• ابو ماسوره ده بعد ده بشيلها ويقع ليك كسير في المقصوره الواجعه الناس دي
• يا ابو ماسوره
• حيرتنا
• انت بدل تكسر المبدعين امشي كسر تلج وريح رقبتك وريحنا معاك
• الزول الوحيد الماعندو مرض ام سادومبا هو الفكي ابو ماسوره
• عشان كده شغال صاح
• الله يبتليك يا ابو ماسوره بمرض ام سادومبا اليهرد ( كبتك علي مصرانك )
• لكن الحسنه الوحيده الفكي ابو ماسوره ما بقدر علي كاسروكا
• والله تقبل عليهو يخمك يمرقك في سوق المواسير تتباع خرده
• من شر حاسد اذا حسد
• المهم
• قريت حبيب البلد
• كالعاده استمتعت جدا
• كاتبين هلال الملايين
• فين الملايين ؟
• زي ماقالت جوليا بطرس الله يطراها بالخير
• فريق كلوا ماسكو مرض ام سادومبا
• قال ملايين قال
• ده سموهوا هلال المفلسين
• ولو الي حين
• عبد الله ميرغني هلالابي كبييييييييييير
• قلت ليهو يا عبدالله شنو توقعك لكورتكم ضد الاسماعيلي في الاسماعيليه ؟
• قال لي تلاته صفر
• قلت ليهو التلاته يجيبهم حمص ؟
• قال لي لأ 0 حمص بجيب واحد بس والتاني ضربة جزاء بعملها الانتر والتالت بنجيبوا في روحنا برانا عشان ما نكون ما جبنا قون في الكورتين
• عبد الله القال كده
• بالمناسبه عبدالله بعرف الهلال كويس
• لكن ما عارف توقعاتو بتصدق ولا لأ
• مره واحده قال لي مازيمبي بغلب الهلال خمسه والكهربا بتقطع عام
• اها اليوم داك الكهربا قطعت عام ومازيمبي غلب خمسه
• لكن ماعارف توقعات عبدالله كيف
• غايتو انا وريتكم توقع عبدالله لكورة الاسماعيليه
• المهم
• يوم السبت للمريخ مجد جديد
• وظهور نجم جديد
• يوم السبت
• ابو ماسوره لازم يطلع ماسوره
• زي ما طلع ابو حمامه
• الاذاعه الداخليه عليها بالقرن الكريم من يوم الجمعه
• الصفوه عارفين دورهم
• الجماعه يجهزوا صحفهم من الليله ويكتبوا عن التحكيم المنحاز
• يلفوا ويدوروا وفي الآخر يقولوا
• ده ما الترجي البنعرفوا
• ابو ماسوره لو دايرنا تعال لينا في المجموعات
• وليد جمبلاط (كرش ) شنبو زييييييييييييييييين
• وعرف مفروض يعمل شنو
• يا احمد محمد احمد
• لما نتخطي الترجي بحول الله مفروض عليك تشيل كاربوني وتلف بيهو شارع العرضه كلو
• اها
• عشان ما انسي
• عندنا باقي توزيع في المدرجات
• وقفنا في حتة انا والوالي في المدرجات الشعبيه الجنوبيه الشرقيه زقاق العجب
• حسن بسبوسه في المساطب الوسطي طابق شاخور مدخل رقم 7
• ياسر المنا طابق شاخور مدخل رقم 12
• وسنوافيكم ببقية النتائج فور وصولها من المفوضيه
• بمناسبة المفوضيه
• منتدي جماهير المريخ مهكر من ايام الانتخابات
• سببوا شنوا ؟
• ومارجع
• انشاء الله المانع خير
سلك كهربا
لن ننسااااااااااااااااااااااااااااااااااك
والي لقاء
سلك
Gamal Angara [gamalangara@hotmail.com]
