الندااااااااااء …

بسم الله الرحمن الرحيم

في السلك

•          تواصلا مع الحركه المريخيه لدعم ناس الحركه الوطنيه اتصل بنا العديد

•          في ناس قالوا ماتدوهم سمكه

•          علموهم كيف يصطادوا السمك

•          والناس ديل اقترحوا الآتي

•          من صاحب الرقم 09122279306

•          يبيعوا المعز محجوب ويقلبوهوا كماين طوب

•          بنرد علي صاحب الرقم اعلاه بانها فكره والطوب اليومين دي غالي وبجيب حقو

•          صاحب الرقم 0912955000 برضو من انصار ان يعتمد ناس الحركه علي انفسهم

•          وبقول يبيعوا المعز يخلوهوا يمشي محل العز

•          يبيعوا امادوا ويرجعوا بلادو

•          يبيعوا بشه ويشتروا ركشه

•          وفي ناس وافقوا علي الدعم وقالوا ممكن فنايلنا القديمه نصبغها ونديها ليهم

•          وفي ناس قالوا نعمل ليهم سبيل في الزريبه

•          وفي ناس قالوا وقالوا وقالوا

•          المهم النداء مستمر

•          افعل خير وارميهو البحر

•          جارك القريب ولا ود امك البعيد

•          الله يرحم من يرحم

•          هذا شعار الحمله

•          اها

•          الصفوه كلهم ابداع

•          وصلتني قصيده حلوه من صفوه مبدع طالب بجامعة السودان العالميه  اسمه محمد كسلا

•          كسلا بقول

اليوم يا مريخ ازأر

وانثر الافراح فينا

انت بالامجاد اجدر

انت للركب السفينه

في عنان الفخر ابحر

حقق النصر المبينا

كلنا بالنجم نفخر

في وجوه الشامتينا

لالكسري او لقيصر

بالجمال قد رضينا

لوننا الوهاج احمر

كدماء العاشقينا

حلمنا البراق اصفر

قد اهاج المادحينا

•          ده جزء من رائعة محمد كسلا

•          الباقي حاننشره

•          قريبا

•          لكن عندي رأي

•          القصيده الجميله دي بتطلع اجمل اغنيه لو لحنها الارباب

•          بعد الدوره الاولي الارباب بكون اتفرغ

•          جيب الكمنجه يا ارباب

•          واستعد

•          والصفوه الابداع حقهم

•          صاحب الرقم 0912558243 عندو ابداع

•          قال

النجم بي لونو يلمع

احمر اصفر زاهي يسطع

ابيض ازرق ما بينفع

النقاط في ايدينا ترتع

غيرنا يطرح ونحنا نجمع

•          غيرنا يا اخوي حايطرح كتيييييييييييييييييير

•          الظاهر ياارباب الحانك حاتكتر الايام الجايه

•          ايها الناس

•          منظمات العون الفلاني مستمره في الانجاز

•          سجل اسمك باحرف من نور في مسيره دعم  الجماعه

•          في نشيد بالمناسبه

•          اسمو نشيد حته حته

•          بقول

فرقه كبيره مابتنسده

جبتوا تهاون معاهو امبده

كسرتوا التيم حته حته

ونفشتوا الريش زي ديك العده

وتسعه نقاط يوم وره يوم بنعده

•          النشيد طويل

•          بمجرد تنويت الالحان اعلاه حانقدموا لعلي احمد

•          موش اخير يلحن بدل يقعد ساااااااااااااي

•          ابو ماسوره الآيتين جننوهو

•          قلب

•          اظنو بعد العدد قعد مع الوالي

•          قال ليك  الجماعه بقوا ما طايقين بعض

•          من رجعوا من بورتسودان باص ما لعبوهوا

•          بمناسبة باص

•          في كسلا قالوا رفضوا البص الاحمر

•          في بورتسودان ركبوا البص الاشتر

•          البجيب الحجر

•          اللهم لا شماته

•          ياناس

•          التبرعات

•          ماتنسوا

•          ينوبكم ثواب

سلك كهربا

                  اليومين دي باذات ننساك كيف بس !

والي لقاء

سلك

babikir maki [b_silik@hotmail.com]