سودانايل أول صحيفة سودانية رقمية تصدر من الخرطوم
بسم الله الرحمن الرحيم
في السلك
• الدولة تكرم الاستاذ احمد محمد الحسن
• وليس غريبا علي دولتنا ان تكرم الرياضيين
• بالذات اصحاب الانجازات والاعجازات
• سبق للدوله ان كرمت الرياضه بمناسبه فوز المريخ بكأس مانديلا
• بدري الكلام ده
• فكان قرار انشاء المدينه الرياضيه
• وسبق للدوله ان كرمت نجوم الاعجاز في المريخ بقرار جمهوري
• وداخل القصر الجمهوري
• حصل كتير الكلام ده
• وحصل بدري شديد
• الآن نعد العده للاحتفال باليوبيل الفضي لاول جويه سودانيه للانديه
• فكان قرار التكريم
• وكان
• السيد عيس صباح الخير
• السيد حامد بريمه
• السيد كمال عبدالغني
• والآن تكرر الدوله التكريم
• وتقول بالصوت العالي
• السيد احمد محمد الحسن
• انه تكريم صادف اهله
• ولعمري انه تكريم شرف التكريم نفسه بالمكرم
• قبل ان يتشرف المكرم بالتكريم
• فالاستاذ احمد محمد الحسن قامه سامقه لاينكرها الا اعمي بصيره
• نهنئ التكريم باحمد
• قبل ان نهنئ احمد بالتكريم
• اها
• قالوا دايرين يجددوا لكروجر
• انتوا لي اسي ماجددتوا لكروجر ؟
• راجيين شنو !
• دي دايره ليها درس عصر !
• مازدا يعيد الكبار للفريق القومي
• طيب
• العجب والبرنس يعتذران
• طيب
• مازدا اعادهما لي شنو ؟
• يعني قسطنطين ماكان غلطان يا كباتن
• وهل لو تعلق الامر بالمريخ ياعجب
• او تعلق الامر بالهلال يا برنس
• كان برضوا قدمتما اعتذار ؟
• يا كباتن
• شرف الانتماء للفريق القومي شرف لايضاهيه شرف
• ولو كنتما لا تعرفان هذه الحقيقه تبقي مشكله
• انتما علي اعتاب الاعتزال
• يفترض ان تضعا بصمه قوميه قبل الرحيل من الكشوفات
• عيب والله
• امس احتفلنا بالوسام الذهبي للقلم الذهبي في العيد الذهبي
• الشهر القادم نحتفل انشاء الله باليوبيل الفضي لاول كأس جوي
• ونحتفل بتخطيط الحتانه
• واكتمال ساكنيها
• والدعوه عامه
• بالمناسبه
• الحتانه اتملت
• فضلت الحفر
• الجاي يسكن يردم اول
• دور التراب بالشئ الفلاني
• الشئ الفلاني دي ذكرتني سعر اللحمه اليومين دي
• غايتو الليله الجمعه
• انا ماشي الجزار
• داير استأجر لي نص كيلو
• لمده نص ساعه
• اوريهو الاولاد وارجعوا
• لكن الجزار يدوهو الامنيه شنو ؟
• غايتو الا اخلي معاهو واحد من الشفع امنيه لنص كيلو اللحمه
• ده لو قبل طبعا
• اقلام تشهي في القرايه
• وجدتها في اعلان صحيفة السوداني بثوبها الجديد
• دي غايتو كان نزلت المكتبات
• لو دايرها الا تبيت ليها في الشارع جوار الكشك
• ولا ترجاها في خشم باب المطبعه
• تشيلها حااااااااااااره
• جيب ليك كيس
• مع خالص امنياتي لها بالتوفيق
• واتمني ان يكون للترفيه فيها جانب
• يعني ممكن يعني يكون فيها استشكات مثلا
• قال لي حانشيل الكونفدراليه رأيك شنو ؟
• قبل ما ارد عليهو اتنين اتشاكلو في الشارع
• واحد قال للتاني كان وصلتني بطعنك
• التاني ماشي عليهو
• الاول يقول كان وصلتني بطعنك
• والتاني ماشي عليهو
• بطعنك
• وماشي عليهو
• بطعنك يازول
• وماشي عليهو
• لما وصلو شالو فووووووووووووووووووووق
• ودق بيهو الدلجه
• وقال ليهو تطعني انا ؟ انت طعنت منو قبل كده ؟
• اتلفت علي صاحبي وقلت ليهو
• قلت لي حاتشيلوا شنو ؟
سلك كهربا
لن ننسااااااااااااااااااااك ولو سجلنا انرامو
والي لقاء
سلك
babikir maki [b_silik@hotmail.com]
