سودانايل أول صحيفة سودانية رقمية تصدر من الخرطوم
بسم الله الرحمن الرحيم
في السلك
• والله يا اخوانا الفرحه الدخلتني اول امس مبالغه عديل كده
• طول عمري افخر بسودانيتي
• ولكن في تلك اللحظات شعرت بالفخر يتضاعف داخل وجداني المتواضع امام الوطن الواسع
• السودان يجبر غانا علي التعادل في غانا
• سنه يا انا
• السودان حقنا
• احسست كاي سوداني باني اتمدد فوق المليون ميل مربع كلها
• اناجي النيل
• ايها النيل
• انا سوداني
• انادي السماء
• ايتها العصيه
• انا سوداني
• استصحب معي خيال العلم يرفرف علي سارية القصر
• انا سوداني
• اردد رائعة العطبراوي
• انا سوداني انا
• في اللحظه ديك
• لو سلم علي
• ارد بسرعه
• تعم انا سوداني
• واهل الحاره ديل اهلي
• سوداني المحبه
• والماعندو محبه ما عندو الحبه
• سوداني تلقاني وقت الحاره
• ووقت البارده
• ووقت النص نص
• في كل الاوقات تلقاني
• سوداني
• من المعز محجوب مرورا بمساوي وسفاري وخليفه وناس راجي
• سوداني بي قلق وبي المعلم وكاريكا وجهازهم الفني
• سوداني
• اغني بله يا بله
• واغني بشه القونو ماجله
• اغني للمدينه
• وللقري
• وللضهاري الجوه سوداني
• سوداني وناسي ومتناسي كل الالوان وشايف بس علم وطني
• سوداني
• مستمتع وكت احضن هلالابي ويحضني
• وسط زغروده هلبيه تجنني
• ومستمتع وكت امل عطبره يقالد اهلاوي مدناوي
• ويهز بالسيف عرباوي
• وجبال التاكا تلثم بي محبه جبال كادوقلي ويغسلن وجوهن في نيل الحصاحيصا
• سوداني مستمتع بامه لاميها الوطن هاميها العلم
• سوداني
• ياناس
• العملوا الفريق القومي كبير
• اتعودنا نمشي المطار
• لاستقبال انديتنا
• لوداع احبتنا
• ايها الناس
• اما آن الآوان ان نخرج كلنا
• شايلين علمنا
• علم واحد ديمقراطي
• الوانو فيها كل الوان الطيف الرياضي
• لنستقبل ابطالنا
• ايها الناس
• اذا انهزموا كنا سنلومهم
• وطالما انتصروا
• يستحقوا الاستقبال
• ويا حبذا
• لو مشينا المطار
• فوق راسنا علم
• وفي قلوبنا فخار
• وقدامنا وزير
• ماكتيره عليهم
• نتقابل في المطار ونغني
• سوداني الجوه وجداني بريدو
• صدقوني
• اكبر حافز للاعبين وجهازهم الفني
• اذا قابلوا شعبهم بالمطار
• ده حافز كبير
• اكبر من مليار دولار
• ايتها البعثه الظافره
• احبك حتي الثماله
• سلك كهربا
الي المطار دور
والي لقاء
سلك
babikir maki [b_silik@hotmail.com]
