كترتوا المحلبيه .. بقلم: بابكر سلك

بسم الله الرحمن الرحيم
 

في السلك

•    الجماعه فرحانين شديد
•    و(فاكنها ) في روحهم
•    البسمع الكلام يقول بشجعوا برشلونه
•    قبل ايام كانوا بشكوا من الجوع
•    شكيه لاب ايدا قويه
•    ولاب ايدا ماقويه
•    شكيه من خلال بيانات ومؤتمرات
•    الشاعر قال
•    شبع بعد جوع ديمه سيدو صغير
•    والريش البقوم بعد الكسر ما بطير
•    والمال ما بعز ود القبيل مو خير
•    هلا 00هلا
•    ابشر
•    المهم الجماعه الفرحانين الي حين كتروا المحلبيه شويه
•    كل يوم يجوك بكلام لا في السما ولا في الواطه
•    قالوا استكشات جاريين وراهو وكلاء لاعبين
•    ديل وكلاء لاعبين ولا كروت طرد !
•    بس ما يلحقوا يتعادلوا مع زول
•    طوالي يجونا
•    الانتر الايطالي داير منير امبده و ميسي يصرح
•    لو لقيت لي في الارجنتين راس حربه زي كاريكا اجدع ليهو كان شلنا كاس العالم
•    مدرب الريال يقول
•    بويا يذكرني بروبرتو  كارلوس في عنفوانه
•    انجلترا تقدم لميشو عرضا لتدريب منتخبها
•    ميشو يرفض ويقول
•    اني لا اتدحرج من فوق الي تحت
•    لن اترك الهلال لادرب فريق مغمور مثل المنتخب الانجليزي
•    انجلترا تتدردق في واطات الله دي
•    وتخصم ميشو بالنبي
•    وميشو يقول
•    علي الطلاق ما اجيكم
•    الناس ديل جنوا
•    بتكلموا عن الكونفدراليه ( الجعرانيه ) كأنها الآن في الزريبه مستلقيه مع الجقور الكبار وكتار ديك
•    يصحوا يحلموا بيها
•    ينوموا يحلموا بيها
•    صحي والله حلم (الجعان) عيش
•    المهم
•    واحد مكتر المحلبيه قال لي تعادلنا بالصف الثاني في النيجر
•    قلت ليهو كاريكا وبشه ويوسف وعمر بخيت وخليفه ومساوي وسامي عبدالله ومهند ديل كلهم صف تاني ؟
•    قال لي بكري المدينه وجمعه وصدام الدروشاب صف تاني
•    قلت ليهو وناس النيجر انت بتعرفهم ؟
•    منو القال ليك لعبوا بالصف الاول ؟
•    موش ممكن يكونوا لعبوا صدام دروشاب النيجر وبكري مدينة نيامي وخميس ؟
•    وممكن يكونوا لعبوا ليكم كابوندي سلاح الموسيقي النيجري وامولادي سلاح الاشاره النيجري وامادو طلائع مايو النيجريه وحسن الكشافه
•    قال لي يعني شنو ؟
•    قلت ليهو الطريق للبطولات بعرف ليهو بس من اتي ببطوله بالطياره
•    تعالوا نوصف ليكم
•    قال لي ماتوصف لينا , ياها بطولتكم العمرها الف سنه دي !
•    قلت ليهو انتوا احسن انجاز ليكم شنو ؟
•    قال لي نهائي افريقيا
•    قلت ليهو كان متين ؟
•    قال لي سنة سبعه وتمانين
•    قلت ليهو وبتفخر بيهو , ونحنا كاسنا سنة تسعه وتمانين شهر اطناشر , يعني من مواليد تسعين , تقول لي عمرو الف سنه !
•    سكت
•    قلت ليهو نجدد الدعوه
•    معزومين كلكم
•    اليوبيل الفضي لاول بطوله جويه تدخل الاجواء السودانيه
•    بدري الكلام ده
•    قبال خمسه وعشرين سنه
•    بالطياره
•    الناس التانيين مصنقعين وجاريين لي اسي يعاينوا للطياره
•    ويكوركوا زي الاطفال زمان
•    الطياره نمره تلاته
•    برغم اني لي اسي ما عارف العلاقه بين الطياره ونمره تلاته شنو
•    كترتوا المحلبيه شويه
•    اها
•    تحيه لابطال العاب القوي
•    كاكي صاحب الذهبيه
•    ونيالا صاحب البرونزيه
•    في التصفيات العسكريه العربيه
•    ياناس
•    اليوم لقائنا ضد القراقير
•    حايكون صعب شديد
•    ما حايكونوا قراقير العشا الاخير
•    تتذكروهم !
•    الحكم يشوي
•    والقراقير تتاكل
•    نتمني ان نشاهد زعيما اسم علي مسمي
•    تعالوا كلنا
•    من اجل مريخنا
•    اتوقع مباراه رائعه
•    قال ليهو بطعنك
•    رد عليهو انت طعنت منو قبل كده
•    دخل سكينو وفات
•    جعجعه ساااااااااي
•    فرحين الي حين
•    اتجعرني
سلك كهربا
                      القال بنساك كضااااااااااااااااااااااب
والي لقاء
سلك
babikir maki [b_silik@hotmail.com]