اشهروا افلاسكم وارتاحوا .. بقلم: بابكر سلك

بسم الله الرحمن الرحيم
في السلك

•    وزير الرياضه من حقه ان يكون لجنه لحصر ومراجعة ديون الهلال
•    قلنا ماشي
•    ولكن هل من حق تلك اللجنه ان تلزم اي دائن للهلال بالمثول امامها ؟
•    يعني مثلا انا اكون طالب الهلال قول اتنين جنيه
•    هل من حق اللجنه ان تستدعيني ؟
•    قول استدعتني
•    وماجيت
•    قلت ابيييييييييييييييييت
•    هل من حقها ان تجبرني ؟
•    افرض اجبرتني وابيت اديها اي معلومه عن تفاصيل ديني علي الهلال
•    هل من حقها ان تسقط ديني علي الهلال ؟
•    ده كوم
•    لكن بنسأل هل من حق وزير العدل ان يوقف اي اجراءات قانونيه متخذه في مواجهة الهلال ؟
•    يعني يكون عندي شيك من الهلال
•    رجع زيو وزي باقي الشيكات
•    هل من سلطات وزير العدل ان يوقف الاجراءات القانونيه التي اتخذها انا ضد الهلال ؟
•    ياناس
•    البلد دي فيها قانون اسمه قانون الاجراءات الجنائيه
•    قانون  واجب الاتباع
•    لامفر من الخروج من طائلته
•    ولا توجد طريقه لتعطيله ابدا
•    نعلم ان الشيكات دخلتكم في زنقه
•    وان الديون ادخلتكم في زنقه
•    وبقيتوا زنقه زنقه
•    ولو دايرين تطلعوا من حكاية الحراسات دي
•    في طريق جميل وشرعي
•    اعلنوا افلاسكم
•    واعملوا كشف بالدائنين
•    ودوهوا براكم المحكمه
•    واعملوا كشف باموالكم ( ان وجدت ) واصولكم
•    عشان المحكمه تحصر الديون والدائنين
•    وتبيع الاصول
•    وتقسمها عليهم
•    العندو حق امتياز يفضل علي الآخرين
•    يعني رهن مثلا
•    والباقين تقسم عليهم الحصيله
•    كل حسب نسبة دينه
•    وتتخارجوا من الزنقه دي
•    واذا مادايرين تشهروا الافلاس
•    خندقوا
•    والدائنين يفتشوكم
•    زنقه زنقه
•    بيت بيت
•    دار دار
•    وحايمسكوكم (ولو طال السفر)
•    حايقبضوكم ولو دخلتوا (الشريان )
•    حايوقفوكم في ( ناصية البيان)
•    وتقابلوا المتحري
•    (لقاء كل يوم )
•    تجمعكم  (ثرثره علي ضفاف المزاج) بتاع الحراسه
•    وجمهوركم يقعد (علي مقاعد المتفرجين )
•    وفضيحتكم تبقي (علي الهواء)
•    ويتكشموا ناس البحر
•    ويرددوا
•    (وضحك البحر)
•    (الموج الازرق) الضحك شرطو
•    ضحك عينه
•    (بدون حجاب)
•    آه يا مساهرين
•    انتوا ماعارفين
•    من حله دينو نامت عينو ؟
•    اقعدوا مفنقلين عيونكم الكبار ديل للصباح
•    قالوا دايرين يعملوا ثورة عمرانيه
•    عمرانيه بالعا ؟ ولا بالشيك ؟
•    وقالوا فيها ملعب خماسيات
•    ملعب خماسيات ده دايرين بيهو شنو تاني ؟
•    عندكم اول ملعب خماسيات في السودان
•    نسيتوهوا ؟ افتتحوهوا ليكم ناس مازيمبي
•    واحد جوكي بتاع شيكات ورد سجون , قال لي المبلغ القوم البلد وقعدها كم ؟
•    قلت ليهو ميتين الف جنيه
•    قال لي ده مبلغ ده؟
•    قلت ليهو كيف ؟
•    قال لي مره ونحنا في السجن قسم المنتظرين بتاعين الشيكات كنا قاعدين نتونس ومعانا معلمين كبار
•    التونسيه جات وجابت زملاء جدد
•    واحد جابوهوا في شيك بي ميتين زي شيك الجماعه ده
•    اظنوا موظف ونزيه لكن انضرب في السوق
•    المهم قعد يبكي
•    المعلمين حنوا عليهو
•    واحد قال ليهو شيكك كم يا ابن العم ؟
•    الراجل قشقش دميعاتو واتنهف وقال بي ميتين الف جنيه
•    المعلم التاني قال ليهو ده مبلغ الشاكي البايخ ده يقفلك فيهو ؟؟؟؟
•    واتخاتتوها ليهو المعلمين وتاني يوم فكوهوا
•    قلت ليهو لكن الجماعه ديل يجيبوا معلمين من وين ؟
•    المهم
•    بيع ياروشا بدل الفضايح دي
•    الوزير مابحلكم
•    الماده 107 قانون جنائي واضحه
•    مافيش يمه ارحميني
•    وناس البرير ديل لما جوا كانوا قايلين الفريق ده غنيان ؟ عارفنوا  سته وعشرين لاعب ماصرفوا وعارفين باقي التفاصيل
•    البرير
•    بي جازك , قانون نهي زندكيه تم باجا
•    المهم
•    لم ننسي ناسنا
•    ولن ننسي مريخنا المقبل علي مباراه المورده
•    والمؤامرات التي تحاك سرا لنخسر
•    سنعود لي ناسنا
•    للذين كانوا يضحكون في صالة المطار
•    للذين ذهبوا شدوا الرحال من المطار
•    فشدوا الرحال من قلوبنا برضو
•    تضحكوا !!!!
•    حاتضحكوا علي روحكم انشاء الله
•    قصة الموتر البعد المطار
•    وقصص كتيره حانصل حدها
•    والمابشبهنا ماحبابو
•    روشا
•    بييييييييييييييييييييييييييييع
سلك كهربا
              ننساك كيف والناس من المطار فروا
والي لقاء
سلك
babikir maki [b_silik@hotmail.com]