اين المريخ !!!!!

بسم الله الرحمن الرحيمبسم الله الرحمن الرحيم
في السلك

•    لا اعتقد ان الدعم الملياري الذي دفعته الدوله من خزينة الشعب قد قصدت منه الدوله تمكين الاهله من تسجيل لاعبي المريخ
•    والدليل علي ذلك ان اجتماع يوم الخميس باركويت كان يناقش كيفية توفير الاموال لتسجيل من اتفقوا معه او معهم
•    نحن في المريخ شفوت
•    نعرف كيف نعيد تسجيل من نرغب فيهم
•    ونعرف كيف نترك المامرغوب فيهو يفوت
•    ايها الناس
•    ليس بالضروره ان يسجل النادي لاعبين في كل فترة تسجيلات
•    وان فعل يكون ذلك قصورا اداريا في اسس الاختيار
•    ولو تكرر الفعل تبقي مشكله
•    المهم
•    رضينا ام ابينا البدري مدربا للمريخ
•    ورضي البدري ام ابي سنساند فريقنا حتي ولو كان المدرب فوزي المرضي
•    فنحن نشجع فريق لا مدرب
•    وننتمي لكيان لا لشخص
•    ولا اعتقد ان المريخ الآن بحاجه الي مدرب بقدر حوجته لاداره حاره
•    تعرف كيف تحمي المريخ من اخطاء التحكيم زي ماقال الطاهر محمد عثمان
•    وتعرف كيف تواسي فايت الحدود
•    وتعرف كيف تجلب الاحترام للنادي
•    والهيبه له بحيث لا يتجرأ كائن من كان علي المساس بالكيان
•    نملك في المريخ لاعبين فنيا لاتجود باقي الفرق بمثلهم
•    ليسوا انصاف مواهب
•    بل مواهب رهيبه ومكتمله
•    وزي ديل الممتاز ده بشيلوهوا بدون مدرب
•    بس يلقوا الحمايه للحفاظ علي حقوقهم داخل الملعب
•    ايها الناس
•    تعالوا نسأل اين المريخ !!!!!!
•    اين المريخ من الاتحادات
•    واين هو من لجان الاتحادات المؤثره في مسيرة العمل الرياضي
•    واين هو من لجنة التحكيم بالتحديد
•    وهل كتب علينا ان يتسلط علي تلك اللجنه طول العمر ناس صلاح
•    والذين يرضي عنهم ناس صلاح
•    يبقي بعد خمسه سنين ما تستبعدوا لو كان حكم مباراتنا ضد الهلال هو رئيس الهلال شخصيا
•    المريخ ياساده لا يهتم بتلك الامور كثيرا
•    وهو ليس قصور اداري فقط
•    ولكنه قصور من كل امة المريخ
•    اين مجلس الشوري من توجيه الناس لذلك القصور ؟؟
•    اين خبراتهم في مجال العمل الرياضي ؟؟؟؟
•    وهل تقتصر مهمة مجلس الشوري علي فض النزاعات الداخليه واعادة المياه لمجاريها ؟؟؟
•    انتم كبارنا
•    ولذا وجب عليكم مدنا بتجاربكم وتوجيهنا الي اهداف هامه نهملها كثيرا
•    نستطيع ان رغبنا ان نجلس علي كل كراسي الاتحادات
•    ليس لخدمة المريخ
•    ولكن للحفاظ علي حقوق المريخ
•    وحقوق غيره
•    والعمل علي دفع مسيرة الرياضه في البلد الي الامام بعيدا عن اي تحيز اضر بالنشاط الرياضي كثيرا في هذا البلد
•    ايها الناس
•    العمل في هذه المجالات يتطلب استرتيجيات محدده
•    تطبيقها يتم بكل دقة وسريه
•    لانها تخص المريخ الكيان
•    والمريخ الكيان هو وطن
•    ومايخص الوطن تهون امامه كل التضحيات
•    شباب من اجل المريخ
•    فكرة تنتصر  للحاضر ويوم باكر و للتاريخ
•    رجال مابايعوا بعد محمدا رجلا
•    يعنيهم الكيان
•    يساندوا من يقدم
•    ويتقدموا الصفوف لمقارعة  من يمس الكيان
•    لا ينتمون للاشخاص
•    هتافهم
•    مرييييييييييييييييييييييييييييييييخ
•    ايها الناس
•    لست باكثركم حبا للمريخ
•    ولا باعمقكم ارتباطا به
•    ولكن اسمحوا لي ان ادعوكم لمساندة الزعيم في كل المراحل
•    واخص الدوره الثانيه
•    نحن نشجع فريق لا افراد
•    وكل من لبس الشعار ايا كان موقعه يهمنا
•    حتي ولو كنا نحدر له في الضلام
•    المريخ في المقام الاول
•    والحساب في وكتو
•    تعالوا نروق المويه حبه
•    عشان الناس الاتعودت علي قبيض القراميط في الماء العكر دي تطلع كيت
•    الذين ينادون بالكرامه
•    كانت وين تلك الكرامه عندما قال قودوين العطاله اخير من اللعب معاهم
•    ورجعوا فاوضوهوا
•    كانت وين تلك الكرامه وسادومبا كل يوم امو حاسه وموروده
•    كانت وين ومدرب كبير مشي البرازيل كل يوم تقطع له تذكره ويتم الحجز له ويرفض العوده
•    اين كانت تلك الكرامه واللاعب داير يخنق المدرب لولا لطف الله وتدخل لاعب آخر
•    لا تحدثونا عن الكرامه
•    ما اتي به البدري لا يقلل من مهاراته التدريبيه
•    ولكنه مس مقدسات كانت تكن له الاحترام
•    قال متوكل احمد علي ان المدرب مطالب بالاعتذار
•    انا معاك يامتوكل
•    واضيف ليك مطالب بالاعتذار للكيان
•    واهم شرائح الكيان الجماهير يا متوكل
•    ياناس
•    ابراهيما توريه حايتم تسجيله بقروش الحكومه
•    طيب
•    حايوقع في كشف المحليه بتاع العوائد ولا في كشف الهلال ؟؟؟؟
•    والهلال دافع شنو ؟؟؟؟؟؟؟؟؟
•    توريه لاعب الحكومه
•    يعني زي بوكس الحكومه
•    اعملوا ليهو نمر صفر
•    اتنمري
•    نشجع المريخ حتي ولو كان مدربه شيخ فوزي
•    يعني نخلي فريقنا عشان مدرب ؟؟؟؟؟
سلك كهربا
ننساك كيف بس يا زول !!!!
والي لقاء
سلك
babikir maki [b_silik@hotmail.com]