جيبا معاك يا محمد .. بقلم: بابكر سلك

بسم الله الرحمن الرحيم
في السلك
*ناجي الشفت قال لي
*قريت الصحيفه الكبيره كاتبه شنو ؟
*قلت ليهو ابدا
*قال لي كاتبين مانشيت كبير فيما معناهو
*كوستي تفضح بطل سيكافا
*ومانشيت اقل
*كلاسيكو شندي ينتهي بالتعادل
*قلت ليهو سبحان الله اول مره اعرف ابو الهل انتقل من العرضه شمال لي شندي شمال
*الكلاسيكو ده بكون بين فريقين في مدينه واحده
*ياربي نهر النيل تبعوها العاصمه
*ولا العرضه شمال تبعوها نهر النيل ؟؟
*ولكن الاعتراف باننا بطل سيكافا خطوة في الطريق الي سمرقند
*اصلو الجماعه مصيرهم يجوا سمرقند
*القعاد من الاصفار
*زي القعاد مع الفار
*بجيب الطاعون والطعنه في القلب
*ايها الناس
*ابو الهل زي ولدنا
*موش ولدنا بمشي ورانا ما سك جلابيتنا ؟
*لو مشينا يمشي
*ولو وقفنا يقيف
*ولو عترنا بعتر
*فريق ماقادر يفرح اهلو من المغرب للعشا
*المغرب فرحوا بتعادلنا في كوستي
*العشا الحزن خيم عليهم من جديد
*ناس ما بتعرف تفرح
*لكن تعرف تفرح كيف
*هي عرفت الفرح متين
*الفرح البجي من بره
*بالطياره
*فرررررررررر
*المهم
*كوستي تفضح كلاسيكو شندي ينتح
* حبن الصفر الدولي متين يفتح
*بس يقعد كده ينقح
*ايها الناس
*علي جهازنا الفني تدارك الاخطاء بسرعه
*لاننا لا نتحمل اي اخفاقات جديده
*ولان ما تبقي من مباريات في المممتاز
*اخطاء التحكيم فيهو حاتكتر
*اكتر من اخطاء ابو شنب بتاعت كلاسيكو شند دي عاد 
*بجري المدينه ينط نطه زي دي في زول 
*وابو شنب مجرد استغراب ما استغرب
*لعبه خشنه يا ابو شنب الدرسوك ليها دي
*قالوا ليك الا تكتل
*او الا تعوق
*او الا تهبش اللاعب ؟؟؟
*مجرد الدخول علي جسم اللاعب بهذه العشوائيه الخشنه
*الا يعتبر ضد (الفير بلي ) يا ابو شنب 
*واله الخوف لو نطت بكري وقعت في الزول وكتلتو
*لا استغرب ان يكتبوا في التقرير 
*ان سبب الوفاه هبوط في الدورة الدمويه قبل الهبشه البكريه
*مافي شئ بعيد
*لكن عاكف عطا خجل
*فاخرج بكري 
*ماداير يدخل ابو شنب في حرج
*عشان بكري ما يدخل زول في جرح
*لاحظتوا
*حرج هي جرح مقلوب
*حرج اكتر من كده !!
*حرج بالحا ؟؟؟؟
*المهم
*جهازنا الفني لا اظنه يجهل بنقاط الضعف
*ولا يجهل طرق العلاج
*عارفنوا عارف وبغير
*لكن بطيئ شويه
*استعجلوا يا برهان
*شدوا حيلكم يا محسن
*اسرع حبه يا مجدي
*العب ضاغط يا باشا
*العب مع الناس يا تراوري
*ماتفقد كورتك وانت متقدم يا بخيت خميس
*بتنضرب في ضهرك
*روق المنقه يا باسكال
*الله يعيدك يا جمال سالم سالم
*فييرا الرك عليك يا خبره
*اما ايمن سعيد
*هنيالك بالمريخ يا بطل
*والمريخ هنيالو بيك يا معلم
*يا سيد الرجاله
*تاني في مشكله !!!!!!!
*يا محمد عبدالماجد
*عليك الله لو مشيت البلد
*تلقي الكورة الشاتها بكري المدينه في الشوط التاني واقعه هناك
*جيبها معاك وسلمها لاتحاد شندي
*باقي عهده الكورة دي
*ايها الناس
*ان تنصروا الله ينصركم
*اها
*نجي لي شمارات والي الخرتوم
*والينا
*مافي زول يدور صوتنا يجينا
*كوركنا واتكلمنا لما بحينا
*ما اشتغلتوا بينا
*للصوت ما تحاول ما تجينا
سلك كهربا
ننساك كيف واحتمال الولاية تبقي بالنظر ,,,قالوا
والي لقاء
سلك
b_silik@hotmail.com
////////