شهادات باتريك برضو من ابيي ! .. بقلم: بابكر سلك
6 ديسمبر, 2014
منشورات غير مصنفة
27 زيارة
بسم الله الرحمن الرحيم
في السلك
*ايها الناس
*لايهزم المريخ الا المريخ
*اعتدنا دوما ان نبدأ في حرب المريخ منذ بداية الموسم
*نسمي حربنا تلك بالنقد
*ولا ندري اثرها السالب علي المريخ
*ويتزامن ذلك مع قيام اخوتنا الطيبين بخلق جو مستقر لناديهم
*وبالطبع يخوضون مع الخائضين منا في خلق المشكلات بالمريخ
*لايمكن ان اعقل مدح الكاردينال الذي خسر بكري
*فتهور وخسر المعز والمعلم ومهند بخطأ واحد
*ولا يمكن ان اعقل مدح الكاردينال الذي فشل في اتمام الاتفاق مع بكري
*وفجر قنلبته علي نفسه وجماهير الهلال تنتظرها سنويا
*قنبلة التسجيلات
*البرازيلي فجأه يتغير لي ايطالي بيتزا ديلفري
*ويمدح كردنه في فشله في تسجيل جمعه بمستندات ابيي
*ويمدح عندما يسجله عن طريق كبري كوبر بمستندات تختلف عن الاولي
*ومع كل ذل ينتقد ويزم مجلس المريخ
*الذي كسب بكري وكسب تشتيت ذهن الاهله ففقدوا اعمدتهم الاساسيه
*وببروا ذلك الفشل بانهم يسعون لصغار السن
*فاتوا بفيصل موسي
*ولا ادري هل لفيصل موسي ايضا شهادة ميلاد من ابيي تثبت صغر سنه
*ام انه التسنين والتقدير
*مع العلم بان احلال الصغار مكان الكبار فجأه
*يضيع الصغار سريعا
*فالصغار يدخلون في التشكيل بالتقسيط
*ليكتسبوا ثباتا وخبرات
*اما بطريقة كردنه
*صدقوني
*لما يثبتوا يلقوا روحهم في ميدان عقرب
*صعبتها علي الحكام السنه دي يا كردنه
*الا يتموها ليك مويه
*المهم
*وبالامس اشادات بكردنه لانه دعم بنك الثواب بي ميتين مليون
*مافضل الا يجيبوا مكرفون يحوموا بالبكاسي ويذيعوا التبرع
*والبص
*سنه بتكلموا عنو
*ولما وصل قربوا يجيبوهوا للناس في بيوتها
*مع العلم بانهم عندما كانوا يتحدثون عن بص الهلال
*بص المريخ جابوا جمال قبل سنه من مجرد الحديث عن بصهم
*ومع كل ذلك
*ينتقدون جمال ومجلس جمال
*ويتبعهم للاسف منا البعض
*ميتين تبرع كردنه دي الوالي بدفعها في اليوم سته مرات
*ولم تعلم شماله بما قدمته يمينه
*الموضوع ما محتاج برابقاندا قدر ده
*ولكنها محاولات لخلق شخصيه قويه وفاهمه
*وناسنا داقسين
*او قل البعض
*يبنون مع الجماعه في شخصيات الكرتون
*ويحاربون شخصيات يشار لها بالبنان
*وهم لا يدرون ماذا فعلوا ويفعلوا
*ايها الناس
*كردنة ادارتو زي شعرو
*وقريبا ستعرفون الحقائق كامله
*ايها الناس
*بداية الموسم تحتاج لجهد كبير
*ولوقفه من الجميع
*ماتبقوا زي اولاد الوطن البخدعوهم الاجانب ويجندوهم ضد وطنهم
*الوطن اول
*بعدين نشوف الصاح منو
*المهم
*سمعنا بانو الاتحاد طالب بشهادات باتريك
*والجماعه بقوا كلو يوم في بكرة
*هل شهادات باتريك برضو من ابيي ؟؟؟
*لو في كان جابها معاهو جيتو الفاتت
*ولا تقيله ماكان عندو وزن ؟؟؟
*ايها الناس
*نحنا فريق كبير
*من حقنا ان نجلب ونستجلب من اي فريق اصغر مننا
*بما فيها الهلال
*لاننا الكبار الوحيدين في البلد دي
*وبي حقنا
*ما كبار جعجعه ساي
*بجوياتنا وسجلاتنا في لوح الشرف الافريقي
*لذا طبيعي ان تفرخ لنا الفرق الصغيره
*برغم انو فيها واحد
*بقي جنينتنا وحقتنا وبنرييييدها
*البص زاتو لو عجبنا بنجيبوا عندنا
*بي استيكرو السلخوا منو وما لموا ده
*دقيقتين يبقي احمر
*ونعلق فيهو صورة المدينه
*ايها الناس
*توفير الاستقرار والمناخ المناسب للاعداد
*هو اول خطوات الوقوف مع الكيان
*الناس كلها تعرف ان الميخ اتي بسيكافا الاولي
*ولكن معظمهم لا يذكر اعضاء المجلس وقتها
*الناس كلها تعرف ان المريخ اتي بسيكافا التانيه
*ولكن معظمهم لا يعرف من هم اعضاء المجلس وقتها
*الناس كلها تبصم بالعشره علي نيل المريخ لمانديلا
*افريقيا كلها عارفه الكلام ده
*ولكن معظمهم لا يذكرون اعضاء المجلس وقتها
*والناس تعرف ان المريخ جلب دبي والشارقه
*ولا يذكر معظمهم اسم السكرتير في ذلك الوقت
*والناس كلها شافت بي عينها سيكافا التالته
*ولا يذكرون اساء نصف اعضاء المجلس الحالي
*اذن يذكر الناس والتاريخ الانجاز للمريخ
*ولا يذكروا اعضاء مجلس الانجازات
*يبقي الحرب علي منو وفي شنو ؟؟؟
*حانحارب مجلس لتهرب بطولة التاريخ مستعد لقيدها لصالح الفريق ؟؟؟
*خلونا واعيين يا ناس
*ونهتف جميعا
*مريخنا يا
*مريخنا يا
*مريخنا يعيش يعيش يعيش
*بالمناسبه
*ميتين الكارينال يا روشا
*السنه الفاتت هيثم اداكم ليها تبرع للمسجد
*هيثم مصطفي كرار
*نسيتوا ولا بتتناسوا ؟؟؟
*طيب ليه ما مليتوا بيها صحفكم يا فطومه ؟؟
*ولا الوكت داك كنتي سايلنت وما كنت ناطقه ؟؟؟
*روشا
*دحين قبل تلاته سنين موش كتبت لينا
*انو البرير وقع عقد القناه في الامارات
*وانو القناه قريب حاتبث لينا !!!!
*العقدداك قام
*ولا القناة طلبت الطلاق وقتها
*واسي قبلت بالعقد ؟؟؟؟
*اتعقدي
*ايها الناس
*ان تنصروا الله ينصركم
*اها
*نجي لي شمارات والي الخرتوم
*كان شفت يا والينا
*امس في الصيحه قرينا
*دولة الجنوب تلاته سنوات لم تدفع حق الكهربا لينا
*ليه ما ربطتوها ليهم بالمويه زي ما ربطتوها لينا
*ولا خايفينهم يربطوا المويه الجايه علينا ؟؟؟
*وفي جريده تانيه قرينا
*يمكن نستورد كهربا من اثيوبيا يا والينا
*بدل نودي الجنوب مجان ونجيب من اديس بالكاش
*ما نقفل كهربتنا علينا
*اخير من تمشي الجنوب بي كبري
*وتجينا من اثيوبيا بي كبري
*وكترت الكباري علينا
سلك كهربا
ننساك كيف والكهربا لحقت السكر ,,تتصدر عشان نستورد
والي لقاء
سلك
b_silik@hotmail.com
سودانايل أول صحيفة سودانية رقمية تصدر من الخرطوم
