ان شاء الله تسلم وطني العزيز .. بقلم: بابكر سلك
31 ديسمبر, 2014
منشورات غير مصنفة
42 زيارة
بسم الله الرحمن الرحيم
في السلك
*اليوم نرفع راية استقلالنا
*وحقو نقيف جوار تلك الراية شويه
*نشوف عملنا ليها شنو
*الناس اعتادت تقول
*البلد دي عملت لينا شنو
*ولكن مافينا زول سأل نفسو
*انا قدمت للبلد دي شنو
*الوطن ام
*ملزمين تجاهها بالبر
*سواء قدمت ام لم تقدم
*تكفيها الامومه
*ولسنا اندادا للوطن
*حتي نحاسبه ونعامله بالمثل
*ان قدم لنا الوطن شئ
*يبقي كتر خيرو
*برغم انو تكفيه امومته لنا
*يكفيه انه يحملنا علي ظهره طول العمر
*يكفيه انه قبلان بان يكون مرتعا لنا
*نبرطع فيهو زي ما دايرين
*ايها الناس
*لو قدنا للوطن اكيد بقدم لينا
*ولو اهملنا الوطن
*بالتأكيد لن نرجي منه شيئا
*فما نقدمه له زرع
*ومايقدمه لنا حصاد
*فكيف ينتظر الحصاد من لم يزرع
ايها الناس
*لو اردنا ان نعيش استقلالا حقيقيا
*يجب ان نترك الاستغلال
*استغلال بعضنا البعض
*استغلال الظروف
*استغلال المنصب والوظيفه
*استغلال الحزب
*استغلال الفرص
*اذا قتلنا ذلك الاستغلال
*احيينا الاستقلال في معناه الكبير
*فنحن نستغل الفطور
*لنبدد ساعات العمل اليومي
*ونستغل الصلاة لنزوغ من الدوام ونلتقي بعدها في الترحيل
*الاستقلال امانه
*ومن يريد ان يتحمل تلك الامانه
*-عليه قتل الاستغلال في دواخله
*ايها الناس
*غيرنا من يحرث ارضنا
*وغيرنا مين يحرس عرضنا
*فاذا كنا نحن نستغل الارض والعرض لمكاسب شخصيه
*منو البتحمل نهوض هذا الوطن
*ايها الناس
*غنينا يا غريب يلا لي وطنك
*فهل عملنا بعد طرد الغريب علي تقدم هذا الوطن !!!!
*ايها الناس
*غنينا للوطن كثيرا
*ولو نفذنا بيت شعر واحد من تلك الاناشيد
*لاصبحنا في مصاف الدول العظمي
*تعالوا نحاسب انفسنا شويه
*تعالوا نعترف بتقصيرنا تجاه هذا الوطن الكبير
*تعالوا نحاسب انفسنا
*السارق
*والساكت علي السرقه
*والصامت شيطان اخرس
*تعالوا نؤنب انفسنا
*تعالوا نفتح صفحه جديده مع الوطن
*من اجل اطفالنا الجايين
*ومن اجلك يا وطن
*يقول صديق اكرم زكي
*يا دنيا كوني لينا
*ويتدك حصار السنين
*وتتفتح اسوار المدينه
*ويتبلل وادي الحزين
*يا ضلام
*هاجر بعيد
*شيل السجون زيد السفر
*كب يا مطر شيل الاتر
*واملا الفراغات يا حنين
*يا وطن حبك سما
*فات السما
*وفات العيون
*يا ارض حبك نبت
*جوه الارض
*وفوقك مشتت في الغصون
*ويتفتح ايمانا خضره
*وصبرنا تتفتح منو عين
*تروي العطش لمن نسي طعم الحياه
*تغسل مسافات الانين
*ايها الناس
*نتمني في احتفالنا بالعيد القادم
*ان نكون قد غسلنا مسافات الانين
*وان يتفتح ايماننا بالله وبالوطن خضره
*وصبرنا يكللنا بنجاح يجعلنا نفخر بالوطن في اي مكان واي زمان
*ايها الناس
*الهجره ما بتشبهنا
*ولا الهروب من ضنك العيش بدوم
*فلو اعتنينا بي قردنا
*اكيد ببقي اجمل من غزال الناس
*ايها الناس
*سمعتوا الطير المهاجر ؟؟؟
*كان تعب منك جناح في السرعه زيد
*عشان تصل وطن الاجداد والامجاد والاستراحه بعد الرحيل
*اسي بقت
*كان تعب منك جناح
*ارجانا نحنا بنجيك
*معقوله !!!!
*ايها الناس
*رددوا معي
*وطنا الباسمك كتبنا ورطنا
*احبك
*احبك مكانك صميم الفؤاد
*وباسمك اغني
*تغني السواقي
*خيوط الطواقي
*سلام التلاقي
*ودموع الفراق
*واحبك ملاذ
*وناسك عزاز
*احبك حقيقه واحبك مجاز
*واحبك بتضحك
*احبك عبوس
*بعزة جبالك ترك الشموس
*ومابين ظلالك
*افتش وملامح صباي
*بناتك عيونن صفاهن سماي
*وهيبة رجالك بتسند قفاي
*صحي بتملي عيني وتشرف غناي
*بحضرة جلالك
*يطيب الجلوس
*مهذب امامك يكون الكلام
*لانك محنك
*غنوا معاي
*في الفؤاد ترعاه العنايه
*بين ضلوعي الوطن العزيز
*لي عداه بسي النكايه
*وان هزمت بلملم قواي
*غير سلامتك ماعندي غايه
*ان شاء الله تسلم وطني العزيز
سلك كهربا
ننساك كيف وبنحتفل بالاستقلال في عز الاستغلال
والي لقاء
سلك
b_silik@hotmail.com
سودانايل أول صحيفة سودانية رقمية تصدر من الخرطوم
