سودانايل أول صحيفة سودانية رقمية تصدر من الخرطوم
أخبار أخرى
بسم الله الرحمن الرحيم
في السلك
*عباس
*او دكتور عباس
*رجل قدم للهلال في صمت
*ولكن حال الهلال
*ان يضرب بالذين يقدومن له عرض الحائط
*وان يهلل للذين يستفيدون منه
*ويفيدهم اعلامايا
*وبعد داك يضربوا بيهو عرض الحائط
*فيقبع في صفره الدائم
*ومادايم الا الله
*بعدو طوالي صفر الهلال
*قدم هيثم وعمر بخيت والمعز ومهند للهلال كثيرا
*وقدم صلاح ادريس المرقهم من قاع الفقر للمعسكرات الخارجيه
*وقدم طه علي البشير
*ولكن
*هيثم ومهند وعمر والمعز
*بالحيطه
*روووووووو
*صلاح ادريس بقي اكبر عدو
*وطه علي البشير الرجل المهذب وحكيم امة الهلال
*طيش الاستفتاء
*بالله الهلال ده تاني معاهو ضمان ؟؟؟
*المهم
*دكتور عباس دفع تمن خيال المدرب
*باق مدرب الهلال قالوا بجي فاتح خيال شديد
*في التمرين بجي فاتح خيال
*وطبعا الزول البكون فاتح خيال
*ما بلاحظ للوكت
*الليل كلو تقول ليهو ماشي
*يقول ليك مازال الليل طفلا يحبو
*من زمان الحكاية دي
*عشان كده ناس الخيال بقولوا مازال الليل طفلا يحبو
*الساعه تكون خمسه ونص صباحا
*يقولوا ليك مازال الليل طفلا يحبو
*المهم
*خيالات مدرب الهلال
*كلو ما الدكتور يقول ليهو كفايه
*التمرين ده مرهق شديد يا كوتش
*المدرب يقول ليهو مازال الليل طفلا يحبو
*لما خلي ليك ناس بويا وكانوتيه ومحمد عبدالرحمن وفداسي يحبو
*ناس الخيال ديل بحبو الليل شديد
*والغريبه المصابين كلهم طرف شمال
*والقصة دي احتمال مع خيال المدرب فيها برضو تدخل من الحبشي
*اوتاكا ده دحين موش طرف شمال ؟؟؟؟
*وسلطان الحبش يا مليليك
*يمكن سلطان الحبش ماداير زول ينافس ولدهم في الخانه
*اي زول طرف شمال يشيل شمالو في ايدو
*محمد عبدالرحمن مهاجم
*في التمرين جابوهوا طرف شمال
*دقيقتين واتخارج
*فطومه
*يا اختي انت صغيره وجاهله
*ومحتاجين ليك شديد
*في التمرين جمب الخط البلعب فيهو الحبشي طرف شمال ما تقعدي
*سلطان الحبش ده ما بتقيد بالجوه الخط وبره الخط
*ماداير زول في المنطقه
*اخلي كل المنطقه وحافظي علي حياتك يا اختي
*المهم
*دكتور عباس دفع تمن الخيال الواسع
*وسر اوتاكا الباتع
*وحق عباس ما بروح سااااي
*لانو لو كان عباس طبيب عمومي غير مختص في اصابات الملاعب
*برضو بيفهم في اصابات الملاعب اكتر من الناس الحاولا التقليل من شأنه
*معليش يا عباس
*تعيش وتاخد غيرها
*وربنا بياخد ليك حقكك من معسكر الفجيره
*اها
*كردنه قالوا عمر ومشي عمره
*عمره مقبوله يا كردنه
*واجمل مشهد شفتو في الصوره
*كردنه شايل السبحه
*سبحان الله
*شكلو كده بسبح
*سبحان الله سبحان الله سبحان الله
*المهم
*روشا طلع بي بدعة جديده
*قال الاتحاد عمل فضيحه لانو ارسل اسم بكري في الكشف الافريقي
*واستدل بكلام ناس قال قانونيين
*يا روشا والمعاك
*الوضع الصحيح والقانوني والمنتج لاثره حاليا
*هو ان بكري لاعبا بالمريخ
*واذا عندكم حكم قانوني بغير ذلك
*جيبوهوا ونفذوهوا
*افرض الاتحاد لم يرسل اسم بكري
*وخسرتو قضيتكم الفشنك
*الاتحاد الافريقي بستني الاتحاد السوداني يرسل الاسم بعد داك ؟؟؟
*يعني بالمنطق بتاعكم ده
*كلو سنه نعمل شكوي في اربعه من لاعبينكم
*يقوم الاتحاد ما يرسل اساميهم عشان عندنا شكوي ؟؟؟
*ياعباس
*سامع الكلام ده !!!!
*المهم
*سافر الزعيم لدوحة العرب
*ورابطة المريخ بقطر اعدت للموضوع تمام
*هكذا هو حال المريخ في اي مكان واي زمان
*ولفتني تواجد رابطة الهلال في الاستقبال
*من حقهم
*فالمريخ الذي شرف الوطن افريقيا لم يبخل عليههم بالتشريف
*خلاهم في المجتمعات الدوليه يقولوا
*عندنا فريق في السودان شال بطولة جويه افريقيه
*بطولة من بطولات الكاف
*يعني لو هلالابي في قطر
*بتونس مع بنغالي في الكورة
*والبنغالي قال ليهو
*صديق انت سودان كورة ماكو
*اكيد الهلالابي بقول ليهوكورة سودان ماكو كيف !!!
*رفيق مريخ سودان شال كاس كبير افريقيا
*يبقي الهلالابي في قطر قشر بانجاز المريخ
*ولذلك يحق له ان يشارك في الاستقبال
*عفارم عليكم اهلة قطر
*ومن حقكم
*المهم
*الجماعه لاعبين مع سراميك راس الخيمه
*اعملوا حسابكم ما يزلقكم
*براكم معوقين
*معسكر زي عنبر العظام
*يا لطيف
*عباس
*الزول فاتح خيال
*ماتزعل منو
*بكرة يوعي للبسوي فيهو ده
*ايها الناس
*سمعنا بتهليل للاعبي الجماعه
*ولي اسي ما سمعنا اسم فيصل موسي
*نسوهوا هنا ولا شنو ؟؟؟
*المهم
*اسلام بتقرأ في الجرايد
*قالت لي يابابا انت موش قلت جريدة ( ق ) دي سيدها مريخابي ؟؟
*قلت ليها سيدها مريخابي ونميري شلبي مريخابي كمان
*قالت لي اربعة مانشيتات هلال
*والخامس مريخ
*والصفحه الاولي كلها هلال ليه !!!
*ماقدرت ارد عليها يا شلبي
*عندك رد ؟؟؟؟
*ايها الناس
*ان تنصروا الله ينصركم
*اها
*نجي لي شمارات والي الخرتوم
*كان شفت يا والينا
*بقي ولا هامينا
*تجي سنه وتفوت فينا
*تقيف قبلها وما ترضينا
*ترجع لي ورا سنين وسنينا
*ولا هامينا
*شنو العملتو لسنين لينا
*غير تدهور مريع وهدام واقع بينا
*عشان كده يا والينا
*تجي الفين وخمسطاشر
*ما تجي لينا
*مافارق معانا ولا بفرق علينا
**كلو سنه بي زيادة بنزينا
*وبتاع الحافله طالع بالسمينه
*كلو سنه ببي رفع الدعم علينا
*وفي مكانها قاعده مواهينا
*كلو سنه بي زيادة رسوم لينا
*والخدمات ما سائله فينا
*كلو سنه وغابات الاسمنت تدهش فينا
*ونحنا غالبانا فته سخينه
*كلو سنه والناس تختف وتتحلل لينا
*ونحن نبكي والناس تمد لسناتا لينا
*ونحن مالاقيين البنسرقو عشان كملت يا والينا
سلك كهربا
ننساك كيف ولو داير تسرق مابتقدر عشان كمل المسروق
والي لقاء
سلك
b_silik@hotmail.com
//////
