سودانايل أول صحيفة سودانية رقمية تصدر من الخرطوم
أخبار أخرى
بسم الله الرحمن الرحيم
في السلك
الحوثيون 6/10000
*اليوم الزعيم يصارع في انجولا لوحده
*ونقول لوحده لان تحذيراتنا من التحكيم الذي اشتهر بالرشوه
*ومن رئيس كابو الفريق كانت منذ زمن كافي
*وكان لمجدي الذي يترأس اللجنه ان يحمي المريخ من تلك المؤامرة
*ولكن حرص مجدي علي تقديم فروض الولاء والطاعه محليا
*دفعه لاهمال المريخ (كالعادة )
*كلمناك يا مجدي
*وتحرياتنا تفيد بان المرتشي قد قبض رشوة الراشي
*وان خروج كابو بثلاثيه هي النتيجه الحتميه التي بسببها دفعت وقبضت الرشوه
*ولكن ماذا يجبر مجدي علي السكات ؟؟؟؟
*نعتبر السكوت رضا يا مجدي ؟؟؟
*السكوت في معرض الحاجه للبيان بيان يا سعادة المحامي
*حذرناك يا مجدي
*وكلمناك
*واذا حدث مكروه عليك ان تعلم انك المسؤل الاول
*والحساب ولد
*والامر الي الآن ملحوق
*مافات شئ
*المهم
*حزنت كثيرا لخروج اهلي شندي
*كنت اظن ان سيدا سيقودهم الي منصات التتويج الافريقيه
*ولكن كيف لمن نشأ وترعرع سبعة عشر عاما بين الاصفار الدوليه
*يستطيع ان يقود الناس الي منصات التتويج الافريقيه
*هيثم لعاب
*لكنه متربي علي الصفر الدولي ومفطوم عليه
*سبعطاشر سنه عايش جوه صفر كبير
*المرقه منو مستحيله
*هاردلك اهلي شندي
*وهاردلك سيدا
*مامنك
*من فايروس الصفر الكبير الذي اصابك
*من عاشر قوما اربعون يوما
*وديل سبعطاشر سنه ماهينات
*المهم
*الراشي والمرتشي في النار
*ولون النار احمر واصفر
*وبشفتنة اولادنا
*نستطيع ان نحرق فشفاش رئيس كابوسكورب
*وفشافيش الحكم الذي اشتهر بالقبض
*قباض خلاص
*ده السبب في الهجين خلي بالك
*ايها الناس
*الله في
*ولكل مجتهد نصيب
*والتوكل علي الله يفشل مكر الماكرين
*لكن مجدي عملها ظااااااهره
*ايها الناس
*بالقرآن مريخنا مصان
*وبالدعوات الصالحات نستطيع ان نتخطي حواجز التواطوء
*وحواجز السحر
*ونستطيع ان نقلب السحر علي الساحر
*ايها الناس
*باذن الله سنفكر في كيفية تخطي الترجي عند الثامنه الا ربعا من مساء اليوم
*دعواتكم يا شفوت
*المهم
*في لقاء تلفزيوني لكردنه عقب مباراة الفشنكات الاولي
*قال ان المباراة مصوره
*وان الموضوع مونتاج وحا تبث للناس
*بعد داك سمعنا بي كلامات كتيره تحت تحت
*منها ان شرط الفشنكات كان عدم التلفزة وعدم التسجيل
*وبرغم حديث كردنه لم تبث لنا المباراه
*حتي في برنامج البحث عن هدف
*اللقطه جابوها من كورة كي ام كي
*والحديث عن الرصاصات
*لماذا لم تبث ؟؟؟
*هل ما سمعناه صحيح يا كردنه !!!!!!
*لو كده
*يبقي وجدنا تبرير لخوف فريق فايز في الذهاب باربعه
*خايف ليه ؟؟؟؟
*خلاص بثوها
*المهم
*السنه دي شامي لي ريحة مطار
*وريحة المطار دي ناس محمد عبدالماجد مابعرفوها
*شموها وين عاد !!!
*يشموها قدحه
*لذا
*لابد من الانتصار اليوم
*املي في الانتصار
*لا مجرد التاهل
*ننتصر للعودة لمنصات التتويج الافريقيه
*ننتصر لانو احتمال نعود لنغمتنا القديمه
*برانا برانا نشيل الشيله
*برانا برانا نسوي السيره
*ننتصر لنخرس السن لاتعرف النطق الا لتشمت علي زعيم الكرة السودانيه
*الوحيد المتواجد دوما في لوح الشرف الافريقي
*وبالقرآن مريخنا مصان يا حسن اسد وياصديقي عراقي ويا شيخ عميري
*ايها الناس
*دعواتنا
*ودعوات امهاتنا مع الزعيم اليوم
*ايها الناس
*علمتني امي
*وقالت لي
*الداير يشتهر بيك يا ولدي وينتشر ,اسكت خليهو في عددينو البرجعن تلاته ديل
*ايها الناس
*ان تنصروا الله ينصركم
*اها
*نجي لي شمارات والي الخرتوم
*كان شفت يا والينا
*كلمونا وقالوا لينا
*وزير الماليه صرح بانه ستتم الاطاحه بالدولار الغلي علينا
*حقيقة فرحنا يا والينا
*بس كيفية الاطاحه ما شرحها لينا
*حايكون اليورو هو الغالي علينا ؟
*ولا حايكون الين الياباني هو الميسر لينا
*ولا حانعود لزمن المقايضه يا والينا ؟؟؟؟
سلك كهربا
ننساك كيف والين والجن والدولار والبر ملخبتاتننا ومتلخبطات علينا
والي لقاء
سلك
b_silik@hotmail.com
/////////
