بسم الله الرحمن الرحيم
في السلك
الحوثيون 10/1000
*عندما فاز المنتخب علي المنتخب التونسي بالثلاثه في القلعه الحمراء
*وحينما تخطي المريخ البنزرتي التونسي خلال مسيرة مانديلا
*وعندما فاز المريخ علي الترجي بهدفي سامي وجمال ابو عنجه
*وعندما جندل المريخ النجم الساحلي في هذه الالفيه
*وعندما مزق حموري شباك الافريقي التونسي باستاد الهلال
*لم يكن التوانسه في تلك الاوقات شفع صغار
*كانوا كبار وعارفين اي شئ
*لكننا كنا اكبر منهم
*وكان طموحنا كبير
*بقدر نادينا الكبير
*وطالما تجدد طموحنا الكبير هذا العام
*يجب ان يتكرر نصرنا الكبير
*الهدف امامنا واحد
*الترجي يشوف كونفدراليتو وين
*نستطيع ان نتخطي الترجي ان اردنا
*بشرط احترام المنافس
*فنحن لسنا من زبائن الترجي
*الذي ياخذون الكوته تلاته واربعه وخمسه وسته
*الكرة التونسيه تعرفنا زي جوع بطنها
*واذا انتفض الزعيم في التوانسه
*سيعيد لهم ذكري البوعزيزي
*ذلك الشاب مفجر الثورة التونسيه
*والذي لم يشفع اعتذار زين العابدين امامه
*ولا زيارة زين العابدين له بالمستشفي
*الثورة بره وبعيد
*ولكننا نستطيع اعادتها
*ايها الناس
*الجهاز الفني للمريخ متمكن
*والبروف غرزه يعرف امكانيات اسلحته
*وبواطن الضعف عند العدو
*العدو دفاعو تقييييييييييييييييل
*واوكرا وكوفي وعقرب المدينه جاهزين
*ثيردباك واستوبر التوانسه طوااااال وضخمين قدر الجمال
*وعقرب الجمال عندنا
*ضربة واحده وتنيخ كل الابل التونسيه
*عقربنا وعارفين سمها باتع
*بمناسبة العقرب
*مشيتوا لوزان يا محمد عبدالماجد ولا مالاقين ركشه ؟؟؟
*اتلوزني
*بمناسبة محمد عبدالماجد
*صحي ناسكم يا اخوي تلاته شهور ماصرفوا ؟؟؟؟
*بالطريقه دي بعد شهر وعشرة يوم بطلعوا من الحبس
*يا محمد يا اخوي
*قالوا الشهر الفات اجرتوا لودر
*ولسه الحفر ماظهرت
*لو اجرتوا ارنب كان الحفر انتهت
*خلي بالك اللودر ده صيني
*المهم
*يوم الترجي نملي الاستاد شفوت
*نلبس الاحمر والاصفر
*قالوا جيمي جايب لينا فنايل حمر وصفر
*عشان نحلب الناقه في القلعه الحمراء
*ونزعل الشنقاقه
*فقط
*كل المطلوب اي زول يقوم بي واجبو كامل وما يتدخل في شغل زول
*كلو زول يعمل العليهو
*وصدقوني
*الترجي يشوف ناسو وين
*ايها الناس
*ابو الهل مقابل فريق من الكنغو
*واول ما ابو الهل يقابل فريق من الكنغو
*طوالي مرقنبو قرنبو
*بس الله يستر من ارتفاع سعر الصرف لي سعر مازيمبي
*ايها الناس
*الوقفه الجماهيريه يوم عزام كانت مميزه
*التف الجميع حول الزعيم بشراسه ومحبه صادقه
*الناس وقتها احبت بعضها البعض
*تناست اي شئ الا حب المريخ
*الكيان كان الهدف وتلاشت الصغائر
*يوم الترجي نحتاج لنفس الشعور عشان الترجي يركب الدور
*المهم
*اليوم تفعيل مشروع التحدي الجماهيري
*اليوم تقول الجماهير كلمتها
*اليوم مريخاب الداخل ينافسون مريخاب الخارج
*اليوم مريخاب الولايات ينافسون مريخاب العاصمه
*اليوم كل الاجيال تتنافس في دعم العشق الابدي
*يجب ان يعرف العالم انو الجماهير التي طبقت لن ندعك تسير وحيدا علي ارض الواقع
*ستتطبق اليوم نظريه جديده اسمها
*بايديننا نبنيك يا بلدنا صممنا لازم نبنيك
*فالمريخ وطن ونحن مواطنيه
*سنتنافس في دعمه تحت شعار
*اسقيك من وريدي ويا سلام علي ريدي
*ونغني له كما غنينا لامهاتنا
*يشيل من عمري انا ويديك الله يخليك
*سنغني للنجمه
*بريدك قبل ما اعرفك
*ومريخاب مدني الشفوت ما بقصروا
*سيسمعونا اغنية
*ولا اسيبها مدني واجي اقعد حداكا
*انه العشق الكبير
*مريخاب دارفور ما بتوصوا
*اما الحمر في كردفان
*بالتأكيد اغنيتهم حاتكون مميزه
*ناس جدي الريل تحويلهم تقيل
*اهلنا في الشرق
*ينطوا لي فوق حتي يحولوا
*بورتسودان القضارف وكسلا
*وكاسلا كاسلا
*ناس النيل الابيض تحويلهم بكون اكبر من فيضان النيل الابيض
*حايتشروا وسط الجماهير
*وناس النيل الازرق
*شفوت الدمازين والسوكي وناس سنار
*بالتأكيد بعرفوا شغلهم كويس
*الشماليه ونهر النيل
*هييييييييييييييييييييييييييع
*التنافس شديد
*وصدقوني اهلنا في الجنوب
*الذين يجمعهم معنا حب الزعيم برغم قرار الانفصال
*-القرار السياسي ما بقطع حب الود وحجي الاماسي
*الناس ديل ما بقصروا
*زول مشي كمبالا بي عجله عشان يشجع المريخ
*مابغلبوا يحول من تلفونو
*اننا شعب المريخ وامة المريخ ومن المريخ وللمريخ
*ايها الناس
*كان علي احر من الجمر ينتظر هذا اليوم
*ولكن كملت المعدوده قبل ان يضغط علي (ok) من موبايله مشاركا في هذا المشروع الكبير
*انه عاشق المريخ الكبير
*العقيد شفت محمد عوض الله (استيف ) من شفوت توتي
*انتقل عن هذه الفانيه ويدواخله عشق مقدس للزعيم ورغبة اكيده للمشاركه في مشروع الدعم
2870* كان حلمه
*الف رحمة تنزل عليه
*ونيابة عنه اسدد له مشاركته في المشروع مدي حياتي
*المهم
*علمتني امي
*وقالت لي يا ولدي
*الراجل لما يتزنق ما بكورك ياااااااااجعفر
*ايها الناس
*ان تنصروا الله ينصركم
*اها
*نجي لي شمارات والي الخرتوم
*كان شفت يا والينا
*الانتخابات قربت تجينا
*ولسه مافي برنامج مقنع مطروح لينا
*اسي لو ماجينا !!!!!
*لينا حق ولا ما لينا يا والينا ؟؟؟
*حقو المرشحين يحترموا الحال الفينا
*وتكون شعاراتهم وبرامجهم المطروحه لينا
*فيها شئ من الاهتمام بينا
*لي اسي عن القفه مافي زول اتكلم لينا
*تعرف يا والينا
*فنان قلنا ليهو ارسم لوحه تشرح الحال الفينا
*رسم زول من اهلينا
*العنكبوت باني في خشمو يا والينا
سلك كهربا
ننساك كيف والزول جعان صوتو ما بطلع
والي لقاء
سلك
b_silik@hotmail.com
////////