سودانايل أول صحيفة سودانية رقمية تصدر من الخرطوم
أخبار أخرى
بسم الله الرحمن الرحيم
*في السلك
الحوثيون 1/ 2870
*اليوم نلتقي هلال عروس الرمال
*وقبل ان نخوض في الموضوع
*نسأل
*ومن حقنا ان نسال وبشدة
*اين مريخ الابيض ؟؟؟
*اين اعرق واعظم فريق في كردفان ودارفور ؟؟؟
*اين اول فريق مثل الغرب بالممتاز ؟؟؟؟
*بل واين مريخ الابيض الذي يعتبر من اعرق الفرق في السودان ؟؟؟
*وماذا حدث له ؟؟؟
*وماذا يحدث ؟؟؟
*ولماذا يحدث ؟؟؟
*وكيف يعود الينا مريخ التبلدي العريق للممتاز ؟؟؟
*الاسئله موجهه لمريخاب الابيض ؟؟؟
*مربعين يدينكم وبتتفرجوا علي شنو ؟؟؟
*واين سعادة والي ولاية شمال كردفان من اعادة المريخ لمكانه الطبيعي والطليعي ؟؟؟
*يا هارون
*معظم اهل الابيض مريخاب
*وان كنت تريد خدمة اهل الابيض
*شوف مريخيهم مالو ؟؟
*المهم
*اليوم نلتقي هلال الابيض
*وهلال الابيض فريق ماساهل
*يجد الدعم الجماهيري والدعم الرسمي
*ولديه دوافع كثيره للاستبسال امام المريخ
*ماداير اقول المحرش ما بكاتل
*ولكن العنف الغير قانوني في احيان كثيره
*والذي يمتاز به اولاد هلال الابيض
*قد يكون سلاحهم اليوم
*وحتي لانفقد نقاط المباراة مقابل محافظه علي اقدام لاعبينا
*خاصة وموقعه اقصاء الترجي قد قاربت
*علي التحكيم ان يطبق مبدأ اللعب النضيف وحماية المواهب بدقه
*وحقو التحكيم يعي اننا نمثل هذا الوطن افريقيا
*واننا الفريق الوحيد الذي يمكنه مواصلة المشوار افريقيا
*بل ونشتم رائحة المطار العطره
*ايها الناس
*مريخاب الابيض يمكنهم حماية المريخ
*هم كتااار ما شويه
*واقوياء ما هينين
*وعلي التحكيم ان يعي ذلك جيدا
*اي تهاون من التحكيم يمكن ان يؤدي لكارثه
*لذا علي التحكيم ان يجنبنا شر الكوارث
*ايها الناس
*مريخ الابيض لازم يعود للممتاز
*المهم
*مع ضربة البدايه لمشروع الدعم الجماهيري
*تسابق الناس للمشاركه والمنافسه والتنافس
*الشفوت ما غريبه عليهم
*ومريخاب الشوال
*حولوا ار اسر
*تقعد الاسره بكاملها وتحول
*تحويل جماعي
*كلو زول من تلفونو
*لكن من خلال جلسه مريخيه صادقه
*ومريخاب الدويم ماقصروا
*الشفت محمد لعوته
*اسرته فيها خمسه افراد وهو سادسهم
*اشترك بي سبعه انفار
*في عشرين
*ميه واربعين جنيه شهريا يقتطعها ليقدمها قربانا وحبا وتكريما للزعيم
*اسرتو بيهو سته
*لكن بحول حق سبعه
*لانه عاهد نفسه ان يرسل مشاركة جمال الوالي ضمن اسرته
*بحول حق جمال مع اسرتو
*المريخ عالم جميل
*ومريخاب النيل الابيض الذين تسابقوا للدعم
*لديهم اقتراح
*قالوا منطقة النيل الابيض كلها مريخاب
*وعشان كده ناشدوا السيد رئيس الجمهوريه
*ان يغير اسم النيل الابيض
*للنيل الاحمر
*المهم
*نتمني لاولادنا نصرا كبيرا اليوم
*وعرضا يبلون به اشواق جماهير الابيض العطشي للابداع
*ونتمني تحكيما نزيها قويا متابعا
*يعطي لكل زول حقو
*ايها الناس
*شاعر المريخ الكبير
*وشاعر النجوم الممتاز
*استاذنا الزبير عبدالكريم
*لديه ديوان شعري
*هو الاول من نوعه
*لانه اول ديوان شعر يوثق لتاريخ وانجازات نادي رياضي في العالم
*وهكذا دائما
*يولد الابداع في المريخ
*ثم يتبعه الآخرون
*الاثنين القادم حفل التدشين بارض الحضارات بالقلعه الحمراء
*كلنا حضورا انيقا يتشرف بالمشاركة في المناسبة الكبيره
*المهم
*امس بالليل مشينا شمال شرق الجوهره
*والمعبود بالحق لقينا اكتر من خمسه واربعين حمار بايتين هناك
*كلو حمار معاهو كارو
*لكن للامانه
*الحمير مفكوكين من الكاروهات
*الخمسه واربعين كارو واقفات جمب بعض
*والخمسه واربعين حمار مع بعض
*الحمير واحدات راقدات ساي
*وواحدات نايمات
*وواحدات واقفات يتحكحكن
*ووحدات يتدردقن في الواطه
*معانا واحد بتاع بحر
*قال لي الحمير البتدردقن ديل بتدردقن من الضحك
*قلت ليهو بضحكن في شنو ؟؟؟
*قال لي بعاينن كده
*ويتذكرن الجوهره
*ويمووووووتن بالضحك
*الدردقه دي كلها ضحك
*في حمار التقول سمعنا
*هنق
*واتدردق
*قال لي ده كانت فايته عليهو يا دوبو فهمها
*المهم
*من حتتنا ديك ارسلنا العيونا
*العيون جاتنا راجعه تضحك وتدردق في الواطه دي
*قالوا السبعه حفر الكتاحه ردمت منهن اربعه
*في حمار تاني اتدردق
*ورفس رفس رفس
*ووقف حيلو واتدردق تاني
*المهم
*علمتني امي
*وقالت لي
*الفاتح جيبو وشايل طارو ويمدح كلبا يا ولدي لو ما اديتو بينبح
*قلت ليها والبعالج اخوهو في مصر ويداوي بي دولارات الخندقاوي يقولوا ليهو شنو يا امي
*قالت لي قول ليهو جر
*غير جر يقولوا ليهو شنو عاد
*ايها الناس
*ان تنصروا الله ينصركم
*اها
*نجي لي شمارات والي الخرتوم
*كان شفت يا والينا
*المدارس قفلت بي جاي الكورسات فتحت لينا
*نرتاح متين يا والينا ؟؟؟
*تشيل متين الهم الفينا ؟؟؟
*ما كل الهموم يا والينا
*بس هم المدارس وهم دقيق الفينا
سلك كهربا
ننساك كيف ورسوم الكورس تقري طب في رومانيا
والي لقاء
سلك
b_silik@hotmail.com
//////////
