بسم الله الرحمن الرحيم
في السلك
*قونا في الترجي عاجبني شديد
*ماعشان بكري الفقري كان السبب فيهو
*ولا عشان بكري خلي اربعه مدافعين وراهو
*ولا عشان علولو اوقف قصة اهدار ضربات الجزاء من قبل اولادنا
*القون عاجبني جدا
*لانو في مرمي الترجي
*وقون في مرمي الترجي
*زي ضربة واشنطن
*زي وقعة برج التجاره في نيو يورك
*حاجه كده ليها اثرها
*وما بتمر ساي
*يعني ضربة برج التجاره عالميا
*ماكانت زي رباطين او قطاع طرق همبتوا ليهو زول
*فرق كبير
*عشان كده القون عاجبني جدا
*واحس بل اكاد اجزم بان هذا الهدف هو اعلان تأهلنا للمجموعات
*الترجي يشوف كونفدرالتو وين
*بالمناسبه
*الترجي ده قبل كده
*عشان نغلبوا في البلد دي
*لعبناهو الساعه اتنين الضهر
*الشمس بره
*والبلد وقتها كانت متهمه بالسحائي
*برغم السحائي كان الاصرار علي اللعب الساعه اتنين
*شمس زي الشمس
*وبرضو ما غلبنا الترجي
*طلعت بي شمسها ديك درون
*وقبل كده
*بدل ندي الترجي ضربة قاضيه
*ادينا الحكم بونيه
*في كورة الترجي بين الشوطين
*يوم المسيكني جاب القون هنا
*والغريبه برضو جاب القون هناك
*والاغرب انو القونين بنفس الطريقه
*وما نزل موظف سفارتنا بين الشوطين يستجدي الترجي ايقاف الاقوان بعد السته
*يبقي لينا حق نفرح
*عشان غلبنا الترجي بدون شمس وبدون بونيه
*غلب عديل كده
*اجبر التوانسه علي التطفيش
*والعك
*لدرجة انو في ناس قالوا ده ما الترجي البنعرفوا
*وليهم حق لانو الترجي البعرفوهوا
*بغلب ستات وخمسات
*لكن ترجي ينضغط لمن يطفش
*ده ما بعرفوهوا
*ده بنعرفوا نحنا
*ايها الناس
*مشروع الدعم 2870 قرب يطلع سانغا ساي
*قرب يطلع ماسوره
*والسبب هو اهمال المجلس
*او قل ادروب للمشروع
*واسقاطه لاصحاب الفكره
*والمضي في الموضوع بفرديه متناهيه
*كيف بس
*ادفع اشتراك لمدة سنتين
*يطلع تبرع ويشيلوا مني كمان رسوم اكتر مما يتصوره العقل
*وكمان تجيك رساله
*لو داير تلغي الخدمه تعمل كده وكده
*تلغي شنو يا حبيب
*الاشتراك حسب الاتفاق لمدة سنتين
*من وين جابت الشركات الغاء الخدمه يا ادروب
*ايها الناس
*شخصيا لا اميل لفهم انو الموضوع مقصود
*ولكن ارجح كفة الاهمال وعدم الدرايه
*اين الترويج للمشروع يا ادروب ؟؟؟
*اين الاعلام والاعلان عن الخدمه يا ادروب
*اين مريخاب الخارج من المشروع ؟؟؟
*اين انت يا ادروب
*ايها الناس
*الموضوع اذا ما اتلحق بطرشق
*وبلحق سانغا
*بطلع سانغا ساي
*ايها الناس
*نفكر ونبتكر
*وغيرنا يقلد
*ومامعقول المقلد يطلع شغل افضل من المفكر
*ولا شنو يا ادروب ؟؟؟؟؟
*ايها الناس
*امس كانت مباراتنا ضد النسور
*النسور ادت مباراه جميله
*وشريفه
*وبدون اخطاء تحكيميه
*فالتحكيم عودنا علي الاخطاء التي لا تظلم في مباريات بعينها
*وبالذات احساس الغبن الواقع علي النسور يوم مباراتهم ضد الهلال لم يندمل جرحه
*النسور فريق جيد ومتطور
*ويملك من المواهب الكثير
*ويمتاز باللياقه البدنيه العاليه
*قدم تجربه مفيده
*وبالذات بعد خروج سلمون
*عشره دقائق بعد خروج سلمون
*قربت تخرج روحنا فيها
*بالله التقول غارزيتو طلع سته لاعبين
*ما طلع سلمون بس
*وخروج شيبون مع توهان راجي
*هز الاداء كثيرا
*يا راجي
*يا كابتن
*الحق روحك
*انت نجم كبير
*ونعول عليك بباب سويقه كثيرا
*المهم
*الحاجه مكينه جديد مطر
*امرأه مكافحه
*نجدها دوما د\اخل الاستاد في مباريات المريخ
*مكانها ثابت
*المساطب الشعبيه الشماليه
*نجلس عندها دوما
*يا قهوتها
*يا شهقة النفس والروح والمزاج
*مكينه تأتي باسرتها كامله
*شاي قهوه نعناع وكفاح ضد الاقدار
*تنتصر كل يوم لعزيمتها
*وتنتصر لاصرارها علي الحياه الشريفه
*مكينه مريخابيه ميه الميه
*امس في الكورة
*وقتها كانت النتيجه هدف للمريخ
*نام رجل الخط علي تسلل واضح
*انفرد لاعب النسور
*ووضعها جوار القائم
*صمت رهيب خيم علي المدرجات
*الا من صوت مكينه
*قالت بالصوت العالي
*الحكام ديل بدرسوهم وين ؟؟؟
* في السوق الشعبي ؟؟؟؟
*مكينه عرفت التسلل يا صلاح احمد محمد صالح
*وحكامك ما عرفوهوا
*شكرا مكينه علي فهمك الراقي
*شكرا مكينه يا مدينه
*مدينه للفرح الحزين برغم آثار الضنك علي الجبين المشرئب دوما
*مدينه يا مكينه ومكينه يا مدينه
*المهم
*من الذي اثار موضوع الاستقالات في هذه المرحله ؟؟؟
*اليست هي الاستقالات المقدمه منذ شهور للوزارة ؟؟؟
*ان كانت الاجابه بنعم
*لماذا اثيرت الان ؟؟؟
*وماهو صالح المريخ والوزارة في اثارتها ونحن امامنا موقعة باب سويقه ؟؟؟
*ولماذا تزامن ذلك مع قرار اللجنه باعادة مباراة عطبره ؟؟؟
*وهل تزامنا صدفة ؟؟؟؟
*المريخ ده مريخ ايران ولا شنو يا ساده يا مسؤلين ؟؟؟؟؟
*ده الكلام البجيب الكلام المابتحبوهوا
*وبالطريقه دي الحل واحد
*بس بتقدروا ترجوهوا ؟؟؟؟
*ايها الناس
*للمريخ رب يحميهو
*وجمهور لوصبت المطر عليهو
*نقطه ما بتنزل الواطه
*جمهور يغطي عين الشمس
*وبعرف يحمي مريخو كيف
*ايها الناس
*ان تنصروا الله ينصركم
*اها
*نجي لي شمارات والي الخرتوم
*كان شفت يا والينا
*عاصفة الحزم انتهت قالوا لينا
*ولسه الحوثيين جوه المدينه
*وماسكين المناصب يا والينا
*هي حرب عندها اهداف يا والينا
*ولا كورة تنتهي اذا انتهي زمنها ايا كانت النتيجه ...ورينا
سلك كهربا
ننساك كيف ومافاهمين حاجه وحاة ربنا
والي لقاء
سلك
b_silik@hotmail.com
///////////
