لكل من واساني في رحيل والدتي الحاجة نعمة بنت أمحمد ود الفكي
عليها رحمة الله ورضوانه
وما تشوفوا شينة .. بمشيئة الله
الجابو ليك حسد بالون إشاعة
من خباز عذول ينفث بشاعة
بياع قوالة كل يوم وساعة
بكرة جايا بلا ألم بدون وشاية
***
البينا حب وولف ساكن الحنايا
البينا شوق كل يوم يزداد معايا
البينا بسمة قمر خدودو ضوايا
همسة مشاعر تضوع تزيل أسايا
وبكرة جايا بلا ألم بدون وشاية
***
لهفي على حنين يزور يصبح
أهيم معاهو أطير بحبك أسحسح
الريد يتاتي بينا يرجع تاني يسبح
أحضن عويناتك والود حمامو يصدح
وبكرة جايا بلا ألم بدون وشاية
***
يللاك معايا الفات تشيلو شيمة
قليب يسامح نطوي أيام حزينة
الحب معانا طريق شراع وخيمة
همس الليالي يزف دعاش وغيمة
ولمسة أنامل تروي شهرزاد سنينها
وبكرة جايا بلا ألم بدون وشاية .
+++
حمد إبراهيم دفع الله
• 00966568922398
hamad55561@gmail.com
