أرسل لنا (ابو حميد) مدير توزيع النكات السودانية في أوربا وجنوب شرق آسيا نكتة سودانية فقمنا بتعديلها في ورشة ود الدابي فطلعت بالشكل الآتي:
واحد يهودي سمع انو شمال السودان بقى جبانة هايصة وأنو أي مستثمر أجنبي شاطر بقدر يكسب دهب بدون ما يصرف قرش احمر واحد … اليهودي مشى الشمالية وعمل ليهو شوية استثمارات … اها اليهودي عندو بير قام باعا لي واحد شايقي بمية مليون جنيه، الشايقي لمن جا ينشل الموية من البير ، اليهودي وقف وقال للشايقي: يا زول هوي انتا اشتريت مني البير لاكين ما اشتريت مني الموية الجوه البير ولو عاوز الموية الجوه البير لازم تدفع حق الموية وهو مية مليون جنيه!!!
الشايقي قال لليهودي: صاح الموية حقتك وانا ذاتي ماني دايره في بيري وشوف يا زول يا تشيل مويتك هسع دي ويا تدفع لي مية مليون جنيه ايجار شهري لي مويتك القاعدة جوه البير اللتي دي!!
قال ليك اليهودي اسلم فوراً وطلب الامان من الشايقي وهسع شغال صفاق مع فنان الطمبور محمد النصري!!!
فيصل الدابي/المحامي
<menfaszo1@gmail.com>;
