الزول قدامو برلمان … بقلم: بابكر سلك

 

بسم الله الرحمن الرحيم

في السلك

 

 

 

•       تاني كاربوني اكد علي اهمية سعيد السعودي

•       قلنا ليكم من زمااااااااان

•       تنظروا ساااااااااااااااي

•       كان ضيعتوهوا مننا

•       وضيعتونا

•       هوس

•       ولا كلمه

•       حبيبنا  الرشيد علي عمر

•       قال مجلس ادارة حبيب البلد داير يشتري عمود سلك من الزعيم

•       تشتريهو من الزعيم هنا ولا في فداسي يا روشا

•       مجلس حبيب البلد ده وكت بقدر يشتري مفروض يشتري دواء لمرض ام سادومبا

•       يشتري جير

•       يجير بيهو الاستاد الزي حوش الحكومه ده

•       يشتري كشافات بدل الرتاين الوديتوا بيها الجماهير مستشفي مكه

•       يشتري  فنيله داخليه مستوره بدل الكان لابسه مساوي تحت الشعار يوم كورة الحمار

•       البيضا بي تحت مارقه في الرقبه اكتر من الزرقا

•       قامت اسلام قالت لي عمو مساوي لافي فاول في رقبتو مالو  ؟

•       مجلس حبيب البلد كان يشتري دكاكين الكسبره حول المقبره يخلي ناس الازمه يقدروا يخشوا كورتكم

•       كان يشتري حزام بطن للحكم الاريتري ابو كرش

•       كان يشتري عضويه يزيح بيها الارباب عدوهو ده

•       كان يشتري لي كامبوس كسوه بدل البدله الكحليه والقميص المخطط والبنطلون الرمادي الكرهنا بيهم من يوم جا

•       ياخ ده في دورة طهور اولاد الشيخ بالامارات كان لابسهم

•       والله تاني الزول لو داير قميص مخطط يقول لي بتاع المعرض ماعندك قميص كامبوس بالاخضر

•       تحرمني منك

•       كان يشتري حافله بدل حافلات الايجار المضربات عن العمل ديل ياروشا

•       كان يشتري مكنة نجيله بدل كل يوم شاحدين دوحيه مكنة حلاقتنا

•       مجلس ادارة حبيب البلد كان وين يوم مشكلة برج الحمام اقصد برج الهلال

•       بالمناسبه

•       هو البرج وين يا روشا ؟

•       بيع ياراجل بره كلام فارغ

•       وبعد داك بتلقي عمود سلك بالاصفر في حبيب بالاحمر والبلد بالسراميك في حوض السباحه الجديد

•       بيع  ياراجل بره حركة وطنيه برها حركات شفع

•       بيع ياراجل واتخارج من الحتانه والسخانه والاستاد الزي السلخانه

•       انا داير مصلحتك

•       مصعب جاب قون سينما

•       مريخابي ظريف 

•       قال لي اسي لو قلنا لعبوا حمد الشجره يقولوا مؤتمر وطني وفريق الحكومه

•       قلت ليهو انت قول لعبوا حمد عباس ولما يدخل الميدان قول احب الشجره

•       اخي بدر الدين الفاتح الزعيم عندما احرز كأس مانديلا اقصي البزرت التونسي بالخساره صفر واحد بتونس والفوز اتنين صفر بالخرطوم

•       يعني يا بدور متعودين نقصي التوانسه

•       هدف عبدالحميد السعودي اثبت ان العجب في العتاقي

•       اقصد الدهن في العجابي

•       اقصد العجب في الدهاني

•       لخبطتنا يا عجب

•       هدف وارقو

•       ضربة جزاء

•       مادوغي وقف في المرمي مع حارس الاهلي

•       مادوغي كان قايلها بي تحت

•       وارقو انتهي من الرتينزه

•       جددوها بسرعه

•       الزول ده ما بتمسك

•       اسألوا التمانيه مدافعين الشطبتوهم

•       ويوسف هوووووت زاتو معاهم

•       بيع ياروشا اسمع الكلام

•       ماتبقي عليك قصة سيد الخرفان

•       قال ليك ياروشا زمااااااااااااان كان في زول جاب ليهو خرفان للعيد

•       سمحات خلاس

•       سماااااااااااااااان وماماسكن مرض ام سادومبا

•       قال لي نفسو  الخروف لو جاب لي ميه ببيع

•       اها

•       لما وصل العاصمه خرفانو كانو مميزات

•       اول زول اداهو ميه وخمسين في الخروف

•       صاحبك طمع وقال الا الخروف يجيب ميتين وخمسين

•       اها

•       الناس اشترت من السوق وخلوا عمك ماسك فوق

•       العيد بكره وماباع ولا خروف

•       الجماعه قالوا ليهو الحجاج بجوا بتبيع

•       والطمع زاد

•       اها

•       الحجاج لما جوا لقوا السوق اتملي خرفان ابو خمسه وتلاتين

•       وصاحبنا ضرب الجرسه

•       وقعد يغني

•       اديني رضاك قدامي سفر

•       البشتري بيهو قش للبهايم ماعندو

•       اديني رضاك قدامي سفر

•       يغني سااااااااااااااااي

•       دحين ياروشا

•       بيع سريع الزول قدامو برلمان

•       ما بفضي ليك تاني

•       اوعه تبقي عليك حكاية سيد الخرفان

•       ناس البركل يوبيلهم بكره

•       الماشي معانا منو ؟

•       يا حله تنوري

•       للصباح

•       بيع ياروشا

 

سلك كهربا

                       ننساااااااااااااك كيف بس !

والي لقاء

سلك

babikir maki [b_silik@hotmail.com]