بسم الله الرحمن الرحيم
في السلك
• المثل قال التالته تابته
• وفي ناس بقولوا التالته واقعه
• غايتو الاولي شفناها يوم اهلي الخرطوم
• التانيه شفناها ضد اتحاد مدني
• التالته يا ربي ضد منو ؟
• عاد وقعه شينه خلاص
• عادت نغمة ناقصين
• اساسيين
• ناس الاستدوديو التحليلي قالوا ابو الهل ناقص تمانيه
• استغربت
• قلت ياربي يكونوا قاصدين تمانيه شيكات ؟؟؟
• مساوي وعلاء متين بقوا تمانيه ؟
• الجماعه ديل جمعوا ارقام القمصان ونقصوا منها التعاون وصدام وسامي يا ربي ؟
• احفظوا معاي الرقم تمانيه ده
• حايتردد كتيييييييييييييييييييير
• تخيلوا
• البرنس والمعلم وساكواها اقصد سادومبا والمدينه وكاريكا والمعز والتعاون (هداف افريقيا ) وسامي ومهند وبشه وحموده والماسورة الجابها ميشو والحكم ورجل الخط البهناك
• ديل كلهم وقالوا ناقصين تمانيه
• انتوا كنتوا بتلعبوا كم اصلوا ؟ طمنطاشر ؟
• يعني بس فقدتوا رجل الخط البي جاي ومساوي وعلاء , طوالي عملتوا فيها ناقصين تمانيه
• تمانيه دي احفظوها كويييييييييييييييييس
• اها
• الجماعه خلوا غرامة الحضري
• قبلوا علي طفشة الحضري
• يطفش وين ؟؟؟
• قاااااعد
• تلاته سنين
• وسوداني كمان
• يعني ممكن يعتزل ويقعد قبلوا
• يدرب لينا حراسنا
• غايتو المنتظر الحضري يمشي اخير يشوف ليهو اغتراب
• قال ناقصين قال
• الافريقي ده لابعرف ناقصين ولا بعرف تامين
• قال ليك في الياره بغنوا
• هرمنا , تارارار هرمنا دنقش دش
• اديكم فكره
• تعالوا نسلفكم باسكال والحضري
• واوا ده صعب شدييييييييييد
• براقب ليكم سامي والتعاون كويس
• غايتو اول يوم اشوف باسكال كنت قايلوا لب
• ولب يا لب
• لب عرف حكاية الشيكات والنيابات دي من بدري
• جا محل الترطيبه
• والطيبه
• المهم
• شيلوا باسكال
• كان ناس الافريقي سألوكم
• قولوا ليهم ده لب مشي مننا ورجع لينا
• الحضري طبعا ماداير تعريف
• يستركم من طلعت المعز بره الخط ومكابسة الكوره بايدينو
• الحكم الموريشصي ده ما بلعب
• قايلنوا ابو شنب
• ده بطرد طوالي
• وتبقي الحكاية تمانيه
• تمانيه دي مالها الليله حاقصه كدي ؟
• قلت لي ناقصين تمانيه !
• قال لي مرقنا بي كرامة البليله
• قلت ليهو قول مرقنا بي بليلة الكرامه
• ايها الناس
• الحصل شنو في موضوع الطقيع بالحجاره من بره الاستاد لي جوه الاستاد ؟
• يعني اي كوره نشيل فكه ونجدع للجماعه
• نشتري راحة بالنا ؟
• شمارات جات من مدني
• قالوا في قوارير اتطايرت
• افيدونا بالتفاصيل
• تفاصيل القوارير
• غايتو من تشوف قاروره طايره تعرف الجماعه لاعبين
• الافريقي بلبس مخطط
• خط ابيض
• وخط احمر
• الغريبه الخطوط البيوض تمانيه
• والخطوط الحمر تمانيه
• دي شنو دي تمانية الشقي دي !!!
• يا عواااااااااااااض
• سامعني !!!!!!
• الحضري قال من جيت السودان مافي زول شات لي الا ناس ساكواها في التمارين
• خجلتونا يا ناس الممتاز
• اسي الحضري ده يقيف يعاين كده الدوري كلو ؟
• لابشه ولا قشه زول داير يشوت مافي !!!!!
• انا غايتو الكوره الجايه بجيب للحضري تربيزه وكرسي
• الوقفه دي حاتطول
• ياناس
• لو اداري جدع اداري ( محترم ) بقاروره
• زي ده تقولوا عليهو شنو ؟
سلك كهربا
مابننساااااااااااااااااااااااااااااك
والي لقاء
سلك
babikir maki [b_silik@hotmail.com]
