Contents
- * الزعيم في حاجة شديدة لمباريات إعدادية قوية قبل السفر الى ليبيا لأن الزعيم مؤخراً لعب ضد الأهلي مدني والأمل عطبرة ومباراتين ضد لخويا وكلها فرق ضعيفة لم تفد الزعيم في إعداده لمنازلة الفريق الليبي.
- * قالوا ناس لخويا جايبين قودوين.
- * قلت الحمد لله جايبنو لينا قريب بدل نجيبوا من برة وطيارة وتكاليف
- * قالوا الجماعة طلبوا من أبو برمودة التعاقد معهم!
- * ابو برمودة قال ليهم ادرب ليكم الفريق ولا الجهاز الفني؟
- * قالوا ليه تدرب الفريق طبعاً
- * ابو برمودة قال ليهم قايلني سباك؟
- * قالوا ليه كيف يعني؟
- * قال ليهم مواسيركم دي دايرة ليها سباك كبير ومفتاح إنجليزي وجلبة وتي وكوع وبلف رضاخ.
- * عيون جمهور لخويه كانت تقول.
- * دي موش كورة
- * دي ماسورة
- * قلت ليهم ودي سانتوس ودي سوزا ودي مشكلة ودي ورطة ودي دي تي
- * أقل حاجة الجقور دي تنقص حبة.
- * التبرعات لصيانة الاستاد بعد المستوى الشفناه ده طرشقت
- * أديكم فكرة..
- * أصلكم بمستواكم ده طايرين ونحنا عندنا ضيوف وبالذات أيام دوري المجموعات.
- * أجروا لينا الاستاد بتاعكم نديكم ستة شهور مقدم تحلحلوا بيها ديونكم
- * ونصين الاستاد على حسابنا وما بنخصم من الأجرة
- * ولما نطلع ليكم منو يكون رجع ليكم الاستاد جميل واحتمال فيه طابق جديد وكشافات عين شمس.
- * ما نسينا كشة الكشكة وراجعين ليها..
- * بناء على طلب الصفوة نعيد أغنية اسلام بتاعة جدها خضر بشير
- * لاسانا كلتشي الريد نسانا….
- * نسانا لي شنو
- * آه آه ااااااااااااه
- * ماسورتي السجلتو ولسه ما اختبرتو
- * طلع ماسورة ساكت ووارقو فات بتحتو
- * بتحتو لي شنو؟
- * آه آه اااااه
- * لونك أسمراني وجمالك سباني
- * مولود في مالي والجنس سوداني.
- * لاسانا وينو
- * النجمة البريدا والنجمة الفريدة
- * إن شاء الله ياربي دايماً
- * نحيا نشوف جديدة
- * جوية يارب
- * لاسانا وكلتشي الريد نسانا
- * نسانا لي شنو
- * لا طابق لا كورة
- * لا كشافة ومقصورة
- * قالوا نجدد تيمنا
- * قاموا جابوا ماسورة
- * ماسورة لي شنو
- * بكرة إن شاء الله بنكتب اللحن بالنوتة الموسيقية!
- * الأخ الرشيد علي عمر تحدث عن المنشطات
- * الله أكبر عليك يا روشا…. ماتسحر الأولاد
- * والله يا روشا تتفرجوا بعيونكم في فريقنا نفسكم يقوم.
- * تعاينوا لي كشافاتنا دموعكم تنزل.
- * تصنقعوا تشوفوا الطابق التاني رقابكم (تتفهق)
- * افتتاح بقالة تقابلونا تتغلبوا
- * انتو ووووين سولي شريف؟
- * يا الرشيد ما تنسى حا تنسحبوا متين ؟
- * اسلام عندها صاحبتها بتشجع لخويا
- * قالت لي اسلام تعالي نلعب
- * اسلام قالت ليها نلعب سانا بانا برتكانة
- * البت قعدت تبكي قالت لي اسلام أسي الدخل لاسانا شنو ؟
- * واحد من ناس لخويا بعد الكورة عربيتو قطعت سلك كلتش
- * وقف متكول في العربية وماعارف يعمل شنو
- * أي زول يقول خير يا ابن العم
- * الراجل خجلان من قولة سلك وكلتش
- * يقول للناس لا.. لا… مافي عوجة
- * وفي سره يقول أسي لو العطل كرنك الزول كان قالوا بارتياح
- * كل التوفيق لصقور الجديان دائماً وأبداً.. نصر يعزز الانتصار على قوى التسلط العالمي.
- * غداً سنتحدث عن سد مروي وسد النفس وسد الحنك
- * أوكامبو الماسورة.
- سلك كهربا
- يا شعباً تسامى يا هذا الهمام
