الادمان خطر على الانسان…
صحيح بتعيش يامدمن لحظات بتنسى الاحزان…
لكن في يوم من الايام بتصبح بقايا انسان..
غير حياتك لو كنت زهجان..
ظروف الحياة ماسبب للادمان..
بتسرق وبتغتصب وبتشاكل كان سكران…
اصحابك كان مدمنين ماتركب الطوفان..
خليك واعي وعاين لي قدام.. ماتتبع الطيشان
مآسي كتيرة من الادمان..
شباب تركو العلم وقاعدين جمب الدكان..
خت حياتك يامدمن في الميزان..
بتلقى انك خسران..
البتابع الفارقة بيلقى نفسوا في توهان.
الادمان خطر على المجتمع والانسان..
عشان كدا محرم في السنة القرآن..
الادمان بخليك تعجز قبل الآوان…
صلى بعد تسمع الآذان
اذكر الله عشان تقوي الايمان
الادمان من وساوس الشيطان
ونقول للدولة ..حاربي الادمان…
خاصة المهربين المابخافو من غضبة الرحمن..
والمتعاطي يوفر له علاج بالمجان
عشان يتعالج ويصبح زول يفيد ناس بيتو والسودان..
m_mohd987@hotmail.com
