بسم الله الرحمن الرحيم
في السلك
• وعد الحر دين عليه
• كلمتكم
• قلت لييكم
• العمود القادم بعنوان البعاااااتي
• قالوا انتهي
• سكتنا وضحكنا تحت تحت
• قالوا شتت
• ضحكنا وسكتنا
• قالوا مات
• ضحكنا وسكتنا
• البعاتي
• جاكم
• قلنا ليكم الابداع لايموت
• والله بديع السماوات والارض
• صاحب الجود والعطاء
• اعطي فيصل من سر الفنون المبدعه
• و جعله لنا زي السبحه
• يبدع
• نتفرج
• ونسبح
• سبحان الله , ماشاء الله , يادائم
• الحمد لله , الحمد لله , الحمد لله
• وطالما العجب موجود يبقي الابداع موجود
• الجماعه القالوا مات
• قولوا ليهم البعاتي جااااااااااااااااكم
• الحضري
• الزول ده مصر يلعب باص قون
• دي شكوي جاهزه
• عقدوا معانا حارس مرمي
• قام صنع قون ساكواهور
• لما لقي مافي زول سألو
• صنع قون هنو
• تتذكروا لما قلت ليكم ماتابوا هنو ؟
• ايام التسجيلات
• الناس بي هنو بهنو
• الحضري حارس بطولات
• والدليل تألقه امس
• وطالما عندنا حارس بطولات
• يبقي مرحبا بالبطولات
• لكن العجب بالغ
• مرجيحه مامرجيحه
• زحلقانيه مازحلقانيه
• انا الابره وانت الدبوس
• ما انا الابره وانت الدبوس
• غمدت لبدت
• ماغمدت لبدت
• ام الحفر
• ما ام الحفر
• صفرجت
• ماصفرجت
• كل مايخطر ببالك من العاب الاطفال تجده عند العجب
• الزول ده حديقه
• حديقه شنو
• منتزه عائلي عديل كده
• محمد عبدالماجد
• شفت الحضري الفقري
• عرفتوا ياناس ليه قسم خالد وخالد ومحمد عبدالماجد مادايرين لينا الحضري ده !!!!
• الحضري سمح
• والجماعه مابدوروا لينا السمح
• عملتك عجيبه ياعجب
• بعد الانجولاب فرحوا وقالوا في انجولا يدونا اتنين ونطير
• تجي تغير ليهم الفكره
• واحد قال لي فيصل عجب ماشي بناس انجولا زي الماشي بخارطة الطريق
• زول ساي يقول ليهو اربط الحزام مافي
• ايها الناس
• المريخ لعب كوره زي الكوره
• يمين ميسي لو شافها يتفرج فاتح خشمو
• قلت ليكم
• البدري يحتاج فقط لوقفتنا الي جانبه
• يابدري
• ياباشا
• يا بيه
• اعمل اللي تنوي عليه
• ايسكوتي ايسكوتي
• ميش البدري بدأ يفكر في الرجاء البيضاوي
• ومين الرجاء ده يابت ؟
• ده الفريق الهايقابل المريخ بعد انجولا يامه الحاجه
• بعد انجولا مين ياعبيطه, مين البعد الرجاء ؟
• المجموعات يامه الحاجه
• روحي الهي ينصر البدري والحضري والوالي وسفاري مطرح مايروحوا يا بت
• البت تزغرد / يلالالالالالالالالالالالالالالالالالالالالالالالالالليييييييييييي
• ساكواهور
• مرر تمريرة الحضري للود هنو
• البعاتي
• لكن ياعجب الزول المريت منو تاني زول في الطابور ده قرب يقع علي قدوموا
• معليش ياعجب
• في مباراة الرد يقع علي قدوموا انشاء الله
• انجولاب كتار وقعوا علي قداديمهم لما العجب كان بحاور
• اول مره اشوف لي زول بحاور في الميدان
• وناس بتفرجوا في التلفزيون يتوقعوا مع مدافين العدو
• العجب بحاور جوه وبره
• تاني لما الكوره تجي للعجب
• غمدوا
• بحاوركم
• تقول لي مازدا يختار التشكيل المناسب !!!!!
• مناسب بالما ؟
• مبروك لجمهور الشفوت الشفت
• ماقصرتوا
• والكوره الجايه حتي المساطب الشعبيه بي حقنا
• من حقنا
سلك كهربا
ده يوم ننساك فيهو ؟
والي لقاء
سلك
