التمهيدي هين كعب السنتر ليق .. بقلم: بابكر سلك

بسم الله الرحمن الرحيم

في السلك

*امس اول مباراه تجريبيه لنا

*اول كورة في الموسم

*بكري المدينه يحرز اول اهداف المريخ للموسم 2015

*اجروا الفيفا يا عمده

*قولوا ليهم الهارينا بتاع شكوي المدينه بغيظ فينا

*كمان جاب اول اهداف الموسم

*وقولوا ليهم لو لوائحكم ما بترجعوا لينا

*مجلس الامن شوفوهوا لينا

*او رسلوا لينا ريا وسكينه

*المهم تاني مايلعب المدينه

*كبسور يخسر الشكوي رقم 0900000

*يا فطومه

*الكاف قال ليكم شنو في شكوي التمهيدي ؟؟؟؟

*ماتقولي لي رفضها

*استأنفوا

*امشوا الفيفا

*خلوها تمسككم عندها هناك

*اصلها كايساكم من زمان

*لكن السمعناهو قالوا ليكم انتوا مامع السبعه الكبار

*وانتوا عارفين كده

*عشان كده كلامكم كلو التمنيه الكبار

*اصلكم ماقلتوا السبعه الكبار

*والتمنيه الكبار زاتها مكنه ساي

*اسي الكاف لو اعفي السبعطاشر الكبار

*بتلقوا روحكم بره

*وتتكلموا لينا عن الطمنطاشر الكبار

*كبير بالصفر يا جماعه ؟؟؟

*التمهيدي ما مشكله

*وماغريب عليكم

*لعبتوهوا كأكتر نادي في البلد دي لعب تمهيدي

*قلت لي يا مزمز لعبوا تمهيدي خمسه مرات ؟؟؟؟

*في مرتين تانيات ما عديتم يا مزمز

*واحده فيهن بتاعت  كاس الاتحاد الافريقي

*كاس لعبوهوا سنه واحده

*الهلال شارك فيهو تمهيدي وطار من التمهيدي

*والكاس اتلغي

*تاني عاد تجيبوا كاس متين

*روشا

*اديكم فكرة

*بعد رفض الكاف لشكوي الاحتجاج علي التمهيدي

*قبل ما تمشوا الفيفا

*العبوا التمهيدي

*عشان تمشوا الفيفا طايرين ومتفرغين للشكوي

*في الوكت داك

*بكري المدينه بكون جاب الهدف البأهل المريخ لدور الاتنين وتلتين

*ضموهوا في الشكوي

*غايتو يا عمده حيرتني

*الكاف لو كان قبل احتجاج الهلال علي اللعب بالتمهيدي

*واعفاهو

*الهلال برضو كان استأنف للفيفا

*كبسور ده ذكرني قصة المحامي الجنوا يستأنف

*قالوا كان في محامي جنوا يستأنف

*يوم فتح بلاغ فقدان

*استانفوا

*وعشان اخواننا المحامين ما يزعلوا

*قالوا في قاضي قدموا ليهو طلب اطلاع علي المحضر

*شطبوا

*ايها الناس

*الهلال السنه دي لعيبتو معظمهم جدد

*وجنسياتهم مختلفه

*ولهجاتهم ولغاتهم مختلفه

*وي والتاني سوداني

*المدرب بلجيكي ومساعدينو واحد جزائري وواحد سوداني

*ديل ما يتفاهموا لو جابوا قوقل رئيس نادي

*وعلي بال ما يتفاهموا يكون ابو الهل في السنتر ليق

*التمهيدي هين كعب السنتر ليق

*وكان لعبتوا سنتر ليق

*الا يجي مولانا احمد هارون والي حتي تصعدوا تاني

*الراجل باقي بدعم فرق ولايتو البتلعب سنتر ليق كويس

*ايها الناس

*هيثم جانا سنه قابل روبن

*ولو قعد السنه ديك في الهلال كان قابل ربو

*وبكري وعزو جونا ليهم شهر

*حايقابلوا شالكه وباريس سان جيرمان

*وحقو نزار لو داير يقابل الريال وبرشلونه

*شهر سته يجينا بدري

*وكان داير  يلبس البدله القصيره ويعسكر في الفجيره ويرجي احلام الاميرة

*اليقعد في الدميره

*هكذا قال الشفت المقيم في السعوديه صاحب الرقم 549040762

*الشفت صلاح  حمد عقب علي حديثي بتاع الناس سته انواع في المريخ

*واضاف لهم اهم شريحه

*الشريحه السابعه

*وهي مهمه زي العصب السابع يا ابو صلاح

*يقول صلاح ان المجموعه السابعه الهامه هي الاستثمار

*لان الاستثمار يمكن اي مريخي له مؤهل ادارة في ادارة النادي

*وكلامك صاح يا صلاح

*اها

*يلا يا كابو وميزو

*تعالوا نغني

*بابا وماما بحبوني ***** وانا حبيتهم بي عيوني

*حصاني كبير وبجري سريع *****وانا من فوقو ببقي امييييييييييييييير

*يامزمل روشا ومحمد عبدالماجد وفطومه

*مفروض يغنوا معانا

*لانو نشيد غنوهوا سبعه مرات قبل كده

*اكيد حافظنو كويس

*واتمهدي

*ايها الناس

*ان تنصروا الله ينصركم

*اها

*نجي لي شمارات والي الخرتوم

*كان شفت يا والينا

*اجتمعنا ونقنقنا ونقينا

*وصلنا لي انكم عندكم حق علينا

*والمابشكر الناس ما بشكر الله يا والينا

*نشكركم لعمايلكم فينا ولينا والظاهره  لدينا

*لتطوير سودانيرنا الجويه

*لتطوير خطوطنا البحريه

*لتطوير سككنا الحديديه

*لخدماتكم في مجال الصحه البيئيه

*لتطويركم للتعليم الذي ينعم بالعلميه والمنهجيه والمجانيه

*وقبل كل ذلك نشكركم علي تطوير وتكبير وتخضير وتخدير مشروع الجزيره او هكذا كان اسمه المعروف لدينا

*ونسأل الله ان يجازيكم  اضعاف مضاعفه عما قدمتموهوا في المجالات المذكوره اعلاه لينا

*والينا

*عطبره للحديد والنار كانت مدينه

*وازمة الغاز فيها تطحن في اهلينا

*والباعوض بتخمه بالكوريك ويتخت في قفاف شاغره فضيت علينا

*نشكركم لتحويل عطبره لمدينه

*للباعوض وعدم النار وقلة جاز الرتينه

*وبكرة الدور علي التوربينه

سلك كهربا

ننساك كيف ودرسونا وقالوا لينا من مظاهر  الدوله انها  بتمتلك  خطوط جويه  وبحريه  وحديديه وعلاجها  مجاني  وطلابها  يمرحوا في المجانيه …ياربي درسونا غلط ولافي غلط  في الحته  ديه ؟؟؟؟؟

والي لقاء

سلك

b_silik@hotmail.com