بسم الله الرحمن الرحيم
في السلك
*الاهله ناس تناقضات من بدري
*هيثم سيدا البين يوم وليله بقي هيثم سيبا
*كان عندهم زول خرافي
*لاعب خرافي
*حتي بعد اختلاف البرير معه
*كان خرافي
*بل فتحوا له صفحات الصحف ليقول ما قاله في البرير
*بل طلعوا الكشافات واعتصموا
*اعتصموا
*سامعين اعتصموا دي
*اعتصموا بحبل النادي
*وفيهم ناس اتدردقوا في شارع البلديه
*وبعد وقع هيثم في المريخ
*اصبح بقدرة قادر خلافي
*بعد كان خرافي بقي خلافي
*علي كل
*خلافي خرافي عوافي
*راجيكم في الخلا
*هييييييييييييييع
*بكري المدينه
*العقرب
*البطل الفحل الشفت
*بعد ان من الله علي بنعمة المريخ
*بقي الخائن والهارب
*صدقوني
*هايهرب من دفاعاتكم يوم الاستقلال مرتين
*وجيب من جوه
*ومن تناقضات الاهله
*هتفوا صحافه علي جماهير
*ايام بطولة الشان
*الشعب يريد اخراج الشغيل
*وقالوا ماعندو حاجه
*بعفص ساااااي
*اسي عندهم بقي الشعب يريد الابقاء علي الشغيل
*وليهم حق
*مدام الشغيل عندنا عفاص ساي
*ومستواهو عندهم اهله لصانع لعب
*الطشاش في بلد العمي شوف
*اسي
*فيصل موسي الاحتياطي بتاعنا ده
*عندهم طايرين بيهو اسماء
*فرق في المستوي والطموح
*لكن صدقوني
*السنه دي مواسيركم تجنن
*من المجلس مرورا بالجهاز الفني وصولا لي ناس اوتاكو
*مواسير قلفنايز ما بتصدي
*اتمسوري
*ده كلو هين
*ماشين شندي ولا ما ماشين ؟؟؟؟
*ناس شندي ديل البكتلوهوا بدفنوهوا قبلو
*اسي اسماعيل باشا مدفون وين ؟؟؟؟
*الدعيع وعماري وكليتشي وسيدا المربعن في الخلا وحموده وفارس وسعيد السعودي ونادر
*الموت جاك يا تارك الصلاة
*ومن تناقضات روشا ما كتبه بالامس
*قال
*امام الوصل حايصححوا الاوضاع
*لانو سنة الفين وعشرة الوصل قدم الدعوه للمريخ
*والمريخ ما مشي
*شراهم
*ولانو الهلال هو نادي الاخلاق
*دايرين يعيدوا معيار الاخلاق عندنا كسودانيين
*ياروشا
*ما تنسوا عيدوا معاكم معيار الاخلاق بتاع زوغتكم من وفاق سطيف في البطولة العربيه
*الجماعه راجنكم لي مباراة معلنه
*فيها احترام الالتزام بمنافسه اقليميه محترمه تتبع للاتحاد العربي
*دي ما تنسوها
*ولازم تعيدوا معيار الاخلاق في تزوير الرقم اتنين بي اطناشر
*القصه دي اخلاقيا ما كشفه
*ولازم تعيدوا معيار الاخلاق
*وتنشروا قرار براءة رئيسكم الفات من دم ابن الحيمودي
*ولازم عثمان حسن مكي يعمل حلقه يورينا فيها
*تأثير تغيير اتنين لي اطناشر علي سمعة السودان رياضيا
*ويورينا ياتو نادي الاتقبض بالثابته في بطوله رسميه لاعبو منشط
*متناول منشطات
*وهل ده بيثبت انو شرائح اللاعبين بتاعين النادي ده كلها منشطه ولا لأ
*موضوع شيق يا عثمان حسن مكي
*علي الله دايرين حلقه في هذا الخصوص
*وفعلا ياروشا عندما يفقد ناد ما قيمة الاخلاق فانه يصبح عباره عن اهل دافوري ساي
*وما يثبت دافوريتهم يا روشا فشلهم في تخطي محطة الدافوري بالانجاز الخارجي
*محطة الدافوري بتاعتكم دي ياروشا اقدم من محطة اللستك في السامبراب
*وقال روشا السمع غوارديولا قال داير كورة مع المريخ منو ؟؟؟
*طيب يا روشا الشاف مندوب الوصل قدم قروش لي كردنه وكردنه رفضها منو ؟؟؟
*كردنه يدوهوا قروش يرجعها ؟؟؟؟
*ايييييييييييييوه
*كردنه قالل ليك لما يجي يدي اولادو المصاريف
*ببوس المصاريف حتي يسلمها ليهم
*رجل يحترم الماده جدا
*يبقي جيب لينا تسجيل فيديو للزول بدفع في القروش لي كردنه
*وكردنه برفض
*والمندوب بخصم فيهو
*ثم ثانيا
*اذا الحكاية دي حصلت
*يبقي كردنه ضيع حقوق الهلال
*علي الاقل كان يسدد منها لي عصمت واحد في الميه من قيمة الشعار
*روشا
*الاخلاق مبادئ
*والمبادئ شعار
*اخلاق شنو يا روشا لي زول ماعندو شعار
*وما غريه غوارديولا يطلب مباراة مع المريخ
*بعرف المريخ والمريخ بعرفو
*لكن غوارديولا ما ظنيتو سمع بي بيت المال او ميدان عقرب او هلال عصمت يا روشا
*بعرفو من وين عاد ؟؟؟
*وقال انو الهلال اتصل بالمحامي لي موضوع بكري فيما يتعلق بالاستئناف
*ياروشا
*استئناف قبل القرار ؟؟؟
*دي قناعه بي فشل القضيه ولا شنو !!!!
*ايها الناس
*سورة الفاتحه في الصلاه
*لاقتكم ركعه مافيها سورة الفاتحه في الصلاه ؟؟؟
*شكوي بكري المدينه بقت زي سورة الفاتحه في الصلاه
*في اي وقعه لازم يقروها
*وحاتقروها كتير ياروشا
*ولا استغرب مانشيت كبير في صحيفة روشا صبحية هزيمتهم في شندي تلاته صفر
*يقول المانشيت
*الهلال يتعثر في شندي والكاردينال يبشر الجماهير بقرب صدور قرار الاستئناف في موضوع بكري
*المهم
*روشا قال لاعبين المريخ كانوا كل تلاته شهور بغيروا عرباتهم
*ماشي ياروشا
*لعيبتكم متين بغيرو يا روشا ؟؟؟؟
*اخير ناسنا كانوا بغيروا عرباتهم
*ناسكم ديل بدله فرحوا بيها
*بدله من عبدالله بتاع البدل بالاقساط
*المرحوم كان قدرك
*فرحتهم
*فرق يا روشا بين زول بغير عربيتو كل تلاته شهور
*وزول لما يغير البنطلون بفرح
*وكتبت فطومه اختي مستبقه الاحداث بان الاستئناف لن يخرج بجديد
*موش قلت ليكم الجماعه ديل مقنعين بانو كبسور ماعندو قضيه !!!!
*ناس ياروشا بأجروا ليكم ملعب
*تقول ابيتوا تشيلوا منهم حق الكورة ؟؟؟
*المهم
*اكتب بعد ناية الشوط الاول لمباراة اشبال اوزبكستان والهلال
*النتيجه واحد صفر لاشبال اوزبكستان
*لكن قالوا شوهد وفد من نادي الاخلاق بين الشوطين ماشي علي كنبة الاحتياطي بتاع اشبال *****
*الموضوع حايكون فيهو اخلاق خلي بالك
*ودية برضو بي اخلاق
*حيرتنا اخلاقكم البتتمسكوا بيها في الوديات برضو دي يا روشا
*الا قوللي ياروشا
*الدولار بجيب كم في اوزبكستان ؟؟؟؟
*عندنا زول اوزبكي دايرين نحاسبو
*ايها الناس
*ان تنصروا الله ينصركم
*اها
*نجي لي شمارات والي الخرتوم
*انت يا والينا
*صحي احتمال تاني ما تجينا ؟؟؟؟؟
*كلمونا وقالوا لينا
*والينا
*قالوا الانسولين طلع صالح وماطالح ونافع لينا وما بودينا
*عقبال البنسلين يا تمرجي وشغل الحكيم يا والينا
سلك كهربا
ننساك كيف والموت بالخطأ الطبي اكتر من الموت في حوادث المرور
والي لقاء
سلك
b_silik@hotmail.com
