العيب في البلي .. بقلم: بابكر سلك

 

بسم الله الرحمن الرحيم

 

في السلك

 

 

 

•       قالوا الارباب قاعد في مصر عشان يحضر قرعة الكونفدراليه

•       ياربي ناس الاتحاد الافريقي حا يعملوا قرعه بي لجنه هجين برضو !

•       زماااان في حلتنا كان معانا واحد اسمو ابو الكا

•       ابو الكا ده  زول بتاع ضحك وونسه

•       ماخد الحياه بمنتهي البساطه

•       عندو عربيه انجيليا

•       هكره

•       السلوك مدلدله تحت الطبلون  تقول العربيه فيها اميه كهربا

•       لما يجي يدور يربط اتنين اتنين مع بعض

•       ويربط كل مجموعه في سلك واحد

•       لمبة الزيت تولع

•       بعد دقيقتين لمبة المقنيته تولع

•       للامانه لمبات بتولع قويه زي لمبات الحمامات

•       اها

•       يقوم يجيب السلك الفضل ويهبش بيهو كوم السلوك المربطه

•       جك جك جك جك جيكجيك جيكجيك جكجكجكجكجكك فوووووون

•       تدور

•       لمبة الزيت تبقبق ما بتطفي

•       لمبة المقنيته تطفي مع الابنص وتولع مع التقسيمه

•       اها

•       يتحرك

•       العربيه ترقص كلها

•       وهي ماشه تسمع

•       جك جك جك ( بكسر الجيم )

•       حكه شديده في اللستك الشمال

•       مشي المكنيكي قال ليهو الحكه دي من الهوب كعب تغيرو

•       غيروا الهوب والحكه قاااااعده

•       الصناعي قال تكون من المساعد مفتول

•       غيروهوا

•       وبرضو الحكه قااااعده

•       قالوا احتمال اللستك يكون قاطع سلك

•       غيروهوا

•       والحكه قاااااعده

•       قالوا يمكن عيب في الضراعات

•       غيروها وودوها الميزان والحكه قااااعده

•       قالوا يمكن تكون في قماشات الفرمله

•       شالوها بره كلو كلو

•       والحكه قااااعده

•       المكنيكي احتار

•       ابو الكا قال ليهو يا معلم ماتديها مضاد حيوي وكريم مسح يمكن الحكه دي تخف شويه

•       وضحكوا

•       ابو الكا قال يمكن العربيه دي عندها اجزمه عامله ليها الحكه دي

•       المكنيكي قال

•       بس عرفتها

•       العيب يا ابو الكا في بلي العجل

•       وغيروا بلي العجل

•       والحكه قااااااااعده

•       ابو الكا اخيرا اقتنع

•       وساق عربيتو بي حكتها واتخارج

•       القصه دي اتذكرتها لما قريت في صحيفه انو  ابو الهل جايب طرف شمال في التكميليه

•       يا اخوانا الحكه في الطرف الشمال دي ما بترووووووووح

•       زي عربية ابو الكا

•       من زمن بتبادلو  علاء جبريل وكرنقو

•       ومره مره يولفوا مهند

•       ومره التاج

•       وود الحله

•       امولادي الضجه

•       امادو

•       التعاون  في مازيمبي

•       وهليفه

•       وفي كورة الاسماعيلي الاخيره خلوها فاضيه

•       والحكه قااااااااعده

•       يا اخوانا عربية ابو الكا دي الحكه ما بتخليها

•       سوقوها كده

•       حك جك حك جك حكحكحكحكحك

•       اها

•       واحد قال لي ماقلتوا صفوه , البياكل الجداد ني ده جبتوهوا من وين ؟

•       قلت ليهو والله العظيم جانا من الهلال

•       ولب يا لب

•       ولب

•       كامبوس قالوا عندو مرض ام سادومبا

•       مرض ام سادومبا لدرجة ماقادر يغير القميص المخطط  والبدله الكحلي وبنطلون الجينز والحزام الاسود

•       يا كوتش مرضك ده علاجو  لا في القاهره ولا في البرازيل

•       مرضك ده علاجو في فدااااااااااااسي

•       نحجز ليك يا كوتش !

•       محمد عبد الماجد قال نحن لا اكلنا ديك حي ولا طيرنا حمامه

•       الديك الني بياكلوهوا مجانا يا ابو حميد ؟

•       انتوا تاكلوا نيم وبس بهذا الفلس

•       وفعلا ما طيرتوا حمامه

•       لكن طرتوا حمامه

•       فررررررررررررررررررررر

•       من مصر ولي هنا

•       طير البقر بس

•       النفسوا في جداد يجينا

•       الصفوه لن تتخلي عن الزعيم

•       لان الولاء للكيان لا لشخص يصيب ويخفق

•       تعالوا الكوره

•       انشاء الله نشجع غاساروكا براهو

•       الصفوه بخير طالما صلاح سعيد يعيش بيننا

•       الصفوه ياسر حسن ارسل لي رساله عن صلاح سعيد

•       اكد لي ان الصفوه لن تنسي المخلصين

•       تقابل الوفاء بوفاء

•       اها

•       موضوع دحيه مديناهو يوم تاني

•       المهم

•       غيرو البلي

•       بلي الطرف الشمال

•       وبرضو جك جك جك جك

 

سلك كهربا

                  مابننسااااااااااااااااااااااااااااااااك

والي لقاء

سلك

 

babikir maki [b_silik@hotmail.com]