بسم الله الرحمن الرحيم
في السلك
• لاحولة ولا قوة الا بالله
• فقد المجتمع الرياضي السمح بالامس الخلوق الرائع ود الجنيد
• نحن لا نواسي الاخوه الاهله فيه
• لاننا اهل وجعه مثلنا مثلهم
• ولا نتقبل المواساه من اي فرد من المجتمع الرياضي
• لانهم جميعا اهل وجعه
• انه امر الله
• ولا نملك الا ان نقول مايرضي الله
• انا لله وانا اليه راجعون
• اللهم ارحمه رحمة واسعه واجعل الجنة مثواه وبارك في فراخه زغب الحواصل
• ولاحولة ولا قوة الا بالله
• بالامس كان اليوم الثاني لتفعيل العضويه بنادي المريخ
• شباب من اجل المريخ
• حضروا من كل فج عميق
• وتشرفوا بنيل عضوية اعظم نادي في الدنيا
• شباب مشاء الله يملوا العين
• ثم تفاكروا حول امور ناديهم
• وبدت ثمار مشروع شباب من اجل المريخ تطل برأسها علي ارض الواقع
• تلاقحت الافكار وتلاحقت
• مريخ موعود بالثريا علي اكتاف شباب مملوء بالحب والحيويه والتأهيل والابداع والابتكار
• انهم شباب من اجل المريخ وكفي
• بمناسبة وكفي دي
• اما كفاك انقطاع يا استاذي اسماعيل حسن ؟
• المهم
• الخميس القادم هو اليوم الثالث للعضويه
• نتوقع فيه نجاح كبير كما حدث بالامس وقبله
• عضويه ملياريه
• هو نحنا شويه
• عضويه شبابيه
• لا مستجلبه ولا محشوده ولا مشحوده
• ودار النقاش بين الشباب
• ميرغني كرار قال عباره رائعه ووصيه للشباب
• ابقوا مريخاب ما تبقوا جماهير
• وقصد بذلك ان ينل كل مريخي عضويته ليمتلك حقه في اي شئ ويمتلك قراره
• بخلاف العضويه تبقي جمهور ساي
• تدخل الكوره وترجع بيتكم ودي تكون كل علاقتك بالمريخ
• عشان كده ابقوا مريخاب ماتبقوا جمهور
• والتقينا مريخاب بشوشين وحلوين
• قابلت الكثيرين
• وقابلت خليل للفضائيات
• ذلك المريخي الشفت الغيور المحب لمريخه حتي الثماله
• خليل ده دمو خفيف جدا
• شانه شأن اي مريخابي
• قال لي انت كورة الهلال دي ناس قون نقلوها بي موبايل صيني ولا شنو ؟
• ايها الناس
• الخميس القادم موعد جديد ولقاء يتجدد مع شباب من اجل المريخ حول العضويه
• تعالوا جميعا
• شباب وشياب وشابات
• نرجع لي كورة الجماعه
• شفتوا في موقع الافريقي ناس الافريقي عاملين شنو ؟
• مصورين استاد الهلال بي بره
• وكاتبين بالتونسي ده استاد ولا شنو كده ماعارف
• كلام مابتقال
• كل النابنا منو انو جاب لينا الكلام
• لذا ارجوا من اهل الخير والدوله ورجال البر ان يشوفوا طريقه للاستاد ده
• كمان بقت تجيب ليها كلام !!!!!!
• ده احراج للوطن
• مابنرضاهو ابدا
• المهم
• ناس كتبوا انو ناس الافريقي كانوا دايرين الكوره تنتهي بالشغب
• ارجعوا معاي لشريط الكوره
• الدقيقه كم وتسعين
• لما الحكم انذر حارس الافريقي
• كم كريستاله جات طايره جوار الحارس والحكم وااااقف وشااااايف ؟
• تفتكروا زول داير ينهيها للشغب موش كان استغل الكم الهائل من الكريستالات ورقد مستشفي ؟
• كفايه خداع لجماهير جدعت الكريستال بنفسها وعارفه كل شئ
• بمناسبة مستشفي دي
• الانعاش شنو كمان ؟؟؟؟
• عندي قريبي خريج طب
• قلت ليهو الزول لو دشر بودوهو الانعاش ليه ؟
• قال لي احتمال تسمم
• تسمم ؟ اللبن كان مقطع ؟ ولا اللحمه كانت بايته ؟؟؟؟
• قلت ليهو تكون مدتو انتهت ؟
• قال لي دي مادرسونا ليها
• المهم
• ود امبشي بتاع الافريقي قال خلوهم لي
• ياناس
• الليله كورتنا ضد النيل
• مافي زول بعزم زول
• كلنا اسياد البيت
• نجي من بدري نساند اولاد البدري في الطريق الدوغري
• مريخنا نحنا ديل وماحق زول
• ياناس
• لو طبيب الفريق قال بله مصاب اصابه بالغه جدا
• هل هذا مبرر لطولة اللسان التي مارسها بله مع مدربه ؟
• سؤال للجنة الكره بالمريخ التي تنتظر قرار الطبيب لتقرر في شأن بله
• ملحوظه
• قال ليك عمك احمد هرمنا كان في استقبال بعثة الافريقي
• وبارك ليهم المجموعات
• وقال ليك عمك هرمنا ده لما بارك نجاح الثوره التونسيه زين العابدين كان بضحك
• ببارك من بدري
• بعرفها طايره
سلك كهربا
ننساك كيف وقبل ماننساك فجعنا برحيل ود الجنيد
والي لقاء
سلك
babikir maki [b_silik@hotmail.com]