In the name of God, mercy.
في سلك
• الليله يوم الرجال
• الوالي فتح المدرجات الشعبيه مجانا
• وهذا لايعني ان نتجه كلنا للملح
• يجب علي من يستطيع ان يشتري تذكره ان يشتريها
• المريخ يحتاج للجمهور معنويا وماديا
• لذا
• نجي كلنا
• ونقطع تذاكرنا
• ونشجع بجنون
• بصراحه
• كل الجهات في المريخ عملت العليها
• الا الجماهير مقصره شويه
• نحنا اتفقنا
• وقلنا انه موسم الجماهير
• موسم الشفوت
• وموسم يعتمد علي الشفوت ما بخسر
• ايها الشفوت
• صفااااااااااااااااااا
• ايييييييييييييييينتباه
• تقدم للامام علي الاعداء مارش
• دايرين نضايق الانجولاب في عيشتهم
• نقنعهم من كورة الرد
• نخليهم يقيفوا يتفرجوا فينا
• مندهشين
• نملي الاستاد
• مدرج مدرج , جانبيه جانبيه, طابق طابق , كرسي احمر كرسي احمر , كرسي اصفر كرسي اصفر
• زنقه زنقه
• الي الامام الي الامام
• ايها الشفوت
• اقوان مطر باذن من يأمر السحاب وينزل المطر
• بس ماتستعجلوا
• الجماعه الانجولاب ديل زي الساكوهاب
• عندهم بدل الاتير اتنين
• بختك يا ساكواهور
• ايها الناس
• قلبي يحدثني عن طمبل
• غدا انشاء الله نقرأ صحفهم
• واحدين حايكتبوا التحكيم ظلم الضيوف
• وواحدين حايقولوا القون التالت تسلل واضح
• وواحدين حايكتبوا ده حمام ميت
• وواحدين حايقولوا الفريق الانجولي ناقص سبعه
• وواحدين حايقولوا الانجولي يشتكي في الحضري
• وحايعملوا لقاء وهمي مع زول ساي
• يقولوا لينا اللقاء ده مع سيد فريق انتر كلوب الانجولي
• يصوروا لينا زول ساي
• زي الزول الصوروهوا في القاهره
• وقالوا ده ابو اهل وارقو
• وقالوا قال وارقو يستحيل يلعب في المريخ
• غدا سنقرأ مشاتل ما صحف
• وفي ناس طبعا حايكتبوا سوداني مقيم في انجولا اربعين سنه (مع العلم ان انجولا عمرها ما تم اربعين )
• ويقولوا السوداني ده قال ليهم الفريق المقابل المريخ ده فريق ساي . وفي انجولا مافي زول بعرفو
• ويقولوا قال ليهم الفريق المقابل الهلال ده هو الفريق القومي بتاعهم ومطعمنو بي سبعه من دوالا الكاميروني
• ويقولوا قال ليهم انجولا كلها هلالاب ومستنيين الهلال عشان يتفرجوا فيهو
• مشاتل رائعه
• جرايد بكره معرض الزهور بس
• جنس شتل
• لكن اتوقع ان يكتب محمد عبدالماجد
• الحضري الفقري لما يجي يشوت الكوره بطلع بره الخط
• اطلع منها يا ابو حميد
• شخصيا اتوقع ان اكتب عمود بحري من امو
• اسمو البعاتي
• انشاء الله
• ايها الناس
• ايها الشفوت
• ثوره ثوره ثوره حتي النصر
• انشاء الله
سلك كهربا
ننسي منو ؟؟؟؟؟؟
والي لقاء
سلك
babikir maki [b_silik@hotmail.com]