النفاثات في العقد … بقلم: بابكر سلك

 

بسم الله الرحمن الرحيم

 

في السلك

 

 

 

•       الرئيس والكابتن في نيالا

•       قالوا مشوا لمهمه خاصه لم يفصحا عنها

•       لأ 000 احسن يفصحا عنها

•       وهي محتاجه عشان يفصحا عنها

•       هي براها بتفصح عن نفسها

•       مادايره ليها درس عصر

•       راعي الضان في الخلا عارفها

•       خليهو راعي الضان

•       الضان في الخلا زاتو بفصح عنها

•       الضان خليهو

•       الخلا عارفها

•       ده ما المهم

•       المهم سفرة سواكن متين ؟

•       وهل في زول بقدر يفصح عن مجرد السفر لسواكن ؟

•       اتسكني

•       اسلام طوالي بتقول من شر النفاثات في العقد

•       قلت ليها يا بت انت قاصده شنو ؟

•       قالت لي النفاثات في العقد اصابت سيد البشر وخاتم الانبياء ما تصيب ناس الباشا ؟

•       قلت ليها ان الله سيبطله

•       وقلت ليها يمهل ولا يهمل

•       وقلت ليها سينقلب السحر علي الساحر

•       بالمناسبه

•       السحر شرك

•       سواء كان المشرك الساحر نفسه او المتعامل مع الساحر

•       الاتنين مشركين

•       والحساب ولد

•       وربنا مابخلي زول ظلم زول ولو يبقي الظالم مدير فندق

•       ولا ما كده يا ابو فاطمه يا صفوه !

•       النفطي عريس

•       سفاري عريس

•       ناس منير ديل لسه مالقوا تعيسة الحظ !

•       جكس ساي ماقبلانات !

•       الفلس بدوروا منو عاد !

•       بنات الزمن ده ما بقتنعن بي نبني طوبه طوبه

•       ولا بي ناكل كسره بمويه

•       ولا بي نسكن في قطيه

•       الواحده فيهن بتقول لو دايره اسكن في قطيه وآكل كسره بمويه مارقه من بيت ابوي ومتفكفكه في شنو !

•       الايام دي اي عريس يا مغترب يا لاعب في المريخ

•       الجماعه الا يعرسوا في دار الرياضه

•       كان الواحد اختلف مع زوجته بعد داك الا يرجعها الاستاد

•       والزوجه كان زعلت ركشه وميدان الليق

•       فلس شديييييييييييييييييييييييد

•       بعد فشل ود حلة ناس امبيلي جايبين ود حلة ناس سادومبا

•       وين العلميه والمنهجيه ياناس الحركه الوطنيه

•       لسه مافي زول داير يتكلم عن الحركه الوطنيه !

•       اسي لو شداد جاكم وقال ليكم معاكم الكاميرا الخفيه تمشوا وين ؟

•       لو قال عيدوها تاني نبقي في حركه وطنيه ونيالا لاغراض خاصه وسواكن تحت تحت !

•       ياربي الدلاله امس حصل فيها شنو ؟

•       بيييييييييييييييييييييييييييييييييييييييييييع

•       يا منقاااااااااااااااااااااااااااااااااااااااااش

•       واقبض حقك مقدم

•       كان بات ياكا اللحقت اللاعبين

•       اسلام قالت لي ابو مهند الطاهر اتعالج !

•       قلت ليها بي شنو يا بتي ؟

•       قالت لي

•       الرشيد قال هم عددهم خمسه وتلاتين مليون

•       طيب ياروشا كل واحد تلاته مليون وحلو الناس من الدلاله

•       وكل زول فيكم يدفع عشره مليون اقضوا علي مرض ام سادومبا

•       وكل واحد يجيب جالون بوماستك جيروا الخرابه دي

•       وكل واحد يجيب جنيه لتصليح العربيه

•       وكل واحد يجيب قرشين جيبوا موز

•       وكل واحد يجيب قرش ونص واشتروا مكنة حلاقه للنجيله بدل حلاقة الغنم دي

•       ياربي منقاش باع ولا لسه ؟

•       طيب لو باع

•       كورة الدوره التانيه حانلعبها في الضلمه !

•       ولا بالنهار زي شفع المدرسه !

•       قال خمسه وتلاتين مليون قال

•       انتوا خمسه وتلاتين قرش ماعندكم

•       تقول خمسه وتلاتين زول !

•       بيييييييييييييييييييييييييييييييييييييييييع

•       يا روشا

•       الاستاذ الرائع ضفاري وزعني في المجموعه التالته

•       يا ضفاري وزعني في مجموعة سواكن

•       ولا دي صعبه !

•       طبعا غير الانسان المعروف ده في انسان تاني

•       وكل انسان عندو انسانين

•       قاعدات في العينين

•       وانسان العين ده وااااااضح

•       مابكضب

•       بوضح العمر الحقيقي لاي زول

•       وانسان العين يفتح شديد لما يكون الضوء بسيط

•       ويفتح بسيط لما يكون الضو شديد

•       ومعروف انو انسان العين بعد العمر يطول بفقد خاصيته في التأقلم مع الضو

•       عشان كده بقولوا ليك بعد الاربعين الزول بحتاج لنضاره

•       عشان تزبط انسان العين

•       عشان قلنا بكون فقد السيطره علي التأقلم مع كمية الضو

•       يعني بتلقاهو فاتح سااااااااااااااااااااااي

•       ناصل

•       والبنطلون لو( نصل ) صاحبو برفعوا بيدو

•       وانسان العين زي البنطلون

•       لو نصل صاحبو برفعو

•       لكن ما باليد

•       بالتعميش وتصغير حجم العين

•       يعني محاوله لتقليل الضو

•       عودوا لحبيب البلد عدد امس وشوفوا منو المعمش

•       ياروشا

•       راجعوا الصور قبل نشرها

•       ماتجيبوا للناس الكلام ساي

•       برضو تقول لي ميلا لعب لما عمرو حصل اتنين وارعين سنه

•       زولكم ياروشا شال ميلا بره الموسوعه

•       طالما السفريات الداخليه شرقا وغربا موجوده

•       يبقي الزول قااااااااااااااااااااعد يا الرشيد

•       بيع يا حبيب

•       قلنا بيع ياروشا ما بيع يا منقاش

 

سلك كهربا

                    لو سجلنا ميسي مابننساك

والي لقاء

سلك

babikir maki [b_silik@hotmail.com]