الولايات المتحده السودانيه .. بقلم: بابكر سلك

بسم الله الرحمن الرحيم

في السلك

•    اعجبتني لافتات زينت شارع النيل
•    مكتوب عليها عبارات كثيره
•    اروعها
•    الولايات المتحده السودانيه
•    انها دعوه صريحه وذكيه للوحده
•    ورغبة بالتأكيد لغالبية الناس
•    برغم نشاذ الاصوات المواليه للانفصال
•    كان هنا
•    وكان هناك
•    وبما ان البلد علي اعتاب الاستفتاء الذي يحدد المصير
•    ودعما لخيار الوحده
•    نعود للمقترح الماضي
•    مباراة الختام تلعب في جوبا
•    في احتفاليه رائعه وكبيره
•    تحت مظلة سوداني
•    برغم ان قولة  جوبا دي ما بتعجب بعض الانفصاليين
•    لاسباب سياسيه
•    وما بتعجب بعض الرياضيين
•    لاسباب جامعيه
•    ناس حايقولوا في جوبا البشجعنا منو ؟
•    نلعل كيف مع ناس مشوا كمبالا بالعجلات وشجعوا المريخ
•    يوم المريخ غلب في يوغندا واحد صفر
•    جابو ايداهو
•    في الشوط التاني
•    بعكسيه من الزوما
•    وحايقولوا
•    نلعب كيف في بلد ناس الراحل قرنق اعترفوا بانهم ايام الحرب سافروا كينيا
•    ودخلوا الكوره وشجعوا المريخ
•    وحايقولوا
•    تلعب كيف في بلد يوم افتتاح اول جامعه ليها اتغلبنا
•    وحايقولوا نلعب كيف وكيف وكيف
•    لكن ايها الناس
•    ياناس الحركه الوطنيه
•    يا الناس الكل يوم في الايام دي شابكننا الوطن الوطن
•    تعالوا جوبا
•    وقدموا هزيمتكم فيها قربانا للوحده
•    موش قلتوا وطنيين ؟
•    تعالوا العبوا في جوبا لدعم الوحده بصرف النظر عن راجي حايجيب كم قون
•    فدا للوطن
•    ولا الوطنيه دي عندكم سينما سااااااي
•    ترتادوها لما تحتاجوا اليها
•    وتهجروها لما تحتاج لكم !
•    تعالوا بنغني معاكم
•    جوبا مالك عليا
•    انننننننننننننننننننننننننا
•    جوبا شلتي عينيا
•    انننننننننننننننننننننننا
•    ياناس
•    الممتاز علي اعتاب النهايات
•    تعالوا بعد ينتهي نقيمو حقيقة وبكل تجرد
•    نمسك فريق فريق
•    لاعب لاعب
•    وبعد داك اللجان
•    ناس البرمجه
•    التحكيم
•    كوره كوره
•    وحاله حاله
•    عشان نتطور
•    الدراسه دي نبداها في شهر حداشر ده
•    مافي اي التزامات تنافسيه بعد نهاية الممتاز
•    عشان كده الوكت مناسب
•    لكن
•    احزنني هبوط سيد الاتيام
•    الهابط صاعد ياناس مدني
•    تكاتفوا
•    فسقوط السيد في هذا الوقت حاااااار
•    ياربي سقوط السيد دي حا اسمع بيها وين ؟ وين ؟ وين ؟
•    ايوااااااااااااااااااااااا
•    عرفت حا اسمع بيها وين ومتين
•    لكن ما بكلمكم
•    خشمكم خفيف
•    بتكلموا زول
•    وبعدين
•    ياخبر بفلوس
•    بكره ببلاش
•    كلكم حاتسمعوا بيها
•    يوسف محمد الماسوره

سلك كهربا
                  انسي حكاية ننساك دي !
والي لقاء
سلك
babikir maki [b_silik@hotmail.com]