بسم الله الرحمن الرحيم
في السلك
• اها
• قالوا معلول بين الشوطين قال للمساكني يا ود انا موش حفظتك طريقة القون ؟
• بالفرنساوي الكلام ده
• المساكني قال ليهو حفظتني وكمان سمعتها ليك في كورة السودان
• وبرضو بالفرنساوي
• المهم
• الشوط التاني بدأ
• معلول وقف في الخط
• كورك للمساكني
• سمع يا ولد ( بالفرنساوي )
• المساكني بدأ
• حافظها صم
• وسمعها ليك
• مساوي جلاها
• انفراد
• المعز يطلع
• يلقاها عقبتو
• المعز مارق والكوره داخله
• بالله الجنا التقول عندو دروس خصوصيه
• سمعها بي ضبانتها ( بالفرنساوي )
• حافظها صم
• بالمناسبه دي
• عبدو الشيخ المريخابي عامل مسابقه
• قال البقول مساوي ساكي المساكني المساكني سكنها الشبكه (بالعربي الكلام ده )
• البقول الكلام ده بسرعه عشره مرات بدون يغلط ليهو جائزه
• اها
• امس قالوا السبب المالعب بيهو كنج كونج انو كنج كونج رفض ادخال التي شيرت داخل الشورت
• يعني لو لقيت كنج كونج (بعد خرف ) داقي سيستم
• يبقي الزول ده حايلعب
• بس الشورت لازم يكون ماركه
• يبقي دقوا السيستم بدل تدقوا الزول
• اها
• وصلتني رساله من مريخي رائع
• قمت تميتها مويه
• الرساله والمويه عملوا قصه
• القصه بتقول الآتي
• الحته الفيها استاد الجماعه مضلمه
• وباقي منطقه صناعيه
• وركشات وكوارو وحفر ومويات
• وجوار ده كلو في موقف مواصلات
• يرتاده الشيوخ والاطفال والنساء
• وحفاظا علي سلامة المواطن
• نقترح علي المحليه (وهي فاتحه علي المحل ده ومؤجره سورها كلو دكاكين )
• نقترح علي المحليه ان تعمل لافته كبيره مضيئه مكتوب عليها
• انتبه
• امامك صفر كبييييييييييير
• يايها الناس
• غدا سنتحدث انشاء الله عن المسيره الافريقيه
• المسيره الطلعت باروكه ساي
• المهم
• بالمناسبه
• قالوا وارقو كلف خمسه مليار
• طيب
• كنج كنبه ده موش كلف مليون دولار ؟
• المليون دولار دحين بالبنسمع بيهو ده ماتمت الخمسه مليار ؟؟؟؟؟
• بالله الزول ده تقول سجلوهوا درب
• السنه كلها قاعد في النقاله
• ايها الناس
• قال ليك المساكني كايس العرس
• العروس لقاها
• لكن العين بصيره
• وامس شوهد المساكني مع النفطي العريس
• ياربي صديق علي صالح مسافر النهائي ؟؟؟؟؟
• اتعطبري
• بالمناسبه
• عمك احمد هرمنا بسلم عليكم
• كلكم
• بدون فرز
• ايها الناس
• التقرير الطبي هو بينه تثق فيها المحاكم وتستند عليها في احكامها
• والتقرير الطبي قال البرير وصل المستشفي الساعه تمانيه ونص
• والتقرير الطبي ما بكضب
• لكن كمان السبعه الحلفو انو شافوا البونيه ديل يكونوا حلفوا زور ؟؟؟
• حاشاهم ,
• يبقوا ما كضابين
• طيب
• من وين التقرير الطبي ماكضاب والسبعه الحلفوا صادقين ؟
• انا بوريكم كيف
• الكوره بدت تمانيه
• الشوط الاول انتهي تسعه الا ربع
• قول من جوه الاستاد مرقت في عشره دقائق
• والزمن المحتسب تلاته دقائق
• ودقيقتين قضيتها في حيره
• تبقي الساعه تسعه
• ومن الاستاد وصلت المستشفي في نصف ساعه
• تبقي ساعة الوصول هي التاسعه والنصف
• والتاسعه والنصف بالجديد تساوي الثامنه والنصف بالقديم
• يعني بس في سوء تفاهم في الزمن بين الجديد والقديم
• عشان كده اري ان المستشفي ما كضاب والحلفوا صادقين
• والتقرير الطبي كبينه ومستند مقبول في المحاكم كما اسلفنا ويمكن للمحكمه ان تؤسس عليه حكمها
• ولكن يجوز للمحكمه بناء علي طلب احد الاطراف او من تلقاء نفسها ان تستدعي معد التقرير وتناقشه علي اليمين في التقرير الذي اعده
• بكده تبقي المشكله اتحلت
• لجنة التقصي الحلفوا قدامها السبعه الشافوا تجيب معد التقرير وتحلفوا وتقول ليهو تمانيه ونص بالجديد ولا بالقديم ؟؟؟؟؟؟
• لكن الحبشي بالغ
• ايها الناس
• اليوم الثلاثاء
• شباب من اجل المريخ يقدمون الدعوه للجميع
• لكل المريخاب علي وجه العموم
• ولكل الشباب علي وجه الخصوص
• لقاء من اجل سداد رسوم التجديد
• لقاء من اجل التفاكر والتشاور
• لقاء من اجل تمليك الجميع لما حدث سابقا
• ولما يحدث غدا
• كلنا بدون فرز
• من المغرب
• بدار النادي
• اليوم
• لكن الحبشي بالغ
سلك كهربا
ننساك كيف والحبشي فنقلها !!!!!!!
والي لقاء
سلك
babikir maki [b_silik@hotmail.com]
//////////////