بسم الله الرحمن الرحيم
في السلك
*قلنا نحضرها في النيلين
*جاتنا نيله
*تقول ناقلنها بي درداقه
*قمنا علي العمه والجلابيه والنضاره السوداء
*وعلي الاستاد عدل
*مسرحية مبالغه
*ضحكنا شديد
*مره في اخوتنا الاهله
*ومره في مستوي فريق اخوتنا الاهله
*اخوان فطومه امس انبطحوا
*ظهرت حقيقتهم
*علي الرغم من انها اتضحت يوم الامل
*الا ان ضربة الجزاء (الغريبه) غبشت صورة الامل
*فكان يوم الاهلي
*وبرضو ضربة جزاء لتقذ روشا
*ولكن جوليام الحمام شتت الاوهام
*قلت ليكم ماااااااااسوره
*المهم
*وانا داخل الجوهره
*بالنضاره السوداء بالليل
*ومغطي الصلعه بالعمه التوتل
*ادافع عن الهلال
*الاهله الشرفاء يقولوا لي ابدا
*ده ما الهلال البنعرفوا
*ده شئ تاني
*لا لاعبين ولا اداريين ولا فنيين
*اتنين صحفيين عاملين عمايل في الهلال
*وانا اضحك سرا
*واصر وشي علنا
*واحد قال لي
*عليك الله اسي ده برازيلي ؟؟؟
*والله تقول ليهو اكتب البرازيل مايعرف يكتبها
*قلت ليهو انت بتعرف اكتر من روشا ؟؟؟
*انت بتعرف اكتر من فطومه اختي ؟؟؟
*قالوا برازيلي يبقي برازيلي
*المهم
*بركة الكورة بتاعت امس بقت في رمضان
*والله لو ما السحور كان تكون لاعبه لي اسي
*الساعه اطناشر ونص بالليل
*يس نطه ليهو في كورة
*زول ينط اطناشر ونص بالليل ؟؟؟
*زول ولا حرامي يا كافي البلا
*بارك الله في السحور
*ايها الناس
*اوريكم الخطه
*المريخ يغلب الرابطه
*الاتحاد يصر علي اعادة مباراة الامل
*ويديها لي حكم من الجماعه
*يطلعها درون
*يبقي درون شندي راح
*شغل يا عمك
*المهم
*جوليام حمام وكلمناكم
*الليله كتبت في الانتباهه تحت عنوان شامي لي ريحة ارباب
*لانو عمود الانتباهه بكون قبل الكورة
*وفعلا شمينا ريحة الارباب
*لما اقول ليكم شامي لي ريحة حاجه صدقوني
*شامي لي ريحة مطار
*محمد عبدالماجد
*يا اخوي انت متأكد الزول ده برازيلي ؟؟؟؟؟
*الزول الببرع ولي ضربات الجزاء بضيع
*ده برازيلي ؟؟؟؟
*برازيلي بالبا
*ولا برازيلي بالرجاله !!!!
*ده حالتو البجري
*المابقدر يجري داك كيف يا حماده !!!!
*جدو
*اقصد جونيور
*ايها الناس
*اليوم مباراتنا بكوستي
*والهلال درن مع شندي
*والتحكيم حايخطئ شديد
*حقو نخلي بالنا
*حقو نديهم العين الحمراء من قبل الكورة
*اي شنكبه عنكبه
*الدوري ده يتموهوا براهم
*لكن صدقوني
*مع ديديه ده حكم ما بقدر
*الا يجيبوا بوليس
*الزول ده خطير خطير خطير
*الزول ده تمام ما جوليام ساي
*المهم
*اذا استمر الهلال علي هذا المنوال
*وحايستمر
*صدقوني الكوكي ده الاهله الشرفاء بزعمطوهوا
*شعروا العاجبو ده ببقي زي صلعتي دي
*انتوا قايلين انا الجاب لي الصلعه دي شنو ؟؟؟
*زماااان
*كنت بشق شعري زي الكوكي
*وكنت بدرب مواسير زي بتاعات الكوكي ديل
*يوم الجماهير الشرفاء ما اتحملوا
*قاموا زعمطوني الزعميطه الياها
*الكوكي ابو صلعه
*المهم
*الليله لازم نبسط شفوت كوستي
*لازم نغلب عشان فرحة اهلنا في شندي تكتمل
*وعشان الروليت يتأدب ويتهذب
*وكلو زول يقعد في علبو
*ايها الناس
*لازم ضربة جزاء للهلال في كلو زنقه ؟؟؟
*لازم ضربة جزاء علي الهلال مسكوت عنها في اي زنقه !!!!
*الحاصل شنو في الحته دي ؟؟؟؟
*بالمناسبه
*لدينا تسجيلات لاي ضربة جزاء احتسبت للهلال
*وتسجيلات لاي ضربة جزاء صحيحه لم تحتسب علي الهلال
*وحانستضيف ناس التحكيم
*ونعرضها عليهم
*اليوم داك عاد
*الا النور يقطع
*ايها الناس
*ان تنصروا الله ينصركم
*اها
*نجي لي شمارات والي الخرتوم
*كان شفت يا والينا
*الحكم امبارح ساهر بينا
*واحده الاربع قاعدين في الاستاد وما مشينا
*لو ما السحور يا والينا
*كان للصباح للخدمه سدينا
سلك كهربا
ننساك كيف ولو ما السحور كان لعبت للبكور
والي لقاء
سلك
