بسم الله الرحمن الرحيم
في السلك
• اخيرا
• ظهر الاستاذ محمد عبدالماجد
• افتقدنا هذا الرجل الرائع
• من يوم الجمعه نكوس فيهو
• ظهر يوم الثلاثاء
• جنازة بحر بس
• امس واحد شايل صحيفة قوون
• قلت ليهو عن اذنك
• لمحت ليك محمد عبدالماجد
• قلت ليهو جريدتك دي قديمه !!!!!
• قال لي لأ , ليه !!!!
• قلت ليهو انا شفت محمد كاتب قلت تكون قديمه
• قال لي معاهو حق
• يكتب شنو يعني ؟؟؟؟
• علي العموم مرحبا بك اخي محمد عبدالماجد
• بالمناسبه
• محمد عبدالماجد تشابه عليه الشعر (بفتح الشين )
• كان بكتب عن الحضري
• اسي كتب عن البدري
• الكوره الجايه ماتستغربوا لو كتب ود الماجد عن الدوغري
• موش في مسلسل مصري اسمو عيلة الدوغري ؟
• اكتب يا اخوي
• انشاء الله تكتب عن البطري
• بس ماتغيب
• اها
• امس قضينا سهره ممتعه في ارض الحضارات
• البدري برضو لاعب بي طريقة ميدان التحرير
• يطول الهتاف
• وتستمر التظاهرات
• وفي الآخر
• ارحل
• اي زول يرحل طوالي
• ناس كتار لما شافوا الفرص الضائعه خافوا
• قالوا الموضوع فيهو دواء
• مادوغي
• وبعد ساكواهور اطاح بضربة الجزاء
• ايقن معظم الناس ان الموضوع فيهو مادوغي فيهو مادوغي
• وهتف الجمهور الشفت
• لا اله الا الله
• رددوها
• الشيطان اتطرطش
• وفي طرطشتو ديك
• الكوره جات لي ساكواهور في الجناح اليمين
• حاور الباك والشيطان بحركه واحده وعكس الكوره بنفس الحركه
• قابلها الباشا
• في وضع طاير وخالف رجلو
• وكان اعلان رحيل الشيطان
• ودورنا
• غايتو القون التاني ده ذكرني مباريات كورة اليد
• الناس تحضر بسرعه خارج الخط
• ومن ثم التهديف
• الشات منو مابتعرف
• لكن قصة زنقه زنقه بتاعت المعز برضو مستمره
• حارس اهلي شندي برضو طلع بره الخط
• جاري لي نص الميدان
• لكن طلع اخير من عزو
• مامسكها بره الخط
• شاتها بره
• وفي الشوط التاني
• زنقه زنقه تاني حصلت
• لما اللاعب نطه في الكوره وقبضها في نص الميدان
• طار فيها عديل كده
• طيره زي دي عزو ماسواها
• المهم
• قالوا سألوا ساكواهور عن سبب اضاعة ضربة الجزاء
• قال ليهم باروضي زامولي قاسومي آخوخي
• يعني برضو مزمل ابو القاسم اخونا
• الحضري فعلا كبير
• يعرف كيف يحمس ويوجه
• ويعرف كيف يفعل الجماهير
• ويتفاعل معها
• ارقص
• ياحضري
• لكن الكرت ده ما كان في ليهو داعي
• اللاعب راقد في واطات الله دي
• الحكم ماشغال بيهو
• زملانو ماشغالين بيهو
• انت مالك ومالو ياحضري ؟
• لكن المهم
• ان الحضري يفرض علي خط طمنطاشر بتاعنا حظر جوي
• بقي منطقه حظر جوي
• تطير بي وين تاني !!!!
• باعوضه مابتجي طايره بي هناك
• هلالاب قاعدين يتونسوا
• واحد فيهم قال صلاح ادريس لو كان رئيس الهلال مساوي كان لعب
• التاني قال ليهو كلامك صاح , كان قال ليهم يا مساوي يلعب يا ماتتلعب
• الشغيل جمل الشيل افتقدناه امس
• الفندك
• لكن مصعب ماقصر
• فندك وغربل
• اهلي شندي طلع ناااااااااااااعم
• الخبير الكبير الطاهر محمد عثمان لسه ما افتي لينا حول ضربة الجزاء البشوتها لاعب
• تضرب في الماسوره
• وترجع ليهو
• ويشوتها تاني
• افتينا يا خبير
• ساكواهور كل يوم يثبت انه ايداهور علي احرف
• المهم انتهينا من هلال شندي
• اقصد اهلي شندي
• فضل لينا هلال كادوقلي والهلال الاحمر
• واحد قال لي وهلال رمضان
• قلت ليهو ده انتهي موضوعو بدري بدري
• بعد كده نبقي جادين في موضوع انجولا ده
• الشعب لايريد ضياع الاقوان
• ولا يتحمل ذلك في اليوم داك
• ابقوا عشره
• تجيبوا عشره
• بدري بدري
• تحية اللاعبون للجماهير بعد المباراه كانت رائعه
• طولنا ماشفناها
• فعلا الشفوت ديل بستحقوا التحيه
• آخر كلام
• آيه ييه ييه , اي يا يا ,آيه ييه ييه اي يايا
• يلا يامورده
سلك كهربا
ننساك كيف والمورده عندها راي
والي لقاء
سلك
babikir maki [b_silik@hotmail.com]
