بسم الله الرحمن الرحيم
في السلك
b_silik@hotmail.com
*غايتو بكري ده الا تشتكوهوا لي ربنا بعد ده
*اي شكوي طرشقت
*وتأهلنا بهدف بكري
*هدف بي عشره
*شاتها في انجولا
*دخلت هنا في السودان اول
*حتي مرقت ومشت دخلت في انجولا
*بل المدينه
*قون بكري كتل حوثيين كتاااار
*قون بكري زي طيران التحالف
*طيران عاصفة الصحراء
*ضرب حوثيين وحلفاء الحوثيين
*ضربة جويه من امها
*عرفتوا ليه كردنه مصر يحددها مع بكري
*بل المدينه
*اتأخرت يا كردنه في الشكوي
*استعجل يا كبسور
*اشتكوهوا لي عاصفة الصحراء يمكن تكتلو ليكم وتريحكم
*بكري الطيار
*بكورنا جاب قون في الشوط الاول الحكم قال تسلل
*سرعة زي دي لا راية بتعرفها ولا صفاره بتفهمها
*بالغت يا بكري
*هيجت كبسور يا بكور
*مبروك تاهلنا لدور الستة عشر
*قلت ليكم شامي لي ريحة مطار
*ناس محمد عبدالماجد ريحه زي دي ما بعرفوها
*شموها متين عاد
*بالغت يا بكري
*هانت عليك العشره القديمه !!!
*بقيت ترجمهم من بره السودان كمان ؟؟؟؟
*طبعا كورة عزام ضبحنا ضان
*في الكورة دي بكري ضبح ليهو تيس كبيييييييييير
*كرامه وسلامه
*وابعاد حسد وندامه
*ضبح تيس ليهو ضل
*قلت ليهو يا بكري اضبح خروف
*قال لي نحنا في البلد بنحب لحم التيوس
*وطيران الروس
*قلت ليهو اتاريك كلو مره تضبح تيس
*حيرت التيوس زاتها
*بالقرآن مريخنا مصان
*مصان يا حسن حمد وعراقي
*ايها الناس
*ليس لها من دون الله كاشفا
*نحمدك اللهم
*لا لاقينا فريق فطيس
*ولا دسينا شريط مباراة
*الشمس بره بنلعب كورتنا
*ونتاهل
*ايها الناس
*بكري بالغ
*دي حقارة منو بس
*كبسور ده بعد كده بنشرط
*بتقطع حته حته
*وتلسم ليا يا بكورنا انت
*ايها الناس
*الاولاد قدروا المسئوليه
*الاولاد ما نسوا الوقفه الجماهيريه الصلبه بالقلعة الحمراء
*ولكن الدرس الذي استفدناهو
*هو ان لا نضيع هدفا علي ارضنا
*نركز شديد
*المرحله الجايه صعبه
*محتاجين نثأر لاخوتنا من الترجي
*ترجي الخمسات والستات
*ترجي التدخلات الدبلوماسيه بين الشوطين
*حتي يوقف سيل الاهداف
*تدخل من السفارة شخصيا
*ايها الناس
*شاهدت الهدف الاول لكابوسكورب
*برغم خطأ الدفاع
*كان يمكن لجمال سالم ان يفعل شيئا
*جمال بقي شارد
*القصة دي دايره علاج سريع
*لكن بكري بالغ
*كلما يجري يهري
*وكبسور يشتكي
*كمل ليك قريشات كبسور دمغات عرائض ساااااي
*المهم
*بعد الترجي مقابلين منو ؟؟؟؟؟؟
*غرزه بفكر في مجموعتنا فيها منو ؟؟؟؟
*لكن بكري بالغ
*نشيل ونهدئ في الناس ديل
*يجري بكري يجوطها تاني
*قدر ما نهدئ من روعهم
*يجي بكري يهبشم ليك
*كمان جابت ليها ختا من بره
*قاعد بره البلد يهابش فيهم
*بكري يا حقار
*قالوا عاقبوهوا
*وراهم ليك العقوبه من امها
*سجن وجلد وغرامه
*فضل الاعدام بس
*بالغت يا بكري
*تحاور اتين ومعاهم الحارس وتجيبها قون !!!!
*كمان جابت ليها محاروة بالجمله ؟؟؟؟
*ايها الناس
*مبروك للشفوت
*مبروك لبكري الذي حارب التنجيم والتحكيم وانتصر علي الجميع
*مبروك لبكري عقربته التي مارسها بانجولا
*قالوا لما عمل حركة العقرب
*انجولا كلها جرت
*بخافوا من العقرب
*العقرب المابخاف منها منو ؟؟؟
*كبسور بخاف منها موت
*لو ختينا عقرب في القسم
*كبسور تاني الا يشتكي للواحد الاحد
*البقت بقت يا كبسور
*جهز شكوي نزار
*المهم
*تأهل نستحقه
*وشطارة غرزه مزهجه كبسور شديد
*غرزه ده الا تشكوهوا لطوب الارض
*حمدا كصيرا لك يا ربنا
*ايها الناس
*بقي عندنا اتنين بالبا
*بله جابر
*وبل المدينه
*ايها الناس
*علمتني امي
*وقالت لي
*المؤدب والمربي ما برفع صوتو علي ذي شيبة مسلم
*قلت ليها والبرفع يدو علي امو يا امي
*بكت امي
*ماصدقت انو يكون في حيوان بعمل كده
*ناهيك انسان
*ايها الناس
*ان تنصروا الله ينصركم
*اها
*نجي لي شمارات والي الخرتوم
*كان شفت يا والينا
*امس البلد نامت فرحانه الا قلة في اطراف المدينه
*المدينه كتلت الناس في اطراف المدينه
*القله الحزينه
*عقربناكي كلمينا
*تاني بتشتكينا ؟؟؟؟
سلك كهربا
ننساك كيف وامس بكري اعاد لينا ذكراك
والي لقاء
سلك
////////////