أصل الحكاية
مش ممكن ، مش معقول اللي بيحصل في المريخ ده ، وعلشان ماحدش يزعل ويفسر جرس الإنذار أو ناقوس الخطر اللي مفروض أهل المريخ ياخدو بالهم منه ومن المرمطة والبهدلة اللي بتحصل في النادي وخربت البيت ، وسابته زي الشارع مافيش حد عارف إيه اللي داخل واللي خارج منه ، ومافيش حد عارف وضع مين إيه في المريخ ، تعالوا معايا نقرأ الخبر اللي نشرته أمبارح الزميلة ( الصدي) في صفحتها الأولي ( أثار عصام الحضري أزمة عقب وصوله إلي لواندا ورفض التوجه إلي مدينة كالولو وإستقر بالسفارة المصرية في العاصمة الإنغولية لواندا إحتجاجا علي سؤ الترتيبات الإدارية المتعلقة بسفره إلي كالولو وقال الحضري إنه إضطر إلي الإنتظار لأكثر من ست ساعات في مطار لواندا عقب وصوله برحلة مرهقة من القاهرة إمتدت لساعات طويلة وكان يتوقع أن توفر له إدارة البعثة حجزا مريحا إلي كالولو لكنه فوجيء بالتأخير المرهق ، وأعلن أنه لن يلحق بالبعثة ، وتم تكليف مدير الكرة محمد موسي والزميل عبدالباقي شيخ إدريس بالبقاء مع الحضري الذي يتوقع أن يلحق بالبعثة عن طريق البر صباح اليوم ) إنتهي .. وماجبتش حاجة من عندي الخبر إتنشر في صحيفة محترمة ومحسوبة في نفس الوقت علي المريخ ، يعني حتي من مدينة لمدينة في دولة أنغولا ، الحضري باشا بيحتج وبيرفض السفر وبيفرض عقوبة علي البعثة الإدارة لأنها ماراعتش قد إيه هو (تعباااااان) ومش قادر يوقف علي طوله ، ليه؟ لأنه ياولداه مسافر ساعات طيران من القاهرة ومش حا يقدر ينتظر كمان ست ساعات في المطار لغاية ماتخلص الإجراءات .
ومش كده وبس الأخطر من ده إنه راح وإستقر في السفارة المصرية ، وإحنا عارفين معناه إيه لما يلجأ مواطن لسفارة بلده في الخارج ، دي إهانة للسودان والسودانيين لو عملها ولجأ لسفارة بلده في السودان ، مابالك وهو في بلد تانية وبيمثل فريق سوداني يبقي إيه؟ إهانة لاتغتفر .
النكتة البايخة أوي أوي أوي بقي ، إني وقبل ما أكمل خبر (الصدي) ، جاني خبر شايلو النسيم بيقول إن الحضري باشا سافر (باللفتهانزا) ، علي فين؟ علي مصر ، ومين اللي سفره ؟ سفارة بلده في إنغولا ، طب ومباراة اليوم مين اللي حايلعبها ؟ أكرم موجود ، طب إذا المريخ إتهزم مين ح يكون المسؤول؟ أكيد مش الحضري وغالبا أكرم ح يكون السبب ، وممكن نقول الكوكي أصلا مغضوب عليه ، أو محمد موسي وعبدالباقي لأنهم ماخدوش من الحضري جواز سفره ، إيه يابيه مالك في إيه ليه بتسأل أسئلة مش هي ، ماإنت عارف وأنا عارف إن الحضري غلطاته عندنا مغفورة ، إنت نسيت ؟ خليك مصحصح معايا .
مش الحضري اللي يتحاسب ، إحنا اللي نضرب بالجزمة وجزمة قديمة كمان ، إحنا اللي ناخد علي قفانا ، إحنا اللي يتمسح بينا البلاط ، إحنا اللي نتبهدل ونتمرمط ونترمي في الزبالة ، عارف ليه لأننا عند سي الباشا الحضري زباااااااااالة ومانساويش عنده ولانكلة ( تصغير مصري) ، سعادة الباشا اللي إتمرمط وإفترش أرض المطارات الأفريقية مع ناديه السابق الأهلي والمنتخب عشرات المرات ، واللي هاجمت صحافة بلده المعاملة السيئة والحرب النفسية اللي بتتعرض لها في القارة ، ماكانش يقدر يفتح (بقه) بكلمة يلعب حتي لو علي نقالة ، ولا يقدر حتي يفكر مجرد تفكير يسيب البعثة ويرجع لأنه مرهق ولا تعبااااان ، ده الراجل كان بيتلطع في مطارات القارة السمراء إطناشر وتلطاشر ساعة وبعد مايصل يتدرب ويلعب زيو وزي أي لاعب
طب إيه اللي حصل وبدله بالشكل ده ، هو ماإتبدلش هو أصلا كده بس الفرق عندهم إدارات بتحترم نفسها ، وفي المريخ إدارة بتهين نفسها . وتحت أمرك ياباشا أي خدمة غلطاتك عندنا مغفورة ، عايز أضحك أكتبها كيف؟
hassan faroog [hassanfaroog@hotmail.com]