بسم الله الرحمن الرحيم
في السلك
*الاهله كانوا خايفين شديد مننا قبل القمه
*وفيهم ناس لي اسي خايفين
*بعد الكورة انتهت خايفين
*ومن مظاهر خوفهم
*ماخرجوا به قبل المباراه يؤكد ذلك
*وقتها اعلنوا استجابتهم لتدخلات رئاسة الجمهوريه وقفل ملف بكري
*كانت القصه مسكنه منهم عشان ما نفتك بيهم في الكوره
*ومايؤكد ان نشرهم لقفل ملف بكري كان خوفا وابداءا للمسكنه
*ماخرجت به الجوهره امس
*حيث قالت ان الهلال استلم قرار بكري تمهيدا لتقديمه للوزان
*وطبعا القصه دي مابتخوفنا
*ولا بتهز صوفه في صلعتنا
*لان كبسور لاقضيه له
*وكبسور يعلم وبكري يعلم
*والاتحاد يعلم
*ولكني ارجح ان فتح الموضوع الآن سببه
*هو شغل الاهله الشرفاء عن الحديث عن المواسير القديمه
*والمواسير الجديده التي ينوي المجلس التعاقد معها
*اصلو كبسور كلما يفشل في ملف
*يفتح ملف بكري المدينه
*ليشغل الاخوه الاهله الشرفاء
*واحد هلالابي مادافع الايجار
*قالوا ليهو ليه مادفعت الايجار
*قال سنفتح ملف بكري المدينه
*ايها الاهله
*فتح ملف بكري بخليكم تنشغلوا وتجيبوا مواسير بعد السيستم يقفل
*غايتو بكري بالغ
*في الميدان شاغلهم
*بره الميدان شاغلكم
*جنس خوف
*المهم
*كاريكا طالع في الكشف ولا بتدوهو فرصه لي آخر الموسم ؟؟؟؟
*الزول ده باقي ليكم عاله اكتر من كانوتيه وبوتاكو وسيسيه
*اقول ليكم اعاره لهلال الابيض اخير
*لانو الزول ده برضك عندو مريدين زي هيثم
*الشطب بوقف الشغل في الجوهره
*قال جوهره قال
*اقترح علي الاخوه الاهله
*بالحداشر اجنبي العندهم ديل
*ان يعلقوا لافته كبيره يكتبوا فيها
*معسكر الجوهره للاجئين
*ايها الناس
*فيصل موسي لو طالع شطب تبقي مشكله
*يبقي احرج اقلام فطومه وروشا
*الاقلام التي راهنت علي صغر سنه وكبر فنه
*هو جنس حرج هو !!!!
*ايها الناس
*الشفوت فيما يتعلق بالاشبال مافاهمين الرصه
*جيب الزيت يا سعادة الفريق طارق وورينا الحاصل
*معقوله يغيب رديف المريخ عن مباراه معلنه ؟؟؟
*الكلام دخل العضم الحي
*وفي ظل اخفاق ادارة المراحل السنيه
*لانري غير اقلتها قبل قبول استقالتها ان كان الاخفاق بسببها
*او محاسبة الاداره الكبيره ان كان الاخفاق بسببها
*وفي الحالين
*اري ان نعيد النظر في ادارة المراحل السنيه عندنا
*ايها الناس
*مايحدث في هذا القطاع الالحساس
*لايشبه فريق كبير مالمريخ
*الموضوع داير علاج سريع
*قبل ما ندخل الانعاش
*المهم
*سمعنا انو غرزه كان داير يستغني عن كوفي واوكرا
*ياغرزه
*جنا تعرفو ولا جنا ما بتعرفو
*ومهما كانت فنيات الجدد
*فان نجاحهم مرتبط بامور اخري
*لذا ليس من المنطق الاستغناء عن من وضع بصمة في تأهلنا
*والمخاطره بتجربه جديده
*الجدد و كانوا اضافه مرحب بيهم
*لكن كبدلاء لاوكرا وكوفي
*الموضوع كده ببقي ما زابط
*يا غرزه
*نحنا ما دايرين نخم افارقه بالكوم ساكت زي الهلال
*ولما نجيبهم يفشلوا بالجمله
*فشل جماعي
*النوع ابو تلاته بي الف ده مابنفع معانا
*نضيف ولا نستبدل يا بروف
*يا غرزه
*نحنا شامين ريحة مطار السنه دي
*اشتغل معانا علي كده
*اصلوا نحنا يا غرزه لما نشم ريحة مطار
*بنمشي ليهو
*ايها الناس
*الرديف والاشبال
*الاهتمام بهم بوري مدي احترام النادي لمكانته
*وطالما سيكافا تتعارض في زمنها مع المجموعات
*كنت اتوقع ان نشارك فيها بالرديف مطعما ببعض الكبار والاشبال
*ماكنت اتخيل يغيب الرديف عن مباراه معلنه داخل البلد
*يا صمدو
*بلف الرديف ده مامحلوج يا اخوي
*قبل ما الواطه تطين اققفل البلف ده يا اخوي
*ايها الناس
*الراحه الحاليه
*هي فرصة لتقييم الحال
*في فريق الكره
*في فرق المراحل السنيه
*في النادي الاجتماعي
*في مستوي التشجيع
*في ماتقدمه الروابط المريخيه
*في دور القروبات الحمراء
*في فرز الصالح من الطالح
*في مناحي كتييييره
*فهل جلسنا لنقيم بمصداقيه وشفافيه ؟؟؟؟
*ايها الناس
*ان تنصروا الله ينصركم
*اها
*نجي لي شمارات والي الخرتوم
*كان شفت يا والينا
*واحد عن عبدالرحمن علي طه حكي لينا
*اول وزير تربيه سوداني قال لينا
*وهو بحكي لينا يا والينا
*كنا بنقارن بين حقبتو والحقبه الفينا
*بكينا يا والينا
*ولان الموضوع طويل وكتر علينا
*حانفرغ له مساحه واسعه يا والينا
*في زمنو ماكان في مدرسة مامدرسه بتدرس فينا
*وفي زمنو ماكان لو داير تقرأ تدفع السمينه
*وفي زمنو معاهد تدريب المعلمين كانت مفتوحه مجاني والزامي لينا
*حانعود يا والينا
سلك كهربا
ننساك كيف ويا حليل القرايه ام دق بقت القرايه ام رسوم
والي لقاء
سلك
