بسم الله الرحمن الرحيم
في السلك
• تتذكروا خط بارليف
• خط العدو الاسرائيلي
• الكانوا تامينوا مويه
• اعلاميا اقنعوا العالم كلو بانه الخط الذي يستحيل عبوره
• واقنعوا الناس بانو البصل ساي جوار خط بارليف
• اجعص وداعيه ما بتعرف خبرو وين
• الدبان الازرق ما بعرف محلو
• وقالوا لو ود ابرق جا عابر الاجواء البارليفيه
• سته وعشرين صاروخ مضاد للطائرات يقوموا اتوماتكيلي
• ينفشوا ليك ريش ود ابرق ريشه ريشه
• عشوشه لو شافتو تتغابي فيهو عشرة العمر والعش الواحد الجمعهما زمن طويل
• بارليف
• قال ليك خط اصعب من مثلث برمودا
• وفي الوقت المناسب
• انكشفت الكذبه الكبيييييييييييره
• واتضح ان الخط خط وهمي
• عبروا اليه المصريون بمراكب بلاستيك
• وعملوا كبري من انابيب لساتك الشاحنات القديمه
• ودخلوا بي هناك
• لقوا ليك الاسرائيليين مرطبين وعايشين علي الكضبه
• قولة رو دي
• قال ليك في اسرائيليين جارين لي اسي
• طلع خط فشنك ساااااااااااااااي
• المصريين قبضوا العدو بايدينهم ساااااي
• زي قبيض الجراد
• وانتهت الاسطوره التي سيطرت علي الاعلام العالمي زمن
• اها
• في هذه الايام الطيبه اتذكرت قصة خط بارليف دي
• لكن بصراحه
• خط بارليف طقطق
• وكان سمعتوا روووووووووووو
• طاااااااااااااااااااااااااااااااااخ
• اوردولوب
• اعرفوا خط بارليف 2010 وقع
• في واطات الله السمحه دي
• وانكشف المستور
• وظهرت نمور الورق
• ورق وانفرك
• حضروا الكسره ساااااااااااااااي
• اها
• امس شاهدنا كورتنا مع عطبره
• المريخ كبييييييييييييييييير
• يلعب ضد التحكيم
• والتنجيم
• والتضخيم
• ومحاولات التحجيم
• الموسم ده ياناس
• مرت علينا فيهو ظروف رهيبه وعجيبه
• وماعاشه المريخ في هذا الموسم لم تعشه بغداد عند العدوان الامريكي
• لكن
• لان المريخ قوي
• ولان جمهور المريخ قوي
• ولان المريخ فينا بمثابة الاب
• ولو قالوا لينا الوالد بي عافيه بنجي فللي
• من كل بقاع العالم
• حتي يطيب الحبيب
• لكل ذلك صمد المريخ امام كل الوجوه القبيحه
• وانتصر
• وسيتوج باذن الله في نهاية الموسم
• عندما ينقلب السحر علي الساحر
• وينال عاقبة الصبر الشاطر
• وعينكم تشوف من باكر
• تبقت لنا مباراتان في هذا الموسم
• لدينا تلاته توانسه
• اولادنا
• اللهم انصر التوانسه
• في مشارق الارض ومغاربها
• لما نكون شايتين من الشمال للجنوب
• ولما نكون شايتين من الجنوب للشمال
• اللهم وحد الجنوب والشمال
• صاحب الرقم 0912367899 ارسل رساله بسأل فيها البعاعيت وصلوا ولا لسه ؟
• وبقول في ناس شغالين اليومين دي ديك اسود اعرج / تيس اطرش قرد اقرع / حربويه ابيض بي سماوي / ضب متعدد الزوجات / جداده عينها طايره
• غايتو ياصاحب الرقم اعلاه
• جداده عينها طايره دي ياها البتطير الناس زاتها
• ايها الناس
• حانشوف استكشات مضحكه جدا ايام العيد
• الخروف بقول شنو ؟
• البقولها الخروف دي حاتسمعوا بيها ايام العيد
• ياناس
• حكاية يلعب لاعب موقوف دي عجيبه جدا
• يعني عدم ثقه في الفريق و لا عدم ثقه في الحكم !
• يعني لو كل الخطط فشلت نرجع للشكوي
سلك كهربا
مابنساك ولا عايز ولا بقدر ولا بحصل
والي لقاء
سلك
babikir maki [b_silik@hotmail.com]