راشد جايينا بالسارينا .. بقلم: بابكر سلك

بسم الله الرحمن الرحيم
في السلك
*بالامس صرح السيد رئيس نادي الامل عطبره
*قال سنهدي البطولة للمريخ
*هديتك مقبوله يا مولانا
*لكن شوفها مشت وين
*لكن بصراحه
*شكل المباراه كان افضل كثيرا من شكل مباراتنا في مدني
*برغم ان الهلال اعتاد ان يلعب بالهجمه المرتده دوما
*وهي طريقه توضح ان القناعه عند ناس الفريق واضحه
*الثقه في النفس قليله
*القناعه بالثغرات كبيره
*لذا 
*نطفشها ويسكها الحصان
*ودي طريقه بنهار بها الفريق الذي يلعب بها
*اذا كان للخصم مدرب بفهم كورة
*والكلام ليك يا محسن
*الطريقه دي بتقدر عليها عارفك
*خلي ليها بالك
*ايها الناس
*شفتوا الطريقه التي احتفل بها بكري المدينه بهدفه ؟؟؟؟
*انا خلوني
*انتوا رايكم شنو ؟؟؟
*ايها الناس
*كرة القدم هي لعبة اخطاء
*لذا اخطأ مدافع الفاشر وقدم هدية لكاريكا
*واخطأ مهاجم الامل واحرز في مرماهو
*واخطأ مدافع الامل في هدف بكري
*واخطأ مرتضي في هدف نيلسون الفندق
*واخطأ الطاهر حماد في اهدار ثلاثه اهداف مضمونه
*ملاحظين
*كل الاخطاء يستفيد منها ابو الهل
*زي اخطأء الحكام
*واتخطئي
*سؤال بسيط
*لماذا لم يقم مدرب الامل بتغيير الطاهر حماد منذ الشوط الاول ؟؟؟؟
*والطاهر حماد ينقذ الهلال من تلاته اهداف مؤكده
*الخطأ الوحيد الذي لم يستفيد منه الهلال
*هو اعطاء اللجنه مرتضي جائزة نجم المباره
*المهم
*مستوانا يوم مدني كان ما مستوانا
*برانا بنعرف مستوانا
*والكلام ده مافايت علي برهان ومحسن
*وما بتفوتو الجماهير تاني يا كوتش
*صناعة اللعب
*او تكتيك لصناعة اللعب هو المطلوب
*وصابرين يا كل الغنا
*في الاستوديو التحليل تحدث الكوتش الريشه حديث العارف
*وجل من لايخطئ
*الريشه برضو اخطأ
*واستفاد من الخطأ برضو الهلال
*الريشه قال الهلال فرق من باقي الانديه
*الصحيح ان الهلال زي باقي الانديه 
*عدا المريخ
*الهلال مازيو ولا المريخ زي الهلال
*لكن الهلال بشبه الباقيين
*زي هلال ام صفقا عراض ونيل الكوه وود حامد سنار
*كلهم بتفقوا في انهم دوليا مالهم انجاز ولم يتجاوزوا المجال
*طبعا الكلام ده عدا المريخ الجوي
*المريخ الجوه المطار ما بره مع امجاد جمب جاد
*المهم
*امس لعب مازيمبي ضد وفاق سطيف في ابطال افريقيا
*واليوم فيتا يقابل الصفاقسي
*والجماعه راجيين الشكوي
*والكاف يجتمع بدون ما يجيب سيرة للشكوي
*زي الزول لما يقول ليك كلام فارغ
*او كلام ما منطقي
*تقوم تعاين ليهو وما ترد عليهو
*الكلام ما بستاهل رد
*فهل شكوي الهلال فارغه لدرجة يصهين الاتحاد الافريقي من الرد عليها ؟؟؟؟؟
*بس اوعه يعاين الكاف لابي الهل بي قعر عينو
*المهم
*نشاط كبير داخل اروقة مناشط المريخ
*وهنا لايفوتنا ان نشكر الشفت ود عقيد
*ود عقيد دعم تسجيلات السله بي عشرين مليون بالقديم
*بل تعهد انابة عن شفوت الرياض بمرتب مدرب السله شهريا
*وماغريبه علي ود عقيد ولا غريبه علي الشفوت
*فرابطة الرياض اقامت احتفالا بسيكافا علي قدر من القيافه
*ورابط المريخ بالمهجر كلو يوم تؤكد اصالة الانتماء و عمق الولاء وعبق الوفاء
*التحيه لهم جميعا
*المهم
*المناشط تفكر في اقامة بطولة للمناشط بمجمع المناشط بالنادي
*سله ويد وتاكوندو و كاراتيه وعرض مصاحب للجمباز ومباريات للرائدات 
*تفعيلا للنشاط واثبات لريادة المريخ وسيادته الرياضيه في جميع المناشط
*وحفل يحيه النصري (سيدا ) لصالح المناشط
*مهرجان يستمر عشرة ايام
*يخلق ترابط وتفاعل ونشاط
*ايها الناس
*ان تنصروا الله ينصركم
*اها
*نجي لي شمارات والي الخرتوم
*كان شفت يا والينا
*الواتس جاب لينا
*حكاية دكتور راشد السوداني المننا ولينا
*الاكتشف علاج للايدز من اعشاب قايمه في وادينا
*لو صحت الاخبار يا والينا
*يبقي راشد للخير جاب لينا
*وصحا روح البحث فينا
*وده الموضوع الداير نشر يا والينا
*وراشد الباحث الفينا
*بستحق هيلمانه وقومه وقعده ومليون سارينا
*اصلوا بستحق السارينا يا والينا
*البعمل خيرا فينا ولينا 
*وبرفع راس وطنا عالي نفتخر بيهو ويفتخر بينا
سلك كهربا
ننساك كيف وكلو ما نسمع سارينا نقول بختنا راشد جايينا تتطلع سارينا عشان تقفل الشارع لي زولا لسه في الحمام بعد ساعه بجي بي هنا
والي لقاء
سلك
b_silik@hotmail.com
////