سوق المواسير … بقلم: بابكر سلك

 

بسم الله الرحمن الرحيم

 

في السلك

 

 

 

•       طبعا كلنا سمعنا بسوق المواسير

•       سوق في الفاشر

•       سموهوا سوق المواسير

•       انا ماعارف سر التسميه

•       لكن عرفت ليه الجماعه دائما بداية الموسم بمشوا هناك

•       يكونوا عارضين بضاعتهم هناك ياربي ؟

•       امادو وامودي وود الحله والفاضل من الخيرين وهليفه والتعاون والانتر

•       غايتو الجماعه لو استقروا هناك حقو يعملوا سوق برااااهم بي مواسيرهم دي يسموهوا سوق السجانه الغربي

•       اها

•       امس لعبنا في سوق المواسير بتاع امدرمان

•       وطلعنا من المولد بحمص

•       زي ما الاسماعيلي طلع بحمص

•       تاني مقبره ببح مافي

•       الاسم الجديد المولد

•       مولد وصاحبو كيشه

•       تدخل ما بتمرق ساااي اصلو

•       سوق مواسير وجوار المنطقه وفاتح علي حوش البلديه

•       غايتو اولادنا امس من الضلمه قربوا يجروا

•       استاد مضلم بس القبر

•       اعوذبالله من ظلمة القبر

•       يعني لو واحد قيل في البحرو دخل كوره في سوق المواسير المضلم ده لو سألتو عن اسمو وديانو بصدق انو ده القبر

•       بس ما تتعمق معاهو يقوم يفتوا ويحتوا وتمرق اسرار مامن الصالح 

•       اول امس الترجي اتغلب اربعه

•       حالتو بدون جمهور

•       امال مع جمهور الزعيم يعمل شنو ؟

•       الترجي السنه دي اخد تلاته اربعات

•       من الملعب التونسي ومن بطل سيراليون ومن البنزرتي

•       وفضلت ليهو الاربعه الرابعه

•       والرابعه واقعه

•       علي ايدنا انشاء الله

•       برشلونه مشي الحتانه , الكونفدراليه ما لمه فيها

•       اتبرشلي في الاسماعيليه

•       صاحبي المصري بتاع السراميك الساكن الديم

•       قلت ليهو  الاهله قالوا حايتخطوا الاسماعيلي في  الاسماعيليه

•       قل لي يابكر 0000 هو الكلام بفلوس !

•       قلت ليهو بعملوها , نحنا جدنا تهراقا العلم الناس الحرابه

•       قال لي ياخبر بفلوس بكره ببلاش

•       حانهزاكو

•       قلت ليهو  بلاش تجيب السيره دي

•       لعبنا في استاد الجماعه

•       ياريت لو لعبنا في استاد المورده

•       ضباب تقول لاعبين في لندن

•       دخان ما دخان

•       بمبان ما بمبان

•       والغريبه اللاعب ليهو ضل

•       كشافات ولانور ركشه دي !

•       تاني الداير يلعب معانا في المولد ده نهااااار بس

•       في شمس الله دي

•       استاد حيرنا

•       بله جابر اصيب

•       الجماعه جوا دافرين العربيه

•       ارفع

•       ارفع

•       ابت تدور

•       فضيحه

•       ابت ترفع

•       من الحلقوم ابت تطلع

•       بله اتعالج وقام ولعب

•       والجماعه دافرين

•       تاني كوره في الفضايح دي النقل ارضي بس

•       اها

•       وارقو اصيب

•       ابت ترفع

•       الجماعه جوا جاريين شايلين النقاله زي طاولة العيش

•       فرن ده يا ربي ولا استاد !

•       احرجتونا

•       والغريبه الزول الشايل النقاله لابس نمره تمانيه بالجمبه

•       يعني معاها رقم تاني

•       اظنوا وقع لما كانوا بلزوا في الهكره

•       لا اله الا الله

•       اها

•       ياروشا

•       طلعنا من المولد باربعه حمصات سمحات

•       الخرابه دي اي زول داير يغلب فيها يلبس اصفر

•       شفتوا المريخ امس !

•       شفتوا الاسماعيلي بالاصفر ؟

•       الترجي ما احسن من المورده

•       عشان كده الاربعه محمداهو

•       لكن المورده احسن من الترجي

•       عشان كده جابت قون والترجي يسمو

•       ارفع

•       ارفع

•       ابت ترفع

•       من الميدان ابت تطلع

•       ياربي دايره كلتشي ؟

•       ياربي قاطعه بنزين ؟

•       والبنزين عند الارباب

•       والارباب قفل التلفون

•       والجماعه واقفين طابور

•       والمعسكر فندق بالدين

•       والدين هلك الرجلين

•       واللعب لعب الخمسين

•       واللاعبين دايرين فلوس

•       والفلوس عند جما0000 الوا00000

•       تموها براكم

•       ياربي تجيب لينا المطر

•       ياربي تجيب لينا المطر

•       الحكم قالوا ليهو لو داير تظهر اي زول لابس اصفر اديهو كرت اصفر

•       اتصفري

•       وارقو

•       في كورة الترجي دقت في الحديده وطلعت

•       وفي كورة المورده دقت في الحديده ودخلت

•       وارقو

•       ليبيا فتحت

•       ملحوظه

•       اخر كوره للترجي مغلوب اربعه واخر كوره للمريخ غالب اربعه

•       بالمناسبه

•       بعد نتخطي الترجي بحول الله حانعود لموضوع سوق المواسير

•       ابقوا معنا

 

سلك كهربا

                            لن ننسااااااااااااااااااااك

والي لقاء

سلك

 

 

babikir maki [b_silik@hotmail.com]