So what??
Nothing??
قوووول عملوا شفوت وقالوا انتخابات مبكرة و جابو المتردية والنطيحة ومن اكل الموز جبريل واردول وهجو
SO what?
Nothing
يا جماعة والله قاعدين تضيعوا زمنكم ساكت و تكبروا فاتورة الحساب
فض الاعتصام ما نفع
اتفاق والتفاف واستهبال على الاتفاق ما نفع
انقلاب عديييل ما نفع
محاولة التراجع عن الانقلاب واعادة حمدوك ما نفع
قعدتوا برااااكم وجبتو برطم وباقى الزلنطحية مااانفع
قلتو نحن عساكر خلاص ما عاوزين مجلس سيادة بس نعمل مجلس اعلى للقوات المسلحة برضو ما نفع
شلتوا الاغبياء الخمسة من مجلس السيادة ما نفع..
الثابت فى القصص دى كلللها شارع ومطالب واضحة
ف انقلبوا استعدلوا تعالوا امشوا اجتمعوا انفضوا طنطنوا صرحوا سافروا وارجعوا
وقت تخلصوا الدراما..
ح تسلموا ح تتحاسبوا والعسكر للثكنات وللابد
قووول الجيش عمل انقلاب تااااانى على الانقلاب الموجود .. بقلم: راشد عبدالقادر
لا توجد تعليقات
مصدرُك الموثوق للأخبار والتحليلات والآراء الدقيقة!
نقدّم تغطية دقيقة ومتوازنة، إلى جانب تحليلات معمّقة وآراء متنوعة تساعدك على فهم ما وراء الخبر. تابع آخر المستجدات والرؤى أولًا بأول.
