منظمات العون الهلالي … بقلم: بابكر سلك

 

بسم الله الرحمن الرحيم

 

في السلك

 

 

 

•          من واجبات الانسان ان يقف مع اخيه الانسان

•          ونحن في المجتمع الرياضي اشد الناس تمسكا بمبدأ الوقوف مع الآخرين

•          نحن في الوسط الرياضي نرفع شعار شاعرنا عمر خالد

•          نحن في الوسط الرياضي لا بنخاصم لا بنعادي

•          وطالما اننا في الوسط الرياضي لابنخاصم لا بنعادي يبقي لازم نقيف مع اهلنا التعبانين

•          العالم كله يعرف العون الطوعي

•          وفي منظمات للعون الانساني

•          تقدم الغذاء للجوعي

•          تقدم الماء للعطشي

•          والدواء

•          للناس العيانين

•          بس ما بتدي قروش

•          مساعدات عينيه

•          اها

•          الصفوه انطلاقا من هذا المنطلق قرروا يدعموا الفقراء والمساكين من اهل الوسط الرياضي

•          اتفقوا علي ذلك

•          ولكنهم اختلفوا في طريقة الدعم

•          وعشان كده كترت الجهات الداعمه ومسمياتها

•          ظهرت منظمة انديه الممتاز للرفق بالهلال

•          وهي منظمه تهدف للتبرع للهلال بنقاط  كل ما كانت هناك ضروره

•          عشان ما يهبط

•          والدعم بتاعهم في شكل نقاط في دربات

•          كل ما يحتاجوا نقطه يدوهم درب ينقط  نقطه  نقطه

•          برغم المواسير الكتيره الا انها لاتنقط ولا نقطه

•          مواسير السنه كلها تصفر

•          فوووووووووووووووووووووو

•          عشان لا الضغط  يهبط ولا الهلال يهبط

•          وهناك  جمعية زاد الهلال

•          وديل بجيبوا الموز والمويه بدل البرنس يشتريها من حسابو

•          والجمعيه دي متوقع مساهمتها الفعاله والسريعه

•          حيث تعتزم جمع التبرعات من البيوت كسره بايته قرقوش

•          وبما ان المدارس علي الابواب ممكن برضو يعملو حمله في المدارس للتبرعات

•          حلق قديم

•          خاتم مكسور

•          يجبر الخاطر المكسور

•          الطالبات بتبرعن

•          ويابخت المدرسه الفيها بنات الوالي

•          ديل بتبرعن(  بالست كلو) ما بي حلق بس

•          وفي الجمعيه الآليه للستره الهلاليه

•          وديل شغلهم اعادة تأهيل الآلآت الخربانه

•          زي العربيه ام دفره

•          زي الية المستحقات

•          زي مكنة حلاقة النجيله

•          زي آلية دفع المستحقات

•          وزي آليه تفعيل الحمار

•          وكده

•          وبما ان رمضان علي الابواب هناك اقتراح بتسجيل جمعيه

•          اسمها جمعية عبد الدائم لافطار الصائم

•          وفي منظمات طوعيه كتييييييييره دايره تدخل في الموضوع ده

•          منظمة الاشفات لتغيير الكشافات

•          ومنظمة مثاني لبناء الطابق التاني

•          وفي منظمات من غرب افريقيا ابدت استعدادها للمساهمه

•          زي منظمة بلاك اقو  تدي يوسف حقو

•          وبرضو ناس الانتربول بساعدوا بالذات لو كامبوس من تركيا كب الزوغه وكان عندو مرتب مقدم

•          مقدم بتاع حي العرب !

•          وفي منظمه كاميرونيه اسمها منظمة آفريكا الظريفه

•          دي بتساعد علي التخلص من ناس خليفه

•          وكتير من اهل الخير ناوين علي المساعده

•          اي زول عندو الرغبه في عمل الخير ده يتصل علينا

•          شيك بنقبل

•          هدوم مستعمله بنقبل

•          بتتباع في سوق المرحوم كان قدرك

•          بالنيه سااااي نقبل مساهماتكم

•          اها

•          شئ فيهو صدامين

•          فك القدامي وخلي الوراني

•          لديترو  بفور وبدشر

•          ده شنو ده ؟

•          لاسانا لما لعب الرأسيه خمسية نفر نطوا قبال بهاء الدين

•          كلكم

•          جيبوا من جوه

•          الحمد لله بهاء طلع نجم المباراه

•          والنصر اتي بشق الانفس

•          لو غلبنا من بدري تلاته واربعه

•          كان قالوا حاحا وظاهره وبهاء

•          قون لاسانا زعل ناس الحله الورانا اكتر من الناس الملاعبانا

•          الناس المننا زعلانه دحين ما غبيانه !

•          انشاء الله المعز يزعل

•          عشان تجونا بالدعيع

•          اليوم داك عاد الاشتر ما بضيع

•          يضيع والقون الدعيع ؟

•          روشا

•          قلنا ليك بيع

•          اها بقت خسين ما بتجيب

•          بعد ده الا مقايضه ياروشا

•          نديك مجلة ميكي وتدينا الجريده

•          حلاة حبيب بالاحمر والبلد بالاصفر

•          بيع ياروشا بره دوشه

•          ايها الساده

•          جاءنا ما يلي

•          اتصلت منظمه طوعيه خيريه عالميه للانضمام الي الركب الطوعي اعلاه

•          جمعيه آسيويه

•          باكستانيه 

•          اسمها بناظير لعلاج مشكلة المواسير بالمناظير

•          مكاتبها بحي العرب جنوب سوق العيش

•          الشماسه قالوا دايرين يساهموا

•          ماعندهم رسوم يسجلوا منظمه

•          سجلوا ليهم  جمعيه خيريه

•          يفتشوا في الاسم اربعه يوم حتي لقوهوا

•          سموها جمعية شمس كريستال جوال

•          وهو اختصار لشماسة وكريستال وجوال

•          وجوال دي فيها حاجتين

•          جوال بمعني شوال

•          وجوال بمعني حوام

•          وهي جمعيه يقوم افرادها بالتجوال في الشوارع يلقطون الكرستالات المجدعه في الطرقات ويختوها في الشوال تمهيدا لبيعها

•          ثم التبرع بالمقابل

•          يلا يا شباب

•          شوف الجمعيه المناسبه وسجل اسمك

 

سلك كهربا

                   ننسااااااااااااااااااااااااطك كيف !

والي لقاء

سلك

babikir maki [b_silik@hotmail.com]