بسم الله الرحمن الرحيم
في السلك
• الفريق القومي ماقصر
• لكنه يحتاج للجماهير
• الجماهير الواعيه
• في ناس بعد المباراه قالوا اولادنا جابوا القونين
• يعني تحزب وتعصب داخل القوميه
• لن نجني منه غير كثير من الشتات والفرقه
• والكلام في الحتات دي بخلينا نتكلم بي لو
• ولو تفتح عمل الشيطان
• ومادايرين شيطان يدخل لينا في فريقينا القومي
• خلونا نضوق جغمة المديده ودقت الحديده
• نتشوق للفوفازيلا
• دايرين العالم يشوفنا في النهائيات
• ياناس
• الفريق القومي يحتاج للجمهور
• ولكن ليس اي جمهور
• للجمهور الواعي العاقل فقط
• الذي لايهمه من يحرز الهدف
• ولكن يهمه ان نحرز الهدف
• ماتخلونا نفتح باب لو
• ونقول
• لو راجي ما هدف بقوه
• ماكان الكوره رجعت من الحارس لكاريكا الذي وجد المرمي خاليا والكوره تتقدل امامه
• ولو بله ما لعبها للمدينه
• ماكان المدينه اداها لمهند عشان يتوغل ويحصل ضربة الجزاء
• ولو مامازدا ولدنا وضع خطه محكمه
• ماكان غلبنا
• ولو ما مازدا ولدنا اختار عناصر مناسبه للمرحله ماكان فزنا
• لانو شفنا نفس الناس مع وازريك فشلوا
• ومع مازدا لغانا وصلوا
• ومع غسطنطين (الله لا عادو ) فشلوا
• ومع مازدا نجحوا من جديد
• لو يا ناس بتفتح عمل الشيطان
• يجيب القون كاريكا
• يجيب القون راجي
• يجيب القون الطاهر حماد
• كلو واحد
• وكلو هدف للسودان
• جدير بان تنتطلق له الحناجر مدفوعة من قلوب لاتري لون غير الوان العلم
• فهمتوني !
• مازدا وشحاته واااااااااااااااااااااااحد
• لاقاكم مصري اهلاوي قال انشاء الله مصر تتغلب عشان المدرب شحاته زملكاوي ؟
• تتذكروا الحرب علي مازدا ؟
• خلونا من الفارغه والمقدوده
• وتعالوا نقدم للوطن صوره نتحد فيها جميعا من الاعماق
• بالذات ونحن مقبلين علي الاستفتاء
• تعالوا نثبت للعالم اننا شعب تذوب اتجاهاته في نيل الوطن الواحد
• شعب عذب جدا
• اها
• قالوا الصاعقه وقعت في حوض السباحه
• معقوله يا الصاعقه !
• الجماعه في المجلس الجديد اول قرار طلعوا بيهو شالوا القرعه من هيثم
• ومدوها للوزير
• ومامعروف مين بعد الوزير
• غايتو لو جاتنا القرعه ايام الفطره دي ما بنقصر
• حق الله
• قلت ليك بيع ياروشا
• تقول لي اربعين فنطاز بحر بترول
• البترول بترول الشعب
• ولا نقطه
• ما بنفرط
• بنقرط
• شديد
• بيع ياروشا مافي حل
• زماااااااااااااااااااااااان
• قلنا ليك حلاة حبيب بالاحمر والبلد بالاصفر
• بيع ياراجل
• ناسنا مازال غضب الصفوه يتوهج عليهم
• ماعاجبننا
• وماحبابهم
• شهر اطناشر الله يجيبوا
• لن تأخذنا رأفة بجيل تلاعب بمشاعر الجماهير وفرط
• تفرط للضحاكات نقرط 0000 وتنشطب
• لا كبير علي الكبير
• ولن ننسي الحسره التي قدمتموها للجماهير في هذا الموسم
• والمواسم السابقه
• ولكن لن نسمح لها ان تتواصل الي المواسم القادمه
• البتر هو الدواء
• فكونا
• بره لمه
• ماتنسوا القرعه لازم تمشي حي الصفا
• ما بترجع فاضيه
سلك كهربا
هو البنسينا منو ؟
والي لقاء
سلك
babikir maki [b_silik@hotmail.com]